A Ch'an̈ Schab'il Libro Yic Yab'ixal Eb' Rey 11:11 - Chuj San Sebastian Bible

¹¹ 'Ix 'och oyn eb' soldado stan̈wni yojltac yatut Dios cha, yet' jun yet'l xajmb'al, yet' pax win 'unn tz'och reyl cha. Junjn eb', yamb'il syamc'ab' eb' yic owl yu'uj.

Chuj San Mateo Bible

¹¹ Ix och oyan eb' soldado chi' stan̈van d'a yamaq'uil templo yed' d'a spatictac altar yed' d'a spatic yichan̈ vin̈ rey chi'. Junjun eb', yed'nac syamc'ab' eb' yic oval.

A Ch'an̈ Schab'il Libro Yic Yab'ixal Eb' Rey 11:11 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 11:10

Xlajw cha, 'ix ya'n win jun tzo'n̈ q'uen lanza, yet' jun tzo'n̈ q'uen tzmacn sat jul-lab' 'a eb' capitan̈, atn q'uen yic win rey David 'a yaln̈taxi, ata 'ayc' eb' q'uen 'a yatut Jehová.

A Ch'an̈ Schab'il Libro Yic Yab'ixal Eb' Rey 11:12

'Ix yi'n 'elt Joiada win yunnal win rey muc'uc, 'ix ya'n q'ue scorona, 'ix ya'n win yun̈al strato Dios 'a 'a, xlajw cha, 'ix secn q'ue aceite 'a sjolm winac, 'ix yaln eb', to rey xo. Xlaj spoc' eb' sc'ab' smasnil, 'ix yaln eb' 'ixtic: ¡Viva win qui reyal! xchi eb'.

A Ch'an̈ Schab'il Libro Yic Yab'ixal Eb' Rey 11:8

'Oj eyoch oyn 'a spatquil 'aj 'ayc' winac, yamb'il cab' eyamc'ab' yic owl eyuj junjn ex, tzann̈j mach snib'j tz'och 'aj 'ayc' win rey cha, tojln̈ej schami. Tzann̈j 'aj 'oj 'at win rey tic 'oj e 'atn̈j yet' winac, xchi Joiada.

2 Cr 6:12

'Ay jun b'achnub' to nab'a bronce 'ix yac' b'o 'a snan̈l 'amac', chab' metro yet' 25 centímetro spac'b'il, 'ixta pax xchiquin, jun metro yet' 35 centímetro ste'il. Yajn̈ej 'ix q'ue lin̈n Salomón 'a yib'n̈ jun b'achnub' cha, atn 'a yojltac jun yet'l xajmb'al to yic Jehová. Lin̈n 'ec' smasnil eb' yit chon̈b' 'a spatquil. 'Ix 'em cuman, xyi'n chan̈ sc'ab' xleslwi,

Ex 40:6

Tza'n 'ajxoc b'o 'ejm jun yet'l xajmb'al 'a yet'ul, atn 'aj 'oj tz'a no xajmb'al 'a sti 'elt Mantiado cha.

Ez 8:16

In yi'n 'at 'a yol sti yamq'uil yatut Dios, ax 'a yol 'och sti puerta cha, 'a sla'nil 'aj 'ay yet'l xajmb'al, ata 'ay 25 eb' winac. A yichspatquil eb' 'aycn cot 'a stojlal yatut Dios, axta q'ueln 'at eb' 'a stojlal 'aj tzq'uel c'u, cumn 'ejm eb' yal sb'a 'a c'u.

Jl 2:17

'O' cab' eb' ya'mal 'och qui tic 'a Dios, eb' tz'a'w servil 'a Jehová. A 'a snan̈l yatut Dios yet' jun yet'l xajmb'al, ata tzyal cab' eb' 'ixtic: Mamin Jehová, 'ac' niwnc'ojlal 'a quib'n̈ an̈ a chon̈b' on̈ tic. May cab' mach tzon̈ b'uchni. Man̈ on̈ a cha 'ajxoc ganar yuj jun tzo'n̈ xo chuc chon̈b'al, man̈ yal cab' eb' 'ixtc 'ayn̈ on̈: ¿'Ajtil 'ay e Diosal cha? man̈ xchic cab' eb', xchi cab' eb'.

Mt 23:35

Yuj cha, a 'a eyib'n̈ 'oj jawc schaml smasnil eb' tojl snab'en 'ix milx cham 'a yolyib'n̈q'uinl tic, yictax xcham win Abel, jun tojl snab'en, masnto xc'och stiempoal xcham win Zacarías, win yunnal Berequías. Atn Zacarías chi chamnc yuj eb' e mam eyichm 'a snan̈l yatut Dios yet' jun yet'l xajmb'al.

Lc 11:51

Til wal eb' schecb' Dios milxnac chamoc, yictax smilx cham Abel masnto c'ochnc stiempoal scham Zacarías, atn win milxnac cham 'a snan̈l jun yet'l xajmb'al yet' scajnub' Dios. Palta an tzwal 'ayex, jantcn̈ej eb' milb'il cham cha, 'oj ya'ch Dios 'a eyib'an̈.