A Ch'an̈ Schab'il Libro Yic Yab'ixal Eb' Rey 12:7 - Chuj San Sebastian Bible

⁷ Yuj cha, 'ix yawtn cot rey Joás win Joiada, yet' jun tzo'n̈ xo eb' ya'mal 'och sti eb' 'anma cha, 'ix yaln 'a eb' 'ixtic: —¿Tas yuj mant 'a xon jac jun tzo'n̈ juwnc 'a yatut Dios tic tze b'o'o? Ax ticnec yic 'oj b'ey 'a cojltac tic, man̈x oquex 'oj e cha q'uen tumn 'a eb' 'anma', ax jantc xo q'uen 'ayc' 'ayex, yowlal 'oj eyac' 'elt q'ue'en, yic tzb'o jun tzo'n̈ juwnc 'a jun yatut Dios tic, xchi.

Chuj San Mateo Bible

⁷ Yuj chi' ix avtaj vin̈aj Joiada yed' juntzan̈xo eb' vin̈ sacerdote yuj vin̈, ix yalan vin̈ d'a eb' vin̈: —¿Tas yuj manta jab'oc templo tic tze b'o'o? A ticnaic d'a quichan̈b'at tic, man̈xooc ex laj ol e cha q'uen tumin d'a eb' anima tic. A jantac q'uen tumin ol ac'joc, yovalil scan q'uen yic sb'oji templo chi', xchi vin̈.

A Ch'an̈ Schab'il Libro Yic Yab'ixal Eb' Rey 12:7 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 11:4

Ax 'a yucl ab'il, a Joiada yitb'eym 'ix Josaba cha, win sat ya'mal 'och sti eb' 'a Dios, 'ix yac' win 'awtx cot eb' capitan̈, yet' eb' tztan̈wni yatut eb' rey, ax win x'i'n 'och eb' yet' 'a yamq'uil yatut Jehová. Ata 'ix yac' win yac' eb' sti' sec tz'och eb' yet' win 'a tas nab'il yu'uj, 'ixta to b'i'an, 'ix sch'oxn win 'ilxoc win 'unn Joás yunnal can win rey chamnac.

A Ch'an̈ Schab'il Libro Yic Yab'ixal Eb' Rey 12:2

A tas 'ix sb'o Joás, caw wach' 'a sat Jehová, ya' sb'a 'ix cuyx yuj Joiada ya'mal 'och sti eb' 'a Dios.

A Ch'an̈ Schab'il Libro Yic Yab'ixal Eb' Rey 12:6

Palta a yic 'oxeschawinc ab'il xo yoch Joás reyal, mant 'a xon jac tas juwnc 'a yatut Dios chi tox xb'o yuj eb' ya'mal 'och sti eb' 'anma cha.

A Ch'an̈ Schab'il Libro Yic Yab'ixal Eb' Rey 12:8

Ax eb' ya'mal 'och sti eb' 'anma cha, caw schaj sc'ojl eb', yujto man̈x 'oj scha eb' q'uen tumn 'a eb' 'anma', man̈x 'a pax yaln eb' yic sb'on jun tzo'n̈ juwnc 'a jun yatut Dios cha.

1 Cr 21:3

Palta xta'w Joab 'ixtic: —A cab' Jehová tz'a'n q'uib' sb'isl schon̈ab', man̈x b'ischjb'enoc cab' tz'aj eb', a 'a yol 'a c'ab' 'aych eb' smasnil. ¿Tom man̈ a checb'oc eb' tic smasnil? ¿Tas yuj tzac' ep 'e'n chan̈ sb'isl eb'? Yuj ton wal jun tic ax yoch smul qui chon̈b' tic, xchi.

2 Cr 23:1

A yic 'ayx 'och jun 'unn chi 'a yucl ab'il, ax Joiada win ya'mal 'och sti eb' 'anma 'a Dios, 'ix ste'wtzan sb'a ya'n 'awtxoc cot smasnil eb' capitan̈ yaj 'a yib'n̈ junjn ciente soldado, atn eb' tic: Azarías yunnal Jeroham, Ismael yunnal Johanán, Azarías yunnal Obed, Maasías yunnal Adaía, yet' Elisafat yunnal Zicri. 'Ix yaln 'a eb' to junxn̈ej tzyutj eb' snab'en yet'oc.

2 Cr 24:16

Ata xmucx 'aj mucn eb' rey 'a Schon̈b' David, yujto wach' tas 'ix sb'o'o, yuj swach'loc eb' yit israelal. Wach' xyutj ya'w servil 'a Dios, yet' 'a yatut Dios cha.

Hageo 1:2

A yic in c'och 'a eb', xwaln 'a eb' 'ixtic: A Jehová tztac' yuj smasnil, a tzaln 'ixtc 'ayex: Ax tic yet' eb' chon̈ab', a tzeyutj eyaln yet' eb' to 'ayt sc'och stiempoal sb'ox chan̈ watut jun 'ejm xo.