A Ch'an̈ Schab'il Libro Yic Yab'ixal Eb' Rey 12:20 - Chuj San Sebastian Bible

²⁰ 'Ix smol aln eb' 'aych yajlil yet' Joás, yuj tas tzyutj eb' smiln chamoc, yuj cha, axta smil cham eb' 'a yatut 'ay 'a Milo, jun 'ay 'a sti b'e tz'eml 'a chon̈b' Sila.

Chuj San Mateo Bible

²⁰ Ix smolb'an sb'a eb' vin̈ ayoch yajalil yed' vin̈aj Joás chi', ix smol alan eb' vin̈ d'a spatic vin̈. Ix smilancham vin̈ eb' vin̈ d'a jun pat b'aj mucb'il jun ch'olan d'a ti' b'e tz'emta d'a Sila.

A Ch'an̈ Schab'il Libro Yic Yab'ixal Eb' Rey 12:20 ပူးပေါင်းရင်းမြစ်များ

A Ch'an̈ Schab'l Libro Samuel 5:9

Xlajw cha, sb'on chan̈ David jun smuroal sdespacho masnto tzc'och 'a 'aj 'ay cuartel cha, xya'n scuch Schon̈b' David. Sb'on chan̈ jun tzo'n̈ n̈a 'a spatquil, x'eln̈j yich 'a 'aj lan̈b'il jun tzo'n̈ ch'oltac masnto xc'och 'a sdespacho eb' rey.

A Ch'an̈ B'ab'el Libro Yic Yab'ixal Eb' Rey 11:27

Yaj tas yuj 'ix meltzj 'och Jeroboam chi 'a win rey Salomón. Wan ya'n Salomón lan̈xoc jun tzo'n̈ ch'olctac 'a 'aj tzb'o smuroal sChon̈b' David.

A Ch'an̈ B'ab'el Libro Yic Yab'ixal Eb' Rey 14:29

A yab'xil jun tzo'n̈ xo tas sb'ojnac win Roboam, ata tz'ib'b'il can 'a ch'an̈ libro yic yab'xil eb' sreyl chon̈b' Judá.

A Ch'an̈ Schab'il Libro Yic Yab'ixal Eb' Rey 12:19

Ax jantc to yab'xil Joás yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá.

A Ch'an̈ Schab'il Libro Yic Yab'ixal Eb' Rey 14:5

A yic 'ix yi'n wal Amasías yip 'a yopiso, 'ix smiln cham eb' winc 'aych 'a yopiso, atn eb' miljnac cham smam Amasías cha.

A Ch'an̈ Schab'il Libro Yic Yab'ixal Eb' Rey 21:23

Ax eb' 'aych yajlil yet' Amón cha, 'ix meltzj 'och eb' 'ajc'ojlal 'a 'a, 'ix smiln cham eb' 'a yol sdespacho.

A Ch'an̈ Schab'il Libro Yic Yab'ixal Eb' Rey 8:23

A jantc to yab'xil Joram yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá.

2 Cr 25:27

Atxo yic xyi'n 'el sb'a Amasías 'a Jehová, atxo ta xc'ojl eb' 'ajc'ojl 'a Jerusalén snani, to tzmil cham eb' Amasías cha, yuj cha, x'at 'eloc, axta xc'och 'a chon̈b' Laquis; palta xya't eb' schecb' 'a spatquil 'a Laquis cha, axta smil cham eb'.

2 Cr 33:24

A eb' 'aych yajlil yet'oc, 'ix meltzj 'och eb' 'ajc'ojlal 'a 'a, smiln cham eb' 'a yol sdespacho.

Jueces 9:6

Xlajw cha, ax eb' 'aj Siquem smasnil, yet' eb' yic Bet-milo, 'ix syam sb'a eb' 'a yich te mach' 'ay 'a yol yic Siquem cha. A 'a stz'ey cha, ata 'ay jun q'uen q'uen niwn yel'ch yuj eb', axta 'ix ya'cn 'och eb' 'anma chi sreyloc Abimelec.