A Ch'an̈ Schab'il Libro Yic Yab'ixal Eb' Rey 10:5 - Chuj San Sebastian Bible

⁵ Ax jun smayltoma win rey 'a sdespacho, yet' jun sgobernadoral chon̈b' cha, yet' eb' yichm wincal chon̈ab', yet' pax eb' yilmal eb' yunnal Acab, 'ix 'at ya'nc eb' alxc 'a Jehú 'ixtic: An̈ tic on̈ a checb' caj on̈; 'oj qui b'o smasnil tas 'oj ala', palta may junc 'oj qui si'ch reyal. B'o tas 'icha tza nib'ej, xchi eb'.

Chuj San Mateo Bible

⁵ Axo vin̈ tz'ilan spalacio vin̈ rey chi' yed' vin̈ sgobernadoral chon̈ab' chi', masanil eb' yichamtac vinaquil chon̈ab' yed' pax eb' ix ilan q'uib' eb' yuninal vin̈aj Acab chi', ix yalb'at eb' d'a vin̈aj Jehú chi': A on̈ tic ayon̈ ec' d'a yol a c'ab'. Masanil tas ol ala' ol co c'anab'ajej, man̈ ol cac'ochlaj junocxo co reyal. Ujocab' icha tas vach' tz'aj a naani, xchib'at eb'.

A Ch'an̈ Schab'il Libro Yic Yab'ixal Eb' Rey 10:5 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 20:32

'Ix ya'n 'och eb' spichl n̈achtac sat cha, sut'n 'och eb' lasu 'a sjaj, 'ix 'at sch'oxnc sb'a eb' 'a yojltac win sreyl Israel, xyaln eb' 'ixtc 'a winac: —A win a checb' Ben-adad pitzn winac, tzwul yac' win cal 'ayach, comnoc tzac' niwnc'ojlal 'ayn̈ yet' winac, xchi eb'. Xta'w win Acab 'a eb' 'ixtic: —¿Tom pitzn to win jun? A 'a in sat an tic, 'icha wal wu'tac yaji, xchi 'a eb'.

A Ch'an̈ B'ab'el Libro Yic Yab'ixal Eb' Rey 20:4

'Ix ta'w win rey Acab 'ixtc 'a winac: Mamin rey b'o cab' 'icha tzal cha, smasnil tas 'ay 'ayin, ec waj yet'oc, xchi.

A Ch'an̈ Schab'il Libro Yic Yab'ixal Eb' Rey 10:6

'Ix stz'ib'n pax 'at Jehú junx ch'an̈ carta 'a scha'ejmal. 'Ix yaln 'at 'ixtic: Toto tze nib'j tzex 'och wet'oc, ax eyiclni tas 'oj wala', to 'ixta', tzeyij cot sjolm eb' yunnal jun eyajlil chi 'ayn 'a Jezreel tic, 'a 'icha hora tic q'uic'an, xchi. Ax eb' 70 yunnal win rey cha, jun yaj eb' yet' eb' yichm wincal chon̈b' cha, atn eb' 'ix q'uib'tzan eb'.

A Ch'an̈ Schab'il Libro Yic Yab'ixal Eb' Rey 18:14

Xlajw cha, 'ix ya'n Ezequías alxc 'a sreyl chon̈b' Asiria 'ay 'a Laquis, xyaln 'ixtic: Caw 'ix 'och in mul 'ayach. 'Ij 'el a b'a 'a yol in nacion̈ tic, ax ca'n q'uen tojlb'al 'aych 'a quib'n̈ o'oj, xchi. Ax win sreyl Asiria 'ix ya'ch 225 quintal q'uen tumn plata, yet' 23 quintal q'uen oro tojlb'al-l 'a yib'n̈ Ezequías yet' eb' yit chon̈ab'.

Jeremías 27:17

Yuj cha, man̈ e cha eyab'i'. 'A'c 'och e b'a 'a yaln̈ schecnb'il win sreyl Babilonia cha, sec ma'oj e chami. ¿Tas wal yuj jun b'uln̈ 'oj 'aj slan̈chj can 'ejm jun chon̈b' tic?

Nm 11:12

¿Tom mamb'il mto nunb'il waj 'a eb', yuj cha, tzalni to tzin mec' eb' 'icha junc tz'ulc 'unin, tz'at wa'nc can eb' 'a sat lum lum alb'il can oj 'a eb' qui mam quichm on̈?

Jn 12:26

Toto 'ay mach tznib'j tzin 'a'n servil, yowlal tzb'eylb'ej in b'eyb'al tic. A eb' tzin 'a'n servil cha, 'oj 'aj eb' wet' 'a 'aj 'ayn 'eq'ui. Toto 'ay eb' tzin 'a'n servil, ax in Mam 'oj 'a'nc spac 'a eb', caw niwn yel'ch 'oj 'aj 'a sat.

Josué 9:11

Yuj cha, ax eb' qui yajlil on̈ yet' eb' quit chon̈b' on̈, xyal eb' 'ayn̈ 'ixtc on̈: 'Ijec tas tze c'ux 'a yol b'e, tz'at e saync eyil eb' israel 'aj 'ay eb', tzeyaln 'a eb' 'ixtic: An̈ tic on̈, tzyaln̈j qui c'ojl tzon̈ 'och e checb'oc, tzqui nib'j tzqui b'oc jun qui trato, xe chi 'a eb', xchi eb' 'ayn̈ on̈.

Josué 9:8

—An̈ tic on̈, tzyaln̈j qui c'ojl tzon̈ 'och e checb'oc, xchi eb' 'a Josué. —¿Mach 'ayx yic ax tic? ¿'ajtil tzex coti? xchi Josué chi 'a eb'.