A Ch'an̈ Schab'il Libro Yic Yab'ixal Eb' Rey 11:14 - Chuj San Sebastian Bible

¹⁴ Ax xyiln 'ix, ata 'ayc' win rey, lin̈n 'och win 'a stz'ey jun 'oy 'a scoredoral cha, 'icha xon sb'eyb'al eb'. A 'a smoch winac, ata 'ayc' eb' capitan̈, yet' eb' tzb'itn yet' jun tzo'n̈ yamc'ab', caw wal tzalj smasnil 'anma', tzyutz'n eb' strompeta. Xlajw cha, 'ix stziln jat 'ix Atalía spichul, 'ix 'el yaw 'ix, xyaln 'ix 'ixtic. —¡Pechm ex 'el rey ax tic! xchin̈j 'ix.

Chuj San Mateo Bible

¹⁴ Axo ix yilan ix ayec' vin̈ rey chi', lin̈anoch vin̈ d'a stz'ey jun oy d'a amac' chi', ichataxon sb'eyb'al eb'. A d'a stz'eytac vin̈ rey chi' ayec' eb' yajal yed' eb' tz'ac'anoch sonal eb' sb'itani. Masanil eb' anima chi' stzalaj eb', spu'an sch'aac eb'. Yuj chi' ix sn̈ic'chitejb'at spichul ix, ix el yav ix: —Pechum ex el yajal a ex tic. Pechum ex el yajal, xchi ix.

A Ch'an̈ Schab'il Libro Yic Yab'ixal Eb' Rey 11:14 ပူးပေါင်းရင်းမြစ်များ

Gn 37:29

Ax yic xmeltzj Rubén x'at yilnc pax 'a sti jun xab' cha. Ax 'ix yilni man̈x 'a win José 'ayc' ta', yuj cha, stzilnjat spichul, yic tzch'oxn 'eli to tzcus yuj jun yu'tac cha.

Gn 44:13

Yuj cha, syamn 'och ewin stzilnjat spichul, yic tzch'oxn 'el ewin scusc'ojlal. Xlajw cha, xya'n 'och pax ewin yictz sb'uru chi jun 'ejm xo, xmeltzj pax ewin 'a yol chon̈b' cha.

A Ch'an̈ B'ab'el Libro Yic Yab'ixal Eb' Rey 1:25

Yujto a ticnec, til wal no mam wacax, no quelmtac wacax, yet' no calnelu 'ix smil winac. 'Ix yawtn win eb' onnal mamin rey yet' eb' scapitan̈il eb' a soldado, yet' pax Abiatar ya'mal 'och qui ti 'a Dios. A ticnec wan swa eb', wan yu'n eb' tas tzyu'j yet' winac, caw wal tz'el yaw eb', tzyaln eb' 'ixtic: ¡Viva win rey Adonías! xchi eb'.

A Ch'an̈ Schab'il Libro Yic Yab'ixal Eb' Rey 11:15

Palta 'ix yaln Joiada 'a eb' scapitan̈il eb' soldado 'ixtic: —¡'Ijc 'el 'ix 'a e cal 'aj oyn ex 'ec' cha! A mach tz'och tza'n yuj 'ix, milx cab' chamoc, xchi Joiada. Yujto tox 'ix yal win 'a eb' to matz tac' smilx cham 'ix 'a yatut Jehová,

A Ch'an̈ Schab'il Libro Yic Yab'ixal Eb' Rey 23:3

'Ix 'och lin̈n win rey 'a stz'ey jun 'oy, 'ix ya'n sti 'a yojltac Jehová, to 'oj 'och tza'n eb' yu'uj, ax syiclni eb' smasnil schecnb'il yic trato tz'ib'b'il can 'a ch'an̈ libro cha. An̈jtona eb' chon̈b' chi smasnil 'ix yac' eb' sti', to 'oj syiclc pax eb'.

A Ch'an̈ Schab'il Libro Yic Yab'ixal Eb' Rey 9:13

Xlajw cha, junjn eb' 'ix yij cot eb' spotil, 'ix ya'n 'ejm eb' 'a yaln̈ yoc Jehú 'a yib'n̈ jun tzo'n̈ b'achctac tz'at 'a cha'an̈. 'Ix yutz'n eb' sch'ac no mam calnelu, 'ix yaln eb' 'ixtc 'a caw 'ip: ¡A win Jehú, rey xo win ticnec! xchi eb'.

A Ch'an̈ Schab'il Libro Yic Yab'ixal Eb' Rey 9:23

Xlajw cha, 'ix meltzj rey Joram, 'ix 'at 'eloc. 'Ix 'awj to can 'at 'a rey Ocozías, 'ixtic: —¡Chaml jun tic Ocozías! xchi.

1 Cr 12:40

An̈jtona pax eb' cajn 'a stz'ey eb', 'icha eb' yic Isacar, eb' yic Zabulón yet' eb' yic Neftalí, 'ix yij cot eb' tas tzc'uxx 'a yib'n̈ no b'uru, no cameyo, no mula, yet' pax no mam wacax. Til wal sc'ajquixtacl tas tzc'uxx 'ix yij cot eb'; atn 'ixm harina, tacn̈ higo, yal uva, aceite, no mam wacax, yet' no calnelu, caw 'ix yac' sobra, yujto til wal tzaljc'ojlal 'a chon̈b' Israel.

2 Cr 34:31

'Ix 'och lin̈n win rey 'a stz'ey jun niwquil 'oy. 'Ix sb'on pax strato yet' Jehová, chajtlto 'oj syiclc sb'eylb'an schecnb'il Jehová, scuynb'il, yet' sley. 'Oj syiclc 'a smasnil sc'ojol, 'a smasnil snab'en, ax ya'n 'och 'a yopiso 'icha yaj stz'ib'x can jun trato chi 'a ch'an̈ libro cha.

Pr 29:2

A yic tz'och eb' tojl snab'en 'a yopiso, caw wal tzalj eb' 'anma'; palta a yic tz'och eb' maysch'olnil yajlil, caw wal tzcus eb' 'anma cha.

Lc 19:37

A yic wan sc'och eb' 'a 'aj tzpichlj can 'ejm jun b'e yic tzaln Olivo cha, ax eb' scuywum, c'uxn xlaj 'awj chan̈ eb' yuj tzaljc'ojlal. Xlaj yalnc eb' wach' paxti 'a Dios yuj jun tzo'n̈ milagro xyil eb'.