A Ch'an̈ Schab'il Libro Yic Yab'ixal Eb' Rey 14:24 - Chuj San Sebastian Bible

²⁴ Caw maysch'olnil 'ix 'el sb'on 'a sat Jehová, ma'ix yactj can sb'eylb'an smasnil smul Jeroboam yunnal Nabat, atn jun xjucb'tzan eb' yit israelal 'a maysch'olnil yic 'ix 'och smul eb'.

Chuj San Mateo Bible

²⁴ Palta te chuc tas ix sc'ulej vin̈ d'a yichan̈ Jehová. A juntzan̈ chucal sc'ulejnac vin̈aj Jeroboam yuninal vin̈aj Nabat, vin̈ cuchb'annacb'at eb' yetisraelal d'a chucal, a chi' ix sb'eyb'alej vin̈.

A Ch'an̈ Schab'il Libro Yic Yab'ixal Eb' Rey 14:24 ပူးပေါင်းရင်းမြစ်များ

Gn 38:7

Caw tu sb'o win Er 'a sat Jehová, yuj cha, 'ix yi'n 'ec' Jehová sq'uinl winac.

A Ch'an̈ B'ab'el Libro Yic Yab'ixal Eb' Rey 14:16

Yuj cha, 'oj on̈ ya'c 'och Jehová 'a yol sc'ab' jun tzo'n̈ xo chon̈ab', yuj wal smul win Jeroboam 'ix ya'chi. Yuj winac, 'ix 'och qui mulec, xchi win Ahías.

A Ch'an̈ B'ab'el Libro Yic Yab'ixal Eb' Rey 21:25

(Wal yel, may junc rey 'ixta xyutj sb'a 'icha win Acab, yujto xmontchj win yuj yistzil yic ste'wtzan sb'a sb'on tas tu 'a sat Jehová.

A Ch'an̈ Schab'il Libro Yic Yab'ixal Eb' Rey 13:11

Palta caw maysch'olnil 'ix 'el sb'on 'a sat Jehová, yujto ma'ix yactj can sb'eylb'an smasnil smul Jeroboam yunnal Nabat, atn jun xjucb'tzan eb' yit israelal 'a maysch'olnil.

A Ch'an̈ Schab'il Libro Yic Yab'ixal Eb' Rey 13:2

Caw wal maysch'olnil 'ix 'el sb'on 'a sat Jehová, an̈j sb'eyb'al Jeroboam yunnal Nabat 'ix sb'on̈ej, atn jun xjucb'tzan eb' yit israelal 'a maysch'olnil.

A Ch'an̈ Schab'il Libro Yic Yab'ixal Eb' Rey 13:6

Palta b'i'an, ma'ix yactj can eb' sb'eylb'an jun tzo'n̈ smul Jeroboam sb'ojnac, atn jun xjucb'tzan eb' 'a maysch'olnil. Ax pax jun sch'oxnb'il comn dios Asera 'ayc'n̈ej yuj eb' 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 14:23

A yic olajn̈e xo ab'il yoch Amasías reyl 'a Judá, atn win yunnal Joás, a 'a jun tiempoal cha, 'ix schan 'el yich junx win Jeroboam ya'n reyl 'a chon̈b' Israel, atn win yunnal junx win Joás. 41 ab'il 'ix yac' reyl 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 14:25

'Ix yi'n can pax 'ec' Jeroboam smasnil lum slum chon̈b' Israel 'e'nc yuj jun tzo'n̈ xo nacion̈ 'a yaln̈taxi, schaj 'at 'a 'aj tzon̈ 'och 'a Hamat, masnto 'a a mar yic Arabá, 'icha yutjnac yaln Jehová sDiosal chon̈b' Israel 'a Jonás atn jun schecab', win yunnal Amitai 'aj Gat-héfer.

A Ch'an̈ Schab'il Libro Yic Yab'ixal Eb' Rey 21:6

Xya'n win tz'a yunnal xajmb'alil, scuyn sb'a win 'a jun tzo'n̈ xo b'eyb'al tic; atn wayjlil, 'ajchumal, tzc'umn win spixn eb' chamnac. Yel xo caw tu 'ix 'el sb'on 'a sat Jehová, caw 'ix tzuntzj cot yowl sc'ojl Dios chi 'a yib'an̈.

A Ch'an̈ Schab'il Libro Yic Yab'ixal Eb' Rey 3:3

Wach'xam 'ixta', palta 'ix sb'eylb'ejn̈ej smaysch'olnilal win Jeroboam yunnal Nabat, atn jun xjucb'tzan eb' yit israelal 'a maysch'olnil, yic 'ix y'an yajlil.

Salmos 106:20

'Ixta xyutj eb' yactn yaln sb'a 'ayach, ax 'a jun yechl wacx to lom c'ultac, ata 'ix yac' 'ejm sb'a eb'.

Am 7:10

A Amasías ya'mal 'och sti eb' 'anma 'a Dios 'a chon̈b' Bet-el, a 'ix 'a'n alxoc 'a Jeroboam sreyl Israel 'ixtic: Mamin rey, a win Amós wan yec' win 'a scal eb' quit chon̈ab', yic tz'och eb' 'ajc'ojlal 'ayach. Caw matz techj yuj eb' 'anma tas tzyal-l win cha.

Am 7:13

palta may cab' tas tzal-l 'a yib'n̈ Bet-el tic, yujto a 'a tic tz'och win rey 'emmquilal, caw niwn yel'ch jun n̈a tic 'a smasnil yol qui macb'en tic on̈, xchi Amasías cha.

Am 7:16

Yuj cha, tzcham wal a maclni spaxti Jehová tic. Atn jun tzo'n̈ tzal 'ayn yuj 'ixtic: Man̈ al-l jun tzo'n̈ spaxti Dios 'a eb' israel, atn eb' yin̈tl Isaac, xa chi.

Am 7:9

A jun tzo'n̈ smacsej eb' yin̈tl Isaac 'aj tzyac' eb' 'emmquilal 'a lum jolmctac witz, c'uxn 'oj satli. A jun tzo'n̈ yatutal sdiosal eb' israel, 'oj lan̈chjoc can 'ejmi. 'Oj in satl eb' yin̈tl Jeroboam yet' q'uen espada, xchi Jehová.

Dt 9:18

Xlajw cha, in 'em cumn 'a yojltac Jehová, 'icha xon tzwac' yet'oc. Chawinc c'u chawinc 'ac'wl ma'in wa'i, may pax jac tas xwu'j eyaloc. 'Ixta xwutj in b'a, yujto xeya'ch e mul 'a Jehová, xe tzuntzn cot yowal.