A Ch'an̈ Schab'il Libro Yic Yab'ixal Eb' Rey 10:8 - Chuj San Sebastian Bible

⁸ Ax yic 'ix c'och jun win checb' 'a Jehú, 'ix yaln jun winc chi 'ixtic: —Tic 'ix jaw sjolm eb' 70 yunnal win rey, xchi winac. —'A'c can 'ejm 'a sti spuerta'il chon̈b' tic, chac'aj tzeyutj 'eli, ata tzcancni masnto q'uic'an, xchi Jehú 'a win checb' cha.

Chuj San Mateo Bible

⁸ Ix javi jun vin̈ checab' d'a vin̈aj Jehú chi', ix yalan vin̈: —Toxo ix ic'chajcot sjolom eb' yin̈tilal vin̈ rey, xchi vin̈. Ix yalan vin̈aj Jehú chi': —Chab' juyan̈ tzeyutejcan d'a sti' chon̈ab' tic. Ata' scani masanto q'uic'an, xchi vin̈.

A Ch'an̈ Schab'il Libro Yic Yab'ixal Eb' Rey 10:8 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:14

Xlajw scham winac, 'ix ya'n eb' alxoc 'a 'ix Jezabel, to a Nabot 'ix julq'uenaxi, 'ix chami, xchi 'at eb' 'a 'ix.

A Ch'an̈ Schab'il Libro Yic Yab'ixal Eb' Rey 10:7

A yic schan eb' 'ichm winc chi junx ch'an̈ carta cha, 'ix syamn ewin eb' yunnal win Acab cha, 'ix smiln cham ewin eb'. Xlajw cha, 'ix ya'n 'ejm ewin sjolm eb' chi 'a yol jun tzo'n̈ xu'uc, 'ix 'at ya'nc 'ajxoc can eb' 'a Jehú 'a Jezreel.

A Ch'an̈ Schab'il Libro Yic Yab'ixal Eb' Rey 10:9

Ax 'a junx c'u, 'ix 'elt Jehú, 'ix 'och lin̈n 'a sti puerta cha, 'ix yaln 'a smasnil eb' chon̈b' 'ixtic: —Ax tic may e mul. An xin mil cham qui reyal, yuj wi'n 'el 'a yopiso; palta ¿mach 'ix miln cham smasnil jun tzo'n̈ eb' tic?

Mr 6:28

'Ix 'at jun soldado chi 'a te preso 'at stzu'l sjolm Juan. Xlajw cha, xyi'n cot 'a yol jun plato. 'Ix ya'n win 'a 'ix, ax 'ix x'a'n 'a snun cha.

Dt 21:23

a sniwnal jun 'anma cha, matz tac' scan junc 'ac'wl 'a 'aj 'ayc' cha. Yowlal tzmucx 'a jun c'u cha, sec matz eyixtj 'el lum lum 'oj yac' Jehová eyico'oc, yujto a junc 'anma tzq'ue t'un̈n 'a spenc te', tzcatb'tzax can yuj Dios.