A Ch'an̈ Schab'il Libro Yic Yab'ixal Eb' Rey 12:19 - Chuj San Sebastian Bible

¹⁹ Ax jantc to yab'xil Joás yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá.

Chuj San Mateo Bible

¹⁹ A jantacto yab'ixal vin̈aj Joás yed' masanil tastac ix sc'ulej vin̈, tz'ib'ab'ilcan b'aj aycan yab'ixal eb' vin̈ sreyal Judá.

A Ch'an̈ Schab'il Libro Yic Yab'ixal Eb' Rey 12:19 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 11:41

A yab'xil jun tzo'n̈ xo tas sb'ojnac Salomón, yet' sjelnal, ata tz'ib'b'il can 'a ch'an̈ libro yic yab'xil Salomón.

A Ch'an̈ B'ab'el Libro Yic Yab'ixal Eb' Rey 14:19

A jun tzo'n̈ xo yab'xil win Jeroboam, 'icha yuj jun tzo'n̈ tas xlaj sb'o', yet' 'aj xlaj yac' owal, yet' yuj tas xyutj ya'n reyal, ata tz'ib'b'il can smasnil 'a ch'an̈ libro yic yab'xil eb' sreyl Israel.

A Ch'an̈ B'ab'el Libro Yic Yab'ixal Eb' Rey 14:29

A yab'xil jun tzo'n̈ xo tas sb'ojnac win Roboam, ata tz'ib'b'il can 'a ch'an̈ libro yic yab'xil eb' sreyl chon̈b' Judá.

A Ch'an̈ B'ab'el Libro Yic Yab'ixal Eb' Rey 15:18

Yuj cha, 'ix yi'n 'elt win Asa chi smasnil q'uen oro, yet' q'uen plata molb'il 'a yatut Jehová, yet' pax q'uen molb'il 'a yol sdespacho win rey cha. 'Ix ya'n win eb' q'uen 'a eb' schecab', yic tz'at ya'nc eb' 'a win Ben-adad sreyl Siria, ata cajn win 'a Damasco. (A Ben-adad cha, yunnal Tabrimón, yixchicn Hezión.) 'Ix ya'n win Asa chi alxoc 'a win Ben-adad 'ixtic:

A Ch'an̈ Schab'il Libro Yic Yab'ixal Eb' Rey 12:18

Palta ax Joás sreyl Judá, 'ix ya'cn syam sb'a smasnil jun tzo'n̈ ofrenda caw niwn yel'ch ya'jnac eb' smam yicham, atn rey Josafat, rey Joram yet' rey Ocozías, atn eb' sreyl Judá; yet' pax yic ya'jnac, yet' smasnil q'uen oro 'ayx 'ec' 'a yatut Jehová, yet' smasnil tas 'ay 'a yatut. A smasnil jun tzo'n̈ cha, 'ix ya't 'a Hazael sreyl chon̈b' Siria, sec wach' man̈xtzac jaw wul yac' owl yet' Jerusalén cha.

A Ch'an̈ Schab'il Libro Yic Yab'ixal Eb' Rey 12:20

'Ix smol aln eb' 'aych yajlil yet' Joás, yuj tas tzyutj eb' smiln chamoc, yuj cha, axta smil cham eb' 'a yatut 'ay 'a Milo, jun 'ay 'a sti b'e tz'eml 'a chon̈b' Sila.

A Ch'an̈ Schab'il Libro Yic Yab'ixal Eb' Rey 16:8

Yuj cha, 'ix yij 'elt Acaz q'uen plata, q'uen oro 'ay 'a yatut Jehová, yet' q'uen 'ay 'a sdespacho, 'ix siyn 'at 'a sreyl chon̈b' Asiria.

A Ch'an̈ Schab'il Libro Yic Yab'ixal Eb' Rey 18:15

Yuj cha, 'ix yac' Ezequías q'uen plata 'ayc' 'a yatut Jehová, yet' jantc sricoal 'ay 'a yol sdespacho.

A Ch'an̈ Schab'il Libro Yic Yab'ixal Eb' Rey 18:16

'Ix yi'n pax 'elt q'uen oro 'ac'b'il 'och yuj 'a spuertail yatut Jehová, yet' q'uen 'aych 'a smasnil smarcoal, 'ix ya'n 'a sreyl chon̈b' Asiria.

A Ch'an̈ Schab'il Libro Yic Yab'ixal Eb' Rey 8:23

A jantc to yab'xil Joram yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá.