A Ch'an̈ Schab'il Libro Yic Yab'ixal Eb' Rey 11:2 - Chuj San Sebastian Bible

² Palta ax pax 'ix Josaba, yisl win rey Joram, 'ix yanb' Ocozías cha, a 'ix x'i'n 'el win tz'ulc 'unn Joás, yunnal Ocozías chi 'a scal jun tzo'n̈ xo eb' yunnal to wan smilx cham cha. 'Ix sc'ub'n 'el 'ix win 'a 'ix Atalía 'a yol jun cuarto 'aj tzway eb' 'anma', yet' 'ix tzq'uib'tzan winac. 'Ixtnta 'ix 'aj scolchji, ma'ix milx cham win 'unn cha.

Chuj San Mateo Bible

² Axo ix Josaba, yisilcan vin̈aj rey Joram, schab'il yanab' vin̈aj rey Ocozías chi', a' ix ix ic'ancanel vin̈aj Joás yuninal vin̈aj Ocozías chi' d'a scal eb' yuninal vin̈ van smiljicham chi'. Icha chi' ix aj sc'ub'anel vin̈ ix d'a ix Atalía chi'. Ix b'at sc'ub'ejel vin̈ ix yed' jun ix tz'ilan q'uib' vin̈ d'a jun cuarto b'aj ay juntzan̈ ch'at sic'an, yuj chi' maj miljoccham vin̈aj Joás chi'.

A Ch'an̈ Schab'il Libro Yic Yab'ixal Eb' Rey 11:2 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 11:17

Ax Hadad cha, caw wal yune 'unn to, palta x'at 'eloc, axta xc'och yet' jun tzo'n̈ eb' schecb' smam 'a Egipto.

A Ch'an̈ B'ab'el Libro Yic Yab'ixal Eb' Rey 6:10

Sb'on pax jun tzo'n̈ cuarto 'a spatquil, chab' metro yet' 25 centímetro 'ix 'aj stel junjn piso. 'Ix q'ue spatzb'il xc'och tenn 'a jun n̈a cha, nab'a c'ute ste'al.

A Ch'an̈ B'ab'el Libro Yic Yab'ixal Eb' Rey 6:8

A spuertail jun tzo'n̈ cuarto cha, a 'a stojlal sur tzcani, yic tzon̈ 'och 'a yojl jun yatut Dios cha, ax yic tzon̈ q'ue 'a schab'l piso, yet' a yoxl piso, 'ay sc'ochal.

A Ch'an̈ Schab'il Libro Yic Yab'ixal Eb' Rey 11:21

Uque ab'il sq'uinl Joás yic 'ix schan 'el yich ya'n reyl 'a Judá.

A Ch'an̈ Schab'il Libro Yic Yab'ixal Eb' Rey 11:3

Ata c'ub'b'il 'el win yet' 'ix tzq'uib'tzan win chi 'a yatut Jehová 'a waque ab'il. Ya' sb'a wan ya'n 'ix Atalía reinail 'a Judá.

A Ch'an̈ Schab'il Libro Yic Yab'ixal Eb' Rey 12:1

A yic yucl ab'il xo yoch Jehú reyl 'a israel, 'ix 'och Joás reyl 'a Judá; chawinc ab'il 'ix yac' reyl 'a Jerusalén. A snun, Sibia sb'i, 'aj Beerseba.

A Ch'an̈ Schab'il Libro Yic Yab'ixal Eb' Rey 8:16

A yic o'e xo ab'il yoch Joram yunnal Acab reyl 'a chon̈b' Israel, 'ix 'och win Joram yunnal Josafat reyl 'a Judá.

A Ch'an̈ Schab'il Libro Yic Yab'ixal Eb' Rey 8:19

Palta ma'ix yal sc'ojl Jehová tzsatl Judá, yujto ya'jnac sti 'a David, to a junc yin̈tl 'aychn̈ej cab' reyl 'a Judá 'a smasnil tiempo.

2 Cr 22:11

Palta ax 'ix Joseba yisl rey Joram, xyi'n 'el 'ix Joás 'a scal jun tzo'n̈ xo eb' yunnal Ocozías, atn eb' wan laj smilx cham cha, sc'ub'n 'el 'ix win 'a jun cuarto 'a yatut Dios yet' 'ix tzq'uib'tzan winac. 'Ixtnta xyutj 'ix Joseba sc'ub'n 'el winac. Yuj cha, ma'ix chami. A 'ix Joseba cha, yisl rey Joram 'ix, yanb' Ocozías, yistzil Joiada ya'mal 'och sti eb' 'anma 'a Dios.

Ex 8:3

'Oj wac' pitzwc no 'a yol a a smasnil: c'uxn 'oj c'och no 'a yol a despacho, 'a 'aj tzach wayi, 'a sat a ch'at, 'a yol yatut eb' 'aych yajlil et'oc, 'a yol yatut smasnil 'anma', 'a yol jorna 'aj tzb'o 'ixm pan tza wa'aj, yet' pax 'a sat te 'a'nte 'aj tzcalx 'ixim.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Is 37:35

'Oj in tan̈wc jun chon̈b' tic, ax in colni, yujto 'ay in chamc'ojlal 'a in checb' David, yuj pax in b'inaxi, xchi Dios, xchi Isaías.

Jeremías 33:17

An Jehová in, an tzwala: May b'a'n̈ 'oj satl yin̈tl David, palta an̈j eb' 'oj 'em wocn 'a jun despacho 'a chon̈b' Israel.

Jeremías 33:21

An̈jtona', matz tac' satl jun in trato in b'ojnac yet' in checb' David, to yowlal 'ayn̈j 'ec' eb' yin̈tl yac' yajlil 'a sdespacho. Ma'oj satl pax in trato in b'ojnac yet' eb' yin̈tl Leví yic tzin ya'n servil eb', yuj ya'n 'och eb' sti eb' 'anma 'ayin.

Jeremías 33:26

An̈jtona may b'a'n̈ 'oj jelmjoc jun in trato yet' eb' yin̈tl Jacob, yet' eb' yin̈tl win in checb' David. Yowlal 'oj in sic' 'elt junc yin̈tl David cha, ax ya'n yajlil 'a yib'n̈ eb' yin̈tl Abraham, Isaac, yet' Jacob. Yujto caw tz'o'chn̈ej in c'ojl 'a eb', yuj cha, 'oj wi'xq'ue'ch eb' jun 'ejm xo, xchi Dios.

Jeremías 35:2

'Ixc 'a 'aj 'ayc' eb' yin̈tl can win Recab, tzlajw cha, tzach paxtin yet' eb'. Tze'n 'at eb' 'a junc cuarto 'ay 'a watut, tza'n yal uva 'a eb', xchi 'ayin.

Jeremías 36:26

Palta a yic winac, to 'ix yal win 'a win Jerameel win yin̈tl eb' rey, yet' 'a Seraías yunnal Azriel, yet' 'a Selemías, yunnal Abdeel, chajtlto tzin sjalb't eb' an Jeremías in tic yet' jun win tz'ib'n wun̈ cha, atn win Baruc. Palta ax Jehová on̈ c'ub'n 'eli.

Ez 40:45

Xlajw cha, xyaln jun winc chi 'ayn 'ixtic: A jun cuarto q'ueln 'at 'a stojlal sur, yic eb' ya'mal 'och sti eb' 'anma 'a Dios, atn eb' tz'a'w servil 'a yatut Dios.

Jueces 9:5

'Ix c'och eb' 'a 'aj 'ay yatut smam chi 'a Ofra, axta sma' cham eb' yu'tac cha, atn eb' 70 'aycn 'a yatut win Gedeón cha. A 'a yib'n̈ jun q'uen q'ue'en, ata sma' cham win eb'. Cojxn wal jun win 'ix stac' sc'ub'n 'el sb'a, atn win slajb' 'unn tzcuch Jotam.