A Ch'an̈ Schab'il Libro Yic Yab'ixal Eb' Rey 10:6 - Chuj San Sebastian Bible

⁶ 'Ix stz'ib'n pax 'at Jehú junx ch'an̈ carta 'a scha'ejmal. 'Ix yaln 'at 'ixtic: Toto tze nib'j tzex 'och wet'oc, ax eyiclni tas 'oj wala', to 'ixta', tzeyij cot sjolm eb' yunnal jun eyajlil chi 'ayn 'a Jezreel tic, 'a 'icha hora tic q'uic'an, xchi. Ax eb' 70 yunnal win rey cha, jun yaj eb' yet' eb' yichm wincal chon̈b' cha, atn eb' 'ix q'uib'tzan eb'.

Chuj San Mateo Bible

⁶ Ix stz'ib'anxib'at junxo carta vin̈aj Jehú chi' d'a eb', ix yalan vin̈: Tato tze nib'ej tzex och ved'oc, ol e c'anab'ajan tas svala', a q'uic'an tzeyic'cot sjolom eb' yin̈tilal vin̈ eyajalil chi', tzex javi d'ayin d'a Jezreel tic, xchib'at vin̈ d'a eb'. A eb' 70 yin̈tilalcan vin̈ rey chi', junn̈ej yaj eb' yed' eb' yichamtac vinaquil chon̈ab' ix ilan q'uib' eb' d'a Samaria chi'.

A Ch'an̈ Schab'il Libro Yic Yab'ixal Eb' Rey 10:6 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 10:5

Ax jun smayltoma win rey 'a sdespacho, yet' jun sgobernadoral chon̈b' cha, yet' eb' yichm wincal chon̈ab', yet' pax eb' yilmal eb' yunnal Acab, 'ix 'at ya'nc eb' alxc 'a Jehú 'ixtic: An̈ tic on̈ a checb' caj on̈; 'oj qui b'o smasnil tas 'oj ala', palta may junc 'oj qui si'ch reyal. B'o tas 'icha tza nib'ej, xchi eb'.

A Ch'an̈ Schab'il Libro Yic Yab'ixal Eb' Rey 10:7

A yic schan eb' 'ichm winc chi junx ch'an̈ carta cha, 'ix syamn ewin eb' yunnal win Acab cha, 'ix smiln cham ewin eb'. Xlajw cha, 'ix ya'n 'ejm ewin sjolm eb' chi 'a yol jun tzo'n̈ xu'uc, 'ix 'at ya'nc 'ajxoc can eb' 'a Jehú 'a Jezreel.

A Ch'an̈ Schab'il Libro Yic Yab'ixal Eb' Rey 10:9

Ax 'a junx c'u, 'ix 'elt Jehú, 'ix 'och lin̈n 'a sti puerta cha, 'ix yaln 'a smasnil eb' chon̈b' 'ixtic: —Ax tic may e mul. An xin mil cham qui reyal, yuj wi'n 'el 'a yopiso; palta ¿mach 'ix miln cham smasnil jun tzo'n̈ eb' tic?

A Ch'an̈ Schab'il Libro Yic Yab'ixal Eb' Rey 9:32

'Ix q'ue q'ueln Jehú 'a jun ventnu cha, 'ix yaln q'ue 'ixtic: —¿Mach 'aych wet'oc? xchi winac. 'Ay chawn̈ 'oxwn̈ eb' 'ay yopiso 'a yatut 'ix, 'ix 'elt t'an̈n eb',

Job 21:19

'Ay mach tzalni, to at eb' 'unnab'il tztojn lajwc smul smam yuj Dios. Palta an tic, tzwala to a eb' maysch'olnil tzyutj sb'a, a eb' smoj stojn lajwc smul cha, sec tznachj 'el yuj eb' to yuj smul eb' 'ixta tz'aj eb'.

Nm 25:4

'Ix yaln Jehová 'a Moisés 'ixtic: —Yamb'tzej smasnil eb' yichm wincal chon̈b' Israel tic, 'a in sat yet' wal 'a sat eb' 'anma tic, tza t'un̈n q'ue eb' x'och smul tic, xchi Jehová.

Mt 12:30

A mach man̈ 'ayc 'och wet'oc, 'ajc'ojl yajch 'ayin. Ax mach matz molb'tzan eb' 'anma wet'oc, a tz'a'n sactzic eb'.

Lc 9:50

Xyaln Jesús 'ixtc 'a 'a: —Matz tac' e tenn 'och wan winac, yujto a eb' matz chichn 'och 'ayn̈ec, wach' yaj eb' quet'ec, xchi 'a 'a.

Dt 5:9

Man̈ eyac' 'ejm e b'a 'a 'a, man̈ eyal e b'a 'a a', yujto an Jehová e Diosal in, caw tzcot wowl 'ayex, toto tzeyac' 'ejm e b'a 'a jun tzo'n̈ cha. A eb' mamb'il to may wel'ch 'a sat, 'oj wac' syailal eb' yet' 'a eb' 'unnab'il, eb' 'ichicnab'il yet' 'a eb' schab'l 'ichicnab'il.