A Ch'an̈ Schab'il Libro Yic Yab'ixal Eb' Rey 12:21 - Chuj San Sebastian Bible

²¹ A Josacar yunnal Simeat, yet' Jozabad yunnal Somer, a eb' xmiln cham Joás, ata 'ix mucx 'a 'aj mucn eb' smam yichm 'a Schon̈b' David. Xlajw cha, ax jun yunnal tzcuch Amasías, a 'ix 'ochcn reyl sjeloc.

Chuj San Mateo Bible

²¹ A eb' vin̈ ix milancham vin̈ chi', aton vin̈aj Josacar yuninal vin̈aj Simat yed' vin̈aj Jozabad yuninal vin̈aj Somer. Ayic ix cham vin̈ chi', ix mucji vin̈ d'a schon̈ab' vin̈aj rey David. Axo vin̈ yuninal vin̈ scuchan Amasías ix ochcan reyal sq'uexuloc.

A Ch'an̈ Schab'il Libro Yic Yab'ixal Eb' Rey 12:21 ပူးပေါင်းရင်းမြစ်များ

A Ch'an̈ Schab'l Libro Samuel 5:9

Xlajw cha, sb'on chan̈ David jun smuroal sdespacho masnto tzc'och 'a 'aj 'ay cuartel cha, xya'n scuch Schon̈b' David. Sb'on chan̈ jun tzo'n̈ n̈a 'a spatquil, x'eln̈j yich 'a 'aj lan̈b'il jun tzo'n̈ ch'oltac masnto xc'och 'a sdespacho eb' rey.

A Ch'an̈ B'ab'el Libro Yic Yab'ixal Eb' Rey 15:27

Ax win Baasa yunnal win Ahías win yin̈tl can Isacar, 'ix 'och 'ajc'ojlal 'a win Nadab cha, axta smil cham win Baasa chi win Nadab 'a chon̈b' Gibetón. A jun chon̈b' cha, yic eb' filisteo, yujto a win Nadab chi 'ix 'a'n 'och oyn eb' soldado israel 'a spatquil Gibetón cha.

A Ch'an̈ Schab'il Libro Yic Yab'ixal Eb' Rey 10:9

Ax 'a junx c'u, 'ix 'elt Jehú, 'ix 'och lin̈n 'a sti puerta cha, 'ix yaln 'a smasnil eb' chon̈b' 'ixtic: —Ax tic may e mul. An xin mil cham qui reyal, yuj wi'n 'el 'a yopiso; palta ¿mach 'ix miln cham smasnil jun tzo'n̈ eb' tic?

A Ch'an̈ Schab'il Libro Yic Yab'ixal Eb' Rey 13:1

A yic 'oxeschawinc ab'il xo yoch Joás, yunnal Ocozías reyl 'a Judá, 'ix schan 'el Joacaz yunnal Jehú ya'n reyl 'a chon̈b' Israel; uclajn̈e ab'il 'ix yac' reyl 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 14:1

A yic schab'l xo ab'il yoch Joás yunnal Joacaz reyl 'a chon̈b' Israel, 'ix schan 'el Amasías yunnal Joás ya'n reyl 'a Judá.

A Ch'an̈ Schab'il Libro Yic Yab'ixal Eb' Rey 14:19

'Ay jaywn̈ eb' 'aj Jerusalén 'ix 'och 'ajc'ojlal 'a Amasías, yuj cha, 'ix 'at 'elc 'a Laquis; palta 'ix 'at eb' 'ajc'ojl chi 'a spatquil, masnto 'a jun chon̈b' cha, ata 'ix smil cham eb'.

A Ch'an̈ Schab'il Libro Yic Yab'ixal Eb' Rey 14:5

A yic 'ix yi'n wal Amasías yip 'a yopiso, 'ix smiln cham eb' winc 'aych 'a yopiso, atn eb' miljnac cham smam Amasías cha.

A Ch'an̈ Schab'il Libro Yic Yab'ixal Eb' Rey 15:10

Ax Salum, yunnal Jabes, a 'ix 'och 'ajc'ojlal 'a Zacarías cha, 'ix yac' owl yet'oc, 'ix smiln cham 'a sat eb' chon̈ab', ax x'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 9:14

A win Jehú yunnal Josafat yixchicn Nimsi, caw tu 'ix sna 'a spatquil win rey Joram. A win rey cha, xit'c yet' eb' yit israelal yic tzcolx 'el chon̈b' Ramot 'a yol yic Galaad 'a yol sc'ab' win Hazael sreyl chon̈b' Siria yalni.

A Ch'an̈ Schab'il Libro Yic Yab'ixal Eb' Rey 9:27

A yic 'ix yiln 'och Ocozías sreyl Judá tas 'ix uji, 'ix 'at 'eloc, ata x'atcn 'a sb'el Bet-hagan. Palta ax Jehú 'ix 'atn̈j 'a spatquil, 'ix yaln 'ixtic: —¡Milc pax chamoc! xchi. 'Ix yamchj yuj eb' 'a lum switzl Gur 'a sla'nil Ibleam. Ata xlajw yuj eb' 'a yol scaruaje, palta 'ix 'at 'elc 'a Meguido, axta xchami.

2 Cr 24:25

A yic x'el paxt eb' sirio chi ta', jab'xoj ma'ix chamcn yuj eb', xya'cn 'och eb' syailal si'mb'il. Ax eb' 'aych yajlil yet'oc, 'ix smol alj eb' tas tzyutj eb' swach' miln chamoc, yic tzya'n can pax eb' spac schamlil win yunnal Joiada, win ya'mal 'och sti eb' 'a Dios. Yuj cha, axta swach' milj cham eb' 'a sat sch'at. Xlajw cha, 'ix mucx 'a Schon̈b' David, palta man̈oc 'a 'aj tzmucx eb' rey.