A Ch'an̈ Schab'il Libro Yic Yab'ixal Eb' Rey 11:9 - Chuj San Sebastian Bible

⁹ Ax eb' capitan̈ cha, 'ix sb'o eb' smasnil tas 'ix yal Joiada cha. Junjn eb', 'ix schecb't eb' soldado, 'icha eb' tz'och yil 'a sc'ul 'iljelal, yet' eb' tz'elx cani, 'ix jaw eb' 'a 'a.

Chuj San Mateo Bible

⁹ Ix sc'anab'ajej eb' capitán chi' tastac ix yal vin̈aj Joiada chi'. Junjun eb' ix yac'och soldado eb', eb' tz'och stan̈vej d'a sc'ual ic'oj ip yed' eb' tz'elcani, ix c'och eb' d'a yichan̈ vin̈aj sacerdote Joiada chi'.

A Ch'an̈ Schab'il Libro Yic Yab'ixal Eb' Rey 11:9 ပူးပေါင်းရင်းမြစ်များ

A Ch'an̈ Schab'l Libro Samuel 8:18

Benaía win yunnal Joiada, yajl yaj 'a eb' soldado tztan̈wni rey David, atn eb' quereteo yet' eb' peleteo. Ax eb' yunnal David cha, sat yajl yaj eb' 'a eb' yajl cha.

A Ch'an̈ Schab'il Libro Yic Yab'ixal Eb' Rey 11:4

Ax 'a yucl ab'il, a Joiada yitb'eym 'ix Josaba cha, win sat ya'mal 'och sti eb' 'a Dios, 'ix yac' win 'awtx cot eb' capitan̈, yet' eb' tztan̈wni yatut eb' rey, ax win x'i'n 'och eb' yet' 'a yamq'uil yatut Jehová. Ata 'ix yac' win yac' eb' sti' sec tz'och eb' yet' win 'a tas nab'il yu'uj, 'ixta to b'i'an, 'ix sch'oxn win 'ilxoc win 'unn Joás yunnal can win rey chamnac.

1 Cr 26:26

A Selomit yet' eb' yu'tac, a eb' 'aych 'a yib'n̈ yiln smasnil tas to 'ac'b'il 'a Jehová yuj rey David, yet' tas ya'jnac eb' yajl yaj 'a yib'n̈ junjn macn̈ eb' yin̈tl eb', yet' eb' capitan̈ yaj 'a yib'n̈ mil soldado yet' 'a yib'n̈ jun ciente soldado, yet' pax eb' niwc yajl yaj 'a eb' soldado cha.

2 Cr 23:8

A eb' levita yet' smasnil eb' 'anma 'aj Judá, 'ix syiclj eb' sb'on smasnil tas 'ix yal Joiada. Junjn eb' yajl cha, 'ayc' eb' yet' eb' 'aych 'a yol sc'ab', eb' tz'och yil yopiso 'a sc'ul 'iljelal yet' eb' tz'eli. Yujto ma'ix chax 'el eb' yuj Joiada cha, yic tzlajw yiln eb' yopiso 'a stzolil.