A Ch'an̈ Schab'il Libro Yic Yab'ixal Eb' Rey 13:23 - Chuj San Sebastian Bible

²³ Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.

Chuj San Mateo Bible

²³ Palta ix yac' svach'c'olal Jehová d'a eb', ix oc' sc'ol d'a eb' yujn̈ej strato yed' vin̈aj Abraham, vin̈aj Isaac yed' vin̈aj Jacob. Yuj chi' maj schalaj satjiel eb', maj yiq'uel-laj eb' d'a yichan̈.

A Ch'an̈ Schab'il Libro Yic Yab'ixal Eb' Rey 13:23 ပူးပေါင်းရင်းမြစ်များ

Gn 6:3

Yuj cha, xyaln Jehová 'ixtic: Man̈x 'oj in tench wann̈ej eb' 'anma tic 'a smaysch'olnilal, yujto chamlb'a 'anman̈ej eb', cojxn̈ej 120 ab'il tz'ec' 'anma 'a yolyib'n̈q'uinl tic, ax satl eb', xchi.

A Ch'an̈ B'ab'el Libro Yic Yab'ixal Eb' Rey 8:28

Wach'xam 'ixta', palta maclj wal ab' in lesal, yet' tas tzwal 'ayach. Mamin Jehová ach in Diosal, 'ab' wal tas tzwal 'aych yet' in lesl an a checb' in tic.

A Ch'an̈ Schab'il Libro Yic Yab'ixal Eb' Rey 13:24

A yic xcham Hazael sreyl Siria, ax jun yunnal tzuch Ben-adad, a 'ix 'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 13:4

Ax rey Joacaz 'ix leslwi 'a Jehová, 'ix 'ab'x slesl cha, yujto 'ix yil Jehová to caw 'oltac tz'aj eb' israel yixtx yuj sreyl chon̈b' Siria.

A Ch'an̈ Schab'il Libro Yic Yab'ixal Eb' Rey 14:26

Yujto 'ix yil Jehová to caw wal 'oltac tz'ec' smasnil eb' israel yab'n sya'il, eb' 'aych checb'al, yet' eb' mun yic sb'a. May junc mach tzcolwj yet' eb',

A Ch'an̈ Schab'il Libro Yic Yab'ixal Eb' Rey 14:27

yuj cha sc'anlb'an Dios win Jeroboam yunnal Joás, yic scoln 'el eb', yujto matz nib'j to satl chon̈b' Israel.

A Ch'an̈ Schab'il Libro Yic Yab'ixal Eb' Rey 17:18

Yuj wal cha, caw 'ix cot yowl sc'ojl Jehová 'a chon̈b' Israel, 'ix yi'n 'el eb' 'a yojltac, palta cojxn̈ej jun 'in̈tal eb' 'ix cani, atn eb' yin̈tl Judá.

A Ch'an̈ Schab'il Libro Yic Yab'ixal Eb' Rey 17:20

Yuj cha, smasnil eb' yin̈tl Israel 'ix patquilx can 'el eb' yuj Jehová, 'ix 'och eb' 'a cusc'ojlal yu'uj, x'ajx 'och eb' 'a yol sc'ab' eb' chuc chon̈b'al yic tz'ixtx eb' yuj eb', masnto 'ix 'el eb' 'a yojltac.

A Ch'an̈ Schab'il Libro Yic Yab'ixal Eb' Rey 17:23

Yuj cha, 'ix yi'n 'el Jehová eb' israel chi 'a yojltac, 'icha wal 'ix yutj yaln eb' schecab'. Yuj cha, 'ix 'ijx can 'at eb' israel 'a chon̈b' Asiria; ata xcan eb' ta'.

A Ch'an̈ Schab'il Libro Yic Yab'ixal Eb' Rey 24:20

Yuj cha, 'ix cot yowl sc'ojl Jehová 'a Jerusalén yet' 'a Judá, masnto 'ix yij 'el eb' 'a yojltac. 'Ix meltzj 'och Sedequías 'ajc'ojlal 'a sreyl Babilonia.

Salmos 105:8

Wach'xam til wal smacn̈il eb' 'anma tz'ec' 'a sat lum lum tic, palta nann̈ej strato yu'uj.

Salmos 105:9

'Ix yac' 'el'choc strato yet' Abraham yet' sti ya'jnac 'a Isaac.

Salmos 106:45

'Ix a nan cot jun a trato chi yet' eb', xa jeln a nab'en chi 'a yib'n̈ eb', yujto caw niwn a chamc'ojlal 'a eb'.

Salmos 51:11

Man̈ in e'cn 'el 'a ojltac, man̈ e'l wal Espíritu to ecn̈ej yaj 'aych 'ayin.

Salmos 78:38

Palta a Dios, caw tz'o'ch sc'ojl 'a eb', tzyac' lajwc smul eb', matz satx 'el eb' yu'uj. Til wal 'ejm tzyij 'ec' yowl sc'ojl 'a yib'n̈ eb', matz yac' 'el'choc yowl sc'ojl 'a eb'.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Ex 33:19

'Ix ta'w Dios 'a 'a: —Smasnil in wach'c'ojlal 'oj in ch'ox 'ayach, ax wal 'a ojltac ata 'oj walcn in b'i an Jehová in tic. 'Oj wac' in wach'c'ojlal 'a eb' 'aj tzyal in c'ojl tzwac'a, an̈jtona', 'oj 'o'ch pax in c'ojl 'a eb' 'aj tzyaln̈j in c'ojol.

Jeremías 12:15

Ax yic 'oj lajwc in satn 'el eb' cha, 'ixta to b'i'an, ax yo'x 'och in c'ojl 'a eb' jun 'ejm xo, ax wi'n pax meltzjoc eb' 'a sat slu'um, yet' 'a schon̈ab'.

Lm 3:32

Wach'xam tzya'ch wal qui yailalec, palta tz'o'ch pax sc'ojl 'ayn̈ec, yujto caw wal niwn schamc'ojlal.

Lv 26:42

toto 'ixta', 'oj in na cot in trato yet' Jacob, Isaac yet' Abraham, chajtlto tzwal wac' lum lum 'a yin̈tl eb'.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

2 Ts 1:9

A eb' cha, 'oj 'atcn eb' 'a yailal 'a jun 'ejmn̈ej. 'Oj xutxoc can 'el eb' 'a stz'ey Cajlilec, sec man̈x 'oj yil eb' swach'il yet' spoder.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.