A Ch'an̈ Schab'il Libro Yic Yab'ixal Eb' Rey 13:14 - Chuj San Sebastian Bible

¹⁴ Caw wal ya'ay Eliseo yuj jun yab'il 'ix milwj 'a 'a, yuj cha, a yic mantzac cham Joás sreyl chon̈b' Israel, 'ix 'at yila', 'ix 'oc' 'a yojltac Eliseo, 'ix 'och la'njoc 'a 'a, 'ix yaln 'ixtic: —¡Mamin, mamin! 'icha wal soldado caw 'ay yip, 'ixta aj 'a qui cal an̈ israel on̈ tic, xchi 'a 'a.

Chuj San Mateo Bible

¹⁴ Ayic manto cham vin̈aj Joás sreyal Israel chi', ix xid'ec' vin̈ yil vin̈aj Eliseo ayic te penaay vin̈aj Eliseo chi' yuj jun yab'il ix ic'an schami. Yuj chi' ix oc'q'ue vin̈aj Joás chi' d'a vin̈, ix och lac'naj vin̈ d'a vin̈, ix yalan vin̈ rey chi': —Ay mamin, lajan ach icha noc' chej yed' carruaje yic oval d'ayon̈ israel on̈ tic, yujto tzach colvajn̈ej d'ayon̈, xchi vin̈.

A Ch'an̈ Schab'il Libro Yic Yab'ixal Eb' Rey 13:14 ပူးပေါင်းရင်းမြစ်များ

Gn 48:1

Jab'nant wal tiempo cha, xyaln eb' yab' José to ya'ay smam, yuj cha x'at José 'at yila'; xyi'n 'at eb' yunnal schawn̈il yet'oc, atn Manasés yet' Efraín.

Gn 49:33

Yic xlajw yaln jun tzo'n̈ paxti tic 'a eb' yunnal cha, yuj tas tz'aj sniwnal smucx yuj eb'. Xlajw cha, x'e'x c'otn jun 'ejm xo, xlajw xoj cha, 'ix chami.

Gn 50:1

Ax José 'ix 'och la'n̈joc 'a smam, caw x'oq'ui stz'ub'n can 'elt sti smam cha.

A Ch'an̈ Schab'il Libro Yic Yab'ixal Eb' Rey 13:12

Ax jantc to yab'xil Joás yet' smasnil tas 'ix 'el sb'oni, yet' pax yic 'ix ya'n yip ya'n owl yet' Amasías sreyl Judá, ata tz'ib'b'il can 'a ch'an̈ libro 'a 'aj tz'ib'b'il can yab'xil eb' sreyl chon̈b' Israel.

A Ch'an̈ Schab'il Libro Yic Yab'ixal Eb' Rey 13:13

A yic 'ix cham Joás, ata 'ix mucx 'a 'aj mucn eb' smam yichm 'a chon̈b' Samaria yet' jun tzo'n̈ xo eb' ya'jnac reyl 'a chon̈b' Israel. Xlajw cha, ax jun yunnal tzuch Jeroboam, a 'ix 'och reyl sjeloc.

A Ch'an̈ Schab'il Libro Yic Yab'ixal Eb' Rey 13:15

—'Ij cot junc a jul-lab' yet' sjul-lab'il, xchi Eliseo 'a 'a. 'Ix 'at yi'nc cot win rey sjul-lab' cha.

A Ch'an̈ Schab'il Libro Yic Yab'ixal Eb' Rey 2:12

A yic 'ix yiln Eliseo jun cha, 'ix 'el yaw, 'ix yaln 'ixtic: Mamin, mamin 'icha wal soldado caw 'ay yip, 'ixta aj 'a qui cal an̈ israel on̈ tic, xchi 'a 'a. Ye'xn̈ej xyilcn Eliseo win Elías cha. Xlajw cha, 'ix yi'n 'el Eliseo spotil 'ix stzilnjat yuj scusc'ojlal.

A Ch'an̈ Schab'il Libro Yic Yab'ixal Eb' Rey 20:1

A 'a yic jun tiempoal cha, caw ow ya'n syailal Ezequías, jab'xoj ma'ix chami. Ax Isaías yunnal Amós, win schecb' Dios, 'ix 'at win 'at yila', 'ix yaln win 'a 'ixtic: —Tox 'ix yal Jehová 'oj 'ixtic: A ticnec, b'ocn yaj tas 'ay 'ayach, yujto 'oj a chami, man̈x 'oj b'oxc a c'ojol, xchi Dios, xchi.

A Ch'an̈ Schab'il Libro Yic Yab'ixal Eb' Rey 6:21

Ax xyiln 'och sreyl chon̈b' Israel eb', 'ix sc'anb'n 'a Eliseo 'ixtic: —¿Mamin, tzam ac' in mil cham eb'? xchi.

Salmos 12:1

Mamin Jehová coln̈ 'el on̈, yujto man̈x 'a mach te'n tzyutj sb'a 'ayach, man̈x 'a pax mach yiclum 'a qui cal an̈ 'anman̈ tic.

Pr 11:11

Yuj swach' b'eyb'al eb' tojl snab'en, yuj cha, tzq'ue'ch junc chon̈ab'; palta yuj stu b'eyb'al eb' man̈ tojloc snab'en, yuj cha, ton̈j tzwach' lajw can 'ejm junc chon̈b' cha.

Is 57:1

A yic tzcham eb' 'anma wach' snab'en, ¡toc 'ay mach tznan eb'! A yic tzsat 'ejm eb' wach' snab'en cha, toc 'ay mach tznachj 'el yu'uj, to a yic tzcham eb' cha, to tzcolchj 'el eb' 'a yol sc'ab' smasnil yailal.

Ez 14:14

Q'uinloc a 'a jun chon̈b' chi cajn Noé, Daniel, yet' Job, cojn am eb' 'oxwn̈ tic tzcolchj can 'eli, yujto tojl sb'eyb'al eb', palta may junc mach 'oj stac' scoln 'el eb'.

Ez 22:30

'Ix cob' in sayc' 'a scal eb', lemb'il 'ay junc mach tztew to 'ayn yuj jun chon̈b' cha, sec matz in satli, palta may junc x'ilchj wu'uj.

Zacarías 1:5

Palta ax ticnec, ¿tas 'ajnc eb' e mam eyichm cha? An̈jtona eb' in checb' cha, toc pitzn to eb'.

Mr 6:20

yujto yojc xon win Herodes cha, to tojl snab'en Juan, caw yic xon Dios yaji. Yuj cha, xiw winac, 'ix ya'n win tan̈wxoc sec matz cham yuj 'ix Herodías cha. 'Ay 'aj tzyal Juan 'ab'x 'a win Herodes cha, wach'xam ma'ix nachj 'el wal yuj win si'mb'il, palta caw stzalj win yab'n 'a 'a.

Jn 11:3

Yuj cha, 'ix ya'n 'at eb' yanb' chi sti 'a Jesús, 'ix yaln 'at eb' 'ixtic: —Mamin, a jun a wach'c'ojl 'a tic, caw ya'ay ticnec, xchi eb'.

A Tas Sc'ulejnac Eb' Schecab' Jesús Hechos 13:36

A David cha, ya'jnac servil eb' 'anma 'a jun tiempoal cha, 'icha snib'j Dios. Xlajw xoj cha, xchami, smucxi. Ax sniwnal cha, xc'a'i.

A Scarta San Pablo D'a Eb' Aj Filipos 2:26

Tznib'j tz'at ex yilx cani, yujto tzex sna'a, 'ix eyab'i, chajtlto caw ya'ay 'a tic.