A Ch'an̈ Schab'il Libro Yic Yab'ixal Eb' Rey 14:19 - Chuj San Sebastian Bible

¹⁹ 'Ay jaywn̈ eb' 'aj Jerusalén 'ix 'och 'ajc'ojlal 'a Amasías, yuj cha, 'ix 'at 'elc 'a Laquis; palta 'ix 'at eb' 'ajc'ojl chi 'a spatquil, masnto 'a jun chon̈b' cha, ata 'ix smil cham eb'.

Chuj San Mateo Bible

¹⁹ Ay juntzan̈ eb' vin̈ ay d'a Jerusalén ix och ajc'olal d'a vin̈aj Amasías chi', yuj chi' ix b'at vin̈ elelal d'a Laquis. Palta ix ochn̈ej eb' vin̈ d'a spatic vin̈, yuj chi' ata' ix cham vin̈ yuj eb' vin̈.

A Ch'an̈ Schab'il Libro Yic Yab'ixal Eb' Rey 14:19 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 14:18

Ax jantc to yab'xil Amasías, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá.

A Ch'an̈ Schab'il Libro Yic Yab'ixal Eb' Rey 14:20

Yajn̈j cha, 'ix yi'n cot eb' 'a yib'n̈ chej, 'ix smucn eb' 'a Jerusalén 'a 'aj mucn eb' smam yichm 'a Schon̈b' David.

A Ch'an̈ Schab'il Libro Yic Yab'ixal Eb' Rey 15:10

Ax Salum, yunnal Jabes, a 'ix 'och 'ajc'ojlal 'a Zacarías cha, 'ix yac' owl yet'oc, 'ix smiln cham 'a sat eb' chon̈ab', ax x'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 15:14

Ax Menahem, yunnal Gadi, 'ix cot 'a Tirsa 'ix c'och 'a chon̈b' Samaria, yic tz'at ya'nc owl yet' Salum cha, 'ix smiln chamoc, ax x'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 15:25

Palta a win Peka yunnal Remalías, capitan̈ yaj win yuj Pekaía cha, 'ix 'och 'ajc'ojlal 'a 'a. 'Ix ya'ch sb'a 50 winc 'aj Galaad yet'oc, 'ix smiln cham eb' win Pekaía chi 'a sdespacho 'a chon̈b' Samaria, xlajw cha, ax x'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 15:30

'A yic junc'l ab'il xo yoch Jotam yunnal Uzías reyl 'a Judá, ax win Oseas, yunnal Ela, 'ix 'och 'ajc'ojlal 'a Peka cha, a 'ix smiln chamoc, ax x'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 18:14

Xlajw cha, 'ix ya'n Ezequías alxc 'a sreyl chon̈b' Asiria 'ay 'a Laquis, xyaln 'ixtic: Caw 'ix 'och in mul 'ayach. 'Ij 'el a b'a 'a yol in nacion̈ tic, ax ca'n q'uen tojlb'al 'aych 'a quib'n̈ o'oj, xchi. Ax win sreyl Asiria 'ix ya'ch 225 quintal q'uen tumn plata, yet' 23 quintal q'uen oro tojlb'al-l 'a yib'n̈ Ezequías yet' eb' yit chon̈ab'.

A Ch'an̈ Schab'il Libro Yic Yab'ixal Eb' Rey 18:17

Xlajw xoj cha, 'ix schecn 'at sreyl Asiria schecb' 'a win Ezequías, atn 'oxwn̈ ewin syajlil eb' soldado, yet' jun b'uln̈ eb' soldado to caw wal jeln ya'n owal, caw 'ay yip, 'ix 'el eb' 'a Laquis, 'ix jaw eb' 'a Jerusalén. A yic 'ix jaw eb' ta', 'ix sb'on chan̈ eb' scamplamento 'a 'aj tz'eml yoctc jun tanque 'ay 'a yib'n̈ yol b'e tz'at 'a 'aj tzju'w eb' jalm nip.

A Ch'an̈ Schab'il Libro Yic Yab'ixal Eb' Rey 21:23

Ax eb' 'aych yajlil yet' Amón cha, 'ix meltzj 'och eb' 'ajc'ojlal 'a 'a, 'ix smiln cham eb' 'a yol sdespacho.

A Ch'an̈ Schab'il Libro Yic Yab'ixal Eb' Rey 9:27

A yic 'ix yiln 'och Ocozías sreyl Judá tas 'ix uji, 'ix 'at 'eloc, ata x'atcn 'a sb'el Bet-hagan. Palta ax Jehú 'ix 'atn̈j 'a spatquil, 'ix yaln 'ixtic: —¡Milc pax chamoc! xchi. 'Ix yamchj yuj eb' 'a lum switzl Gur 'a sla'nil Ibleam. Ata xlajw yuj eb' 'a yol scaruaje, palta 'ix 'at 'elc 'a Meguido, axta xchami.

Jeremías 34:7

Ya' sb'a cha, a eb' soldado yic Babilonia, 'ayx 'och eb' yac' owl 'a Jerusalén, 'a Laquis yet' 'a Azeca, wan ya'n eb' yip yoch 'a smuroal jun tzo'n̈ chon̈b' tic. A 'a yol yic Judá, cojxn 'oxe chon̈b' tic mantzac 'ejm yuj eb'.

Miqueas 1:13

Ax xo cajn ex 'a chon̈b' Laquis, caw pitx 'icha eb' israel. Yuj e pitl cha, x'och smul eb' 'aj Sión. 'A'c stoc' e no chej jun tzo'n̈ e caruaje yic owal.

Josué 10:3

Yujn̈ej cha, x'at ya'noc Adonisedec alxoc 'a win Hoham sreyl Hebrón, 'a win Piream sreyl Jarmut, 'a win Jafía sreyl Laquis yet' 'a win Debir sreyl Eglón, xyaln 'a eb' 'ixtic:

Josué 10:31

'Ix 'atx Josué yet' eb' soldado 'a Libna, axta xc'ochx eb' 'a chon̈b' Laquis. Ax 'a yojltac cot jun chon̈b' cha, ata sb'o chan̈ eb' scamplamento. Xlajw cha, 'ix 'och eb' 'a owal.