A Ch'an̈ Schab'il Libro Yic Yab'ixal Eb' Rey 12:9 - Chuj San Sebastian Bible

⁹ Xlajw cha, 'ix yi'n cot win Joiada te caxa cha, 'ix sb'on win yolnil smacul, 'ix 'at ya'nc 'och win te 'a stz'ey yet'l xajmb'al. Tzcan te caxa chi 'a qui wach' c'ab' yic tzon̈ 'och 'a yol yatut Jehová. Ax eb' ya'mal 'och sti eb' 'anma tztan̈wni spuertail, ata 'ix yac' 'ejm eb' smasnil q'uen tumn tzchaj eb' 'a eb' 'anma tzc'och 'a yatut Jehová cha.

Chuj San Mateo Bible

⁹ Yuj chi' ix yic'cot jun caxa vin̈aj Joiada chi', ix yolan smacul te' vin̈, ix yac'ancan te' vin̈ d'a slac'anil altar d'a stojolal svach' mach tz'och d'a yol templo chi'. Aton ta' syaq'uem q'uen tumin eb' vin̈ sacerdote stan̈van sti' templo scha d'a eb' anima sc'och d'a templo chi'.

A Ch'an̈ Schab'il Libro Yic Yab'ixal Eb' Rey 12:9 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:8

Ax eb' ya'mal 'och sti eb' 'anma cha, caw schaj sc'ojl eb', yujto man̈x 'oj scha eb' q'uen tumn 'a eb' 'anma', man̈x 'a pax yaln eb' yic sb'on jun tzo'n̈ juwnc 'a jun yatut Dios cha.

A Ch'an̈ Schab'il Libro Yic Yab'ixal Eb' Rey 22:4

—'Ixc 'a Hilcías win sat ya'mal 'och qui ti 'a Dios, tzaln 'a 'a, to tzyac' syam sb'a q'uen tumn tzwul 'ajxoc 'a yatut Jehová, q'uen tzchaj eb' tztan̈w puerta 'aj tz'och eb' 'anma'.

A Ch'an̈ Schab'il Libro Yic Yab'ixal Eb' Rey 23:4

Xlajw cha, 'ix yaln win rey 'a win Hilcías sat ya'mal 'och sti eb' 'anma cha, yet' 'a jun tzo'n̈ xo eb', yet' pax 'a eb' tztan̈wni puerta, to tzyij 'elt eb' smasnil tastc 'ay 'a yol yatut Jehová, atn jun tzo'n̈ yamc'ab' sc'an eb' 'anma', yic tz'och eb' 'emmquilal 'a Baal, 'a Asera, yet' 'a jun tzo'n̈ c'anal. Xyij 'elt eb' jun tzon̈ cha sn̈usntz'a eb' 'a sti 'el chon̈b' Jerusalén 'a sti a Cedrón. Xlajw cha, 'ix 'ijx 'at stan̈il 'a Bet-el.

A Ch'an̈ Schab'il Libro Yic Yab'ixal Eb' Rey 25:18

A win Nabuzaradán cha, 'ix ya' win yamchjoc win sat ya'mal 'och sti eb' 'anma 'a Dios, atn Seraías, yet' win schab'il, atn Sofonías, yet' 'oxwn̈ eb' 'aych stan̈malc sti yatut Dios.

1 Cr 15:24

Ax eb' ya'mal 'och sti eb' 'anma 'a Dios, atn Sebanías, Josafat, Natanael, Amasai, Zacarías, Benaía yet' Eliezer. A eb' tz'utz'n trompeta 'a yojltac te caxa cha. An̈jtona pax Obed-edom yet' Jehías tan̈m caxa pax yaj eb'.

Salmos 84:10

Yel xo wach' 'ayn 'ec' junc c'u 'a yamq'uil atut, 'a yib'n̈ junc mil ab'il 'ayn 'ec' 'a junc xo lugar. Yel xo wach' tzin c'och 'a spuertail atut yic tzin 'och 'emmquilal 'aych ach in Diosal, 'a yib'n̈ to a 'a yatut eb' maysch'olnil sb'eyb'al 'aj tzin 'aj cajan.

Jeremías 35:4

Xlajw cha, xwi'n 'at eb' 'a yatut Dios, atn 'a jun cuarto yic eb' yunnal Hanán, win yunnal Igdalías, atn jun caw 'ay yel'ch Dios 'a sat. A jun cuarto cha, junn̈j yaj yet' yic eb' yajl yaj 'a yatut Dios cha, a 'a yib'n̈ scuarto Maasías yunnal Salum, ata 'ay. A win cha, yajl yaj 'a eb' tztan̈wni yatut Dios cha.

Jeremías 52:24

A win comandante Nabuzaradán, a win 'ix yamn cot Seraías, atn win sat ya'mal 'och sti eb' 'anma 'a Dios, yet' win Sofonías win schab'l ya'mal 'och sti eb', yet' pax 'oxwn̈ xo eb' tztan̈wni sti yatut Dios.

Mr 12:41

'Ix 'em wocn Jesús 'a yojltac jun chalab' ofrenda, 'ix yilni chajtl ya'n 'ejm eb' 'anma stumin. Til wal eb' rico x'ec' ta', niwn stumn eb' x'ec' laj ya'cn 'ejmi.

Lc 21:1

'Ix 'at q'ueln Jesús, 'ix yilni chajtl xyutj eb' rico ya'n 'ejm stumn 'a yojl jun chalab' ofrenda.