A Ch'an̈ Schab'il Libro Yic Yab'ixal Eb' Rey 11:12 - Chuj San Sebastian Bible

¹² 'Ix yi'n 'elt Joiada win yunnal win rey muc'uc, 'ix ya'n q'ue scorona, 'ix ya'n win yun̈al strato Dios 'a 'a, xlajw cha, 'ix secn q'ue aceite 'a sjolm winac, 'ix yaln eb', to rey xo. Xlaj spoc' eb' sc'ab' smasnil, 'ix yaln eb' 'ixtic: ¡Viva win qui reyal! xchi eb'.

Chuj San Mateo Bible

¹² Ix yic'anelta vin̈ yuninal vin̈ rey chi' vin̈aj Joiada chi', ix yac'anq'ue corona vin̈ d'a sjolom vin̈, ix yac'an jun yumal strato Dios vin̈ d'a vin̈. Ix stob'anq'ue aceite vin̈ d'a sjolom vin̈ unin chi', ix yalan vin̈ to reyxo vin̈. Ix lajvi chi', masanil eb' ix stz'it sc'ab', ix syamanoch eb' yavaji: Nivanocab' yelc'och vin̈ co reyal, xchi eb'.

A Ch'an̈ Schab'il Libro Yic Yab'ixal Eb' Rey 11:12 ပူးပေါင်းရင်းမြစ်များ

A Ch'an̈ Schab'l Libro Samuel 1:10

Yuj cha, xin nitzn 'och in b'a 'a stz'ey, 'ix in wach' miln can chamoc, sec wach' matz yab' syal si'mb'il. 'Ix wila to yowlal 'oj chamn̈ej, yujto tox 'ix lajwi. A yic chamnc xo cha, xwi'n 'el scorona 'a sjolom, yet' jun brazalete 'aych 'a sc'ab' yic tzwi'n cot 'aych ach wajlil, xchi winac.

A Ch'an̈ Schab'l Libro Samuel 12:30

Xlajw cha, xyi'n 'el scorona win sreyl jun chon̈b' chi 'a sjolom. Tecn 'ay junc 75 libra yalil, til wal jun tzo'n̈ q'uen wach' yilx 'aych 'a 'a. 'Ix 'och scoronaoc win rey David. Til wal jun tzo'n̈ xo tas chan̈ stojl xyij 'elt eb' 'a yol chon̈b' cha.

A Ch'an̈ Schab'l Libro Samuel 16:16

Ax win Husai arquita, win swach'c'ojl David, 'ix 'elt win scha win Absalón 'a yol b'e, caw 'ip x'awj chan̈ winac, xyaln win 'ixtic: —Viva, viva sjaw win rey, xchi winac.

A Ch'an̈ Schab'l Libro Samuel 2:4

Xlajw cha, 'ix jaw ewin yin̈tl Judá 'a David, 'ix ya'n can 'och eb' David chi sreyloc. Ax yic xyab'n David chajtlto a eb' 'aj Jabes 'a yol yic Galaad, a eb' mucjnac Saúl,

A Ch'an̈ Schab'l Libro Samuel 2:7

Palta ax ticnec jun, caw 'a'c eyip, tzaljan̈ec, man̈ ex xiwoc, yujto wach'xam xcham Saúl, atn jun eyajlil, palta ax eb' yin̈tl Judá, a eb' in 'a'n 'och sreyloc, xchi 'at 'a eb'.

A Ch'an̈ Schab'l Libro Samuel 5:3

'Ixta 'ajnc smasnil eb' yichmtac wincal chon̈b' Israel xwulc' paxtinc yet' win rey David 'a Hebrón. 'Ix sb'on win rey chi jun strato yet' eb' 'a Hebrón cha, xya'n 'och eb' Jehová stestigooc. 'Ix ya'n can 'och eb' David chi sreyloc.

A Ch'an̈ B'ab'el Libro Yic Yab'ixal Eb' Rey 1:25

Yujto a ticnec, til wal no mam wacax, no quelmtac wacax, yet' no calnelu 'ix smil winac. 'Ix yawtn win eb' onnal mamin rey yet' eb' scapitan̈il eb' a soldado, yet' pax Abiatar ya'mal 'och qui ti 'a Dios. A ticnec wan swa eb', wan yu'n eb' tas tzyu'j yet' winac, caw wal tz'el yaw eb', tzyaln eb' 'ixtic: ¡Viva win rey Adonías! xchi eb'.

A Ch'an̈ B'ab'el Libro Yic Yab'ixal Eb' Rey 1:34

Ach xo Sadoc yet' ach Natán 'ac' q'ue aceite 'a sjolm ni Salomón. Tzeyutz'j no sch'ac calnelu, yic tze ch'oxn 'eli to a ni tz'ochcn reyl 'a yib'n̈ eb' quit israelal. Tz'el eyaw tzeyaln 'ixtic: ¡Viva win rey Salomón! xe chi.

A Ch'an̈ B'ab'el Libro Yic Yab'ixal Eb' Rey 1:39

Ax Sadoc 'ix yij cot aceite 'a scajnub' Dios, 'ix ya'n q'ue 'a sjolm Salomón, 'ixtnta 'ix yutj eb' ya'n 'och reyal. Xlajw cha, 'ix yutz'n eb' no sch'ac calnelu, caw wal tz'el yaw smasnil chon̈ab': ¡Viva win rey Salomón! xchi eb'.

A Ch'an̈ B'ab'el Libro Yic Yab'ixal Eb' Rey 2:44

Ach tic, na coti jantc maysch'olnil 'ix al 'a in mam, atn David; yuj cha, a ticnec a Jehová 'oj a b'eyc'ojlani, ax smasnil tas 'ix a b'o cha, 'oj cotcn 'a eb'an̈.

A Ch'an̈ Schab'il Libro Yic Yab'ixal Eb' Rey 11:11

'Ix 'och oyn eb' soldado stan̈wni yojltac yatut Dios cha, yet' jun yet'l xajmb'al, yet' pax win 'unn tz'och reyl cha. Junjn eb', yamb'il syamc'ab' eb' yic owl yu'uj.

A Ch'an̈ Schab'il Libro Yic Yab'ixal Eb' Rey 11:2

Palta ax pax 'ix Josaba, yisl win rey Joram, 'ix yanb' Ocozías cha, a 'ix x'i'n 'el win tz'ulc 'unn Joás, yunnal Ocozías chi 'a scal jun tzo'n̈ xo eb' yunnal to wan smilx cham cha. 'Ix sc'ub'n 'el 'ix win 'a 'ix Atalía 'a yol jun cuarto 'aj tzway eb' 'anma', yet' 'ix tzq'uib'tzan winac. 'Ixtnta 'ix 'aj scolchji, ma'ix milx cham win 'unn cha.

A Ch'an̈ Schab'il Libro Yic Yab'ixal Eb' Rey 11:4

Ax 'a yucl ab'il, a Joiada yitb'eym 'ix Josaba cha, win sat ya'mal 'och sti eb' 'a Dios, 'ix yac' win 'awtx cot eb' capitan̈, yet' eb' tztan̈wni yatut eb' rey, ax win x'i'n 'och eb' yet' 'a yamq'uil yatut Jehová. Ata 'ix yac' win yac' eb' sti' sec tz'och eb' yet' win 'a tas nab'il yu'uj, 'ixta to b'i'an, 'ix sch'oxn win 'ilxoc win 'unn Joás yunnal can win rey chamnac.

A Ch'an̈ Schab'il Libro Yic Yab'ixal Eb' Rey 9:13

Xlajw cha, junjn eb' 'ix yij cot eb' spotil, 'ix ya'n 'ejm eb' 'a yaln̈ yoc Jehú 'a yib'n̈ jun tzo'n̈ b'achctac tz'at 'a cha'an̈. 'Ix yutz'n eb' sch'ac no mam calnelu, 'ix yaln eb' 'ixtc 'a caw 'ip: ¡A win Jehú, rey xo win ticnec! xchi eb'.

A Ch'an̈ Schab'il Libro Yic Yab'ixal Eb' Rey 9:3

Tzlajw cha, tze'n cot jac aceite cha, tza secn q'ue 'a sjolom, tzaln 'a 'ixtic: 'Ixtc 'ix yutj Jehová yalni: An tzach in si'cn 'eli yic tzach 'och reyl 'a chon̈b' Israel, xchi Dios, xa chi. Tzlajw cha, tza jacn̈ pax te puerta chi muc'uc, tzach 'at 'eloc, man̈ ach 'och wa'an, xchi Eliseo chi 'a jun win quelm cha.

2 Cr 23:11

Xlajw cha, ax Joiada yet' eb' yunnal, 'ix yi'n 'elt eb' win yunnal can win rey cha, 'ix ya'n q'ue eb' jun corona 'a sjolom. 'Ix ya'n eb' jun yun̈al strato Dios 'a 'a. 'Ixta to b'i'an, 'ix secn q'ue eb' aceite 'a sjolm winac. Yajn̈ej 'ix yaln eb' to rey xo winac. 'Ix 'el yaw smasnil eb' 'anma yalni: ¡Viva win rey! xchi eb'.

Ester 2:17

Yel xo wal xchamc'ojlax 'ix Ester chi yuj win rey cha. May xon junc 'ix 'aj 'ay schamc'ojlal win 'icha xyutj schamc'ojlan win 'ix Ester. Yel xo niwn swach'c'ojlal win 'a 'ix 'a yib'n̈ jun tzo'n̈ xo eb' 'ix cob'stac cha. Yuj cha, xya'n q'ue win jun corona yic reyl 'a sjolm 'ix. Xlajw cha, xya'n can 'och win 'ix reinail sjelc 'ix Vasti.

Ester 6:8

to tz'ijx cot junc a pichl tza c'an 'a opiso tic mamin rey, yet' pax no 'a chej tza c'anlb'ej xoni, ax 'a sjolm no', ata tz'ajx q'ue junc 'icha corona yelwnub'loc no', yic tzch'oxn 'eli, to ec no'.

Salmos 132:18

Ax eb' 'ajc'ojl yajch 'a 'a, 'oj 'el sq'uixwel eb', yujto 'oj wac' q'ue'ch 'a yopiso, xa chi can 'a 'a.

Salmos 21:3

Til wal yaxilal 'ix ac' 'a 'a, 'ix a'n q'ue jun corona to nab'a oro 'a sjolom.

Salmos 21:4

'Ix sc'an najtxb'oc sq'uinl 'ayach, 'ix a'n jun q'uinl 'ay 'a jun 'ejmn̈ej 'a 'a.

Salmos 47:1

E masnil ex wit chon̈ab', qui po'c qui c'ab'. Calc qui b'a 'a tzaljc'ojlal 'a Dios.

Salmos 78:5

A Dios 'ix 'a'n can jun ley 'a eb' qui mam quichmec atn eb' yin̈tl Jacob. Xya'n can jun tzo'n̈ checnb'il chi 'ayn̈ an̈ Israel on̈c tic. 'Ix yaln can 'a eb' qui mam quichmec to tzon̈ scuyc can eb'. An̈ec xo 'oj qui cuyc can pax eb' cunnalec,

Salmos 89:39

'Ix a ju a trato yet' win a checab', xa juln 'ejm can scorona 'a sat lu'um.

Salmos 98:8

A eb' a niwc a', q'ue cab' wan chel-loc eb' a'. Ax eb' lum niwc witz, jun lajnn̈ej cab' tzyutj eb' lum yawj chan̈ yuj tzaljc'ojlal 'a yojltac Jehová,

Ex 25:16

Tzlajw cha, tza'n 'ejm eb' q'uen q'uen 'aj tz'ib'b'il 'och in checnb'il 'a yojl te caxa cha, atn eb' q'uen 'oj wac' 'aych tic.

Ex 31:18

A yic 'ix lajw spaxtin Jehová yet' Moisés chi 'a lum jolm witz Sinaí, 'ix ya'n chapachn̈ q'uen q'uen 'a 'a, q'uen 'ajtil tz'ib'b'il 'och schecnb'il. Caw a Dios 'ix tz'ib'n 'och jun tzo'n̈ checnb'il chi 'a eb' q'ue'en.

Is 55:12

'Oj eyelt yet' e tzaljc'ojlal 'a 'aj 'ayx 'ec' 'icha presoal cha, junc'ojlal 'oj e paxt 'a e chon̈ab'. A yic 'oj ex yilnc 'och eb' lum niwc witz, eb' lum tzalctac, te niwc te', 'icha to 'oj spoc' eb' sc'ab' sb'itn chan̈ yuj stzaljc'ojlal yic 'oj ex yiln 'och eb'.

Is 8:16

Ex in cuywum, molc can jun tzo'n̈ cuynb'il tic 'a e nab'en, may cab' b'a'n̈ tzsat 'a e c'ojol.

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Lm 4:20

A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

Dn 3:9

'Ix yaln eb' 'a win rey chi 'ixtic: Mamin rey, 'ayc'n̈ej cab' opiso tic 'a jun 'ejmn̈ej.

Dn 6:21

Xlajw cha, xta'w Daniel 'ixtc 'a winac. —¡Mamin rey, 'ayc'n̈ej cab' opiso 'a jun 'ejmn̈ej!

Mt 21:9

Ax eb' b'ab'el yet' eb' tzac'an, 'ix laj yalnc eb' 'ixtic: —Yuj wal dios 'a jun yin̈tl David tic. Calc wach' paxti 'a jun checb'il cot yuj Cajlilec. Ca'c yuj diosal 'a Dios 'aj satcha'an̈, xchi eb'.

Mt 27:29

'Ix spalch'ab'j ewin jun te q'ui'ix, setnxoj x'aji. 'Ix ya'n q'ue ewin 'a sjolm Jesús scoronaoc, sec tzyetz'tej ewin yilx 'icha junc rey. 'Ix ya'ch ewin jun te 'aj sc'occhoc 'a swach' c'ab', xlaj stz'acn ewin 'em cumn sb'a 'a yojltac. 'Ix laj b'uchwj ewin 'a 'a, 'ix laj stz'acn ewin yal 'a 'ixtic: —Tzaljan̈ ach sreyl cob' eb' israel, xchi ewinac.

A Tas Sc'ulejnac Eb' Schecab' Jesús Hechos 4:27

Wal yel, a win Herodes, win Poncio Pilato, eb' man̈ israeloc, yet' pax eb' quit israelal on̈, 'ix syam sb'a eb' 'a yol chon̈b' tic. 'Ix sc'umj sb'a eb' 'a spatc Onnal, atn jun sic'b'il 'el o'oj. Palta ach a'jnac can yopiso.

2 Co 1:21

A Dios tz'a'n ste'nal e nab'en quet' on̈, yujto 'ayn̈ecx 'och 'a yol sc'ab' Cristo. A Dios on̈ si'nec 'och yico'oc.

A Ch'an̈ Carta D'a Eb' Hebreo 1:9

Tza chamc'ojlej tas tojol, ax maysch'olnil, caw yajb'il 'el o'oj. Yuj cha, ach si'n 'elt Dios, atn jun a Diosal. 'Ix yac' jun a tzaljc'ojlal to 'ec'b'al 'a yib'n̈ yic eb' et yajlil, xchi 'a Ch'an̈ U'un̈.

A Ch'an̈ Carta D'a Eb' Hebreo 2:9

Palta tzquilc nab'n tas 'ajnc Jesús. Yuj qui Mam Dios, 'ay jun tiempoal, ma'ix tza'wni 'a eb' ángel yic wul ya'nc 'och sb'a 'anma'il. Yuj wal swach'c'ojlal Dios, x'el 'a sc'ojol, xcham Jesús cujec qui masnil. Al ticnec, caw niwn swach'il, niwn yel'chi, yujto xyab' syal schami.

Apoc 19:12

Ax yol sat, lajn 'icha snich c'ac'. Til wal scorona 'ay q'ue 'a sjolom. 'Ay jun sb'i tz'ib'b'il 'ochi, cojxn 'ojtnac.

A Ch'an̈ B'ab'el Libro Samuel 10:1

Xlajw cha, xyi'n cot Samuel jun yet'l aceite, 'ix secn q'ue aceite chi 'a sjolm Saúl, 'ix stz'ub'n 'elt sti', xyaln 'a 'ixtic: A Jehová a tzach 'a'n 'och syajlilc qui chon̈ab'.

A Ch'an̈ B'ab'el Libro Samuel 10:24

'Ix yaln Samuel 'a smasnil eb' chon̈b' chi 'ixtic: —¡'Iltec wal jun si'ch Jehová tic qui reyloc! ¡May wal junc 'a qui cal tztac' slajb'tzan sb'a yet' winac! xchi. Yuj cha, 'ix yaln eb' chon̈b' yet' stzaljc'ojlal 'ixtic: ¡Viva win rey! xchi eb'.

A Ch'an̈ B'ab'el Libro Samuel 16:13

Xlajw cha, xyi'n cot Samuel no ch'ac 'aj 'ay 'ejm aceite. Q'ueln 'och eb' 'u'tacab'il cha, xya'n q'ue Samuel aceite 'a sjolm win David cha. A 'a yic jun c'u cha, 'ix 'ochcn Yespíritu Jehová 'a win yet' spoder. Xlajw swa eb', 'ix meltzj pax can Samuel 'a Ramá.