A Ch'an̈ Schab'il Libro Yic Yab'ixal Eb' Rey 14:25 - Chuj San Sebastian Bible

²⁵ 'Ix yi'n can pax 'ec' Jeroboam smasnil lum slum chon̈b' Israel 'e'nc yuj jun tzo'n̈ xo nacion̈ 'a yaln̈taxi, schaj 'at 'a 'aj tzon̈ 'och 'a Hamat, masnto 'a a mar yic Arabá, 'icha yutjnac yaln Jehová sDiosal chon̈b' Israel 'a Jonás atn jun schecab', win yunnal Amitai 'aj Gat-héfer.

Chuj San Mateo Bible

²⁵ A vin̈aj Jeroboam chi' ix ic'anxiec' b'aj tz'ec'taxon smojonal smacb'en Israel, sb'atn̈ej b'aj tz'ochc'och b'e d'a Hamat masanto d'a a' mar yic Arabá, icha aj yalannaccan Jehová sDiosal Israel d'a vin̈aj Jonás schecab', aton vin̈ yuninal vin̈aj Amitai aj Gat-hefer.

A Ch'an̈ Schab'il Libro Yic Yab'ixal Eb' Rey 14:25 ပူးပေါင်းရင်းမြစ်များ

Gn 14:3

A own̈ eb' rey tic, 'ix smol alj eb', xya'n eb' syam sb'a eb' soldado 'a span̈nil lum Sidim, 'a 'aj 'ay a Mar Muerto.

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

A Ch'an̈ Schab'il Libro Yic Yab'ixal Eb' Rey 10:32

A 'a yic jun tiempoal cha, 'ix syamn 'och Jehová yi'n 'ec' slum chon̈b' Israel. A win Hazael 'ix c'och to yi'n 'ec' slum eb' israel 'ay 'a sc'axpil 'ec' a Jordán 'a stojlal 'aj tzq'uel c'u, atn 'a lum yic eb' yin̈tl Gad, Rubén yet' eb' yic Manasés, tzcotn̈j 'a chon̈b' Aroer 'a sti a Arnón, tz'ec' 'a Galaad masnto 'a Basán.

A Ch'an̈ Schab'il Libro Yic Yab'ixal Eb' Rey 13:25

'Ix yi'n can pax 'ec' Joás jun tzo'n̈ chon̈b' yijnac 'ec' Hazael 'a Joacaz. 'Ox 'ejm 'ix 'ajx ganar Ben-adad yu'uj, 'ixtnta 'ix yutj scoln can 'el jun tzo'n̈ chon̈b' cha.

A Ch'an̈ Schab'il Libro Yic Yab'ixal Eb' Rey 13:5

'Ix ya'n Jehová jun mach 'ix colwj 'a eb'. 'Ixtnta 'ix 'aj yel eb' 'a yol sc'ab' eb' 'aj Siria. Tzaljc'ojlal xoj yaj eb' 'a yatut, 'icha yaj eb' 'a yaln̈taxi.

A Ch'an̈ Schab'il Libro Yic Yab'ixal Eb' Rey 14:24

Caw maysch'olnil 'ix 'el sb'on 'a sat Jehová, ma'ix yactj can sb'eylb'an smasnil smul Jeroboam yunnal Nabat, atn jun xjucb'tzan eb' yit israelal 'a maysch'olnil yic 'ix 'och smul eb'.

Ez 11:10

'Oj e tzu'x cham yet' q'uen espada 'a smon̈jonal e nacion̈ tic, ata 'oj ex in b'eyc'ojloc, ax in eyojcan 'eli, to an ton Jehová in, to cojn in ton Dios in.

Am 6:14

Yuj cha, tzcham wal eyiln ax israel ex tic. A Jehová Dios tztac' yuj smasnil, a tzaln 'ixtic: 'Oj in chec cot junc nacion̈ 'ayex yic tzwul ex satnc 'eli, tz'atn̈j 'a Hamat 'ay 'a stojlal norte, masnto tzc'och 'a a a 'aych smon̈jonalc 'a stojlal sur, xchi Dios.

Jonás 1:1

'Ay jun winc Jonás sb'i, yunnal Amitai, 'ix paxtin Jehová 'a 'a, 'ix yaln 'a 'ixtic:

Nm 13:21

'Ix syamn 'och eb' winc chi smaclni yil lum lum chi 'a lum cusltac lum yic Zin, masnto xc'och eb' 'a Rehob, 'a sla'nil xo Hamat.

Mt 16:4

A wal ax 'anmax 'a jun tiempoal tic, caw may e ch'olnil, man̈oc wal 'a Dios tzeya'ch e nab'en. Yuj cha, ton̈j tze c'an eyil junc milagro, junc tzch'oxn spoder Dios. Palta cojn jun milagro 'oj 'ajxoc eyila', atn jun 'icha sch'oxjnac Dios yet' win Jonás, xchi 'a eb'. Xlajw cha, xyactn can eb', 'ix 'atxi.

Dt 3:17

Ax lum 'ay 'a stojlal 'aj tzq'uel c'u, 'ix wac' lum span̈nil sti a Jordán 'a eb'. Lum tzq'ue'ch 'a span̈nil lum tzaln Pisgá 'a stojlal 'aj tzq'uel c'u, atn jun chi mon̈jon yaj 'a a niwquil a Jordán. Tz'atn̈j sti a Jordán cha, tzc'och 'a jun a niwquil pama tzcuch Quinéret masnto tzc'och 'a a mar yic Arabá, atn pax a tzcuch Mar Muerto.

Josué 19:13

Tz'atx ta', tzc'och 'a stojlal 'aj tzq'uel c'u 'a Gat-hefer, tz'e'x 'a Ita-cazín, masnto tzc'och 'a Rimón, axta tzyoy sb'a 'a Nea.