A Ch'an̈ Schab'il Libro Yic Yab'ixal Eb' Rey 10:30 - Chuj San Sebastian Bible

³⁰ 'Ix yaln Jehová 'a Jehú 'ixtic: Yujto tojl tas 'ix a b'o 'a wojltac, 'ix a yiclj a satn 'el eb' yin̈tl Acab, 'icha wal yaj in nani, yuj cha, a eb' en̈til, 'oj 'ochn̈j eb' reyl 'a sdespacho chon̈b' Israel, masnto 'a schan̈ macn̈ 'in̈tal, xchi Dios.

Chuj San Mateo Bible

³⁰ Ix yalan Jehová d'a vin̈: Yujto tojol tas ix a c'ulej d'a vichan̈, ix a c'anab'ajej a satanel eb' yin̈tilal vin̈aj Acab chi' icha val ix aj valani, a eb' in̈tilal, ol ochn̈ej eb' reyal masanto d'a schan̈il macan̈, xchi d'a vin̈.

A Ch'an̈ Schab'il Libro Yic Yab'ixal Eb' Rey 10:30 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 20:42

'Ix yaln win 'ixtc 'a win rey cha: —'Ixtc wal xyutj Jehová yalni: ¿Tas yuj 'ix a'l win winc 'a libre to 'ayx 'och 'a yol sc'ab' chaml wu'uj? Ax ticnec, ach 'oj a cham sjelc winac, ax scham eb' a chon̈b' sjelc eb' yic win cha, xchi Jehová, xchi winac.

A Ch'an̈ B'ab'el Libro Yic Yab'ixal Eb' Rey 21:22

'Icha wal wutjnac in satn 'el yin̈tl win Jeroboam, win yunnal Nabat yet' pax eb' yin̈tl win Baasa, yunnal Ahías, 'ixta wal 'oj wutc in satn 'el en̈til, yujto 'ix a tzuntzj cot yowl in c'ojl yuj tas xa b'o'o. 'Ix a jucb'tzej eb' etchon̈b' 'a maysch'olnil, xchi Dios.

A Ch'an̈ B'ab'el Libro Yic Yab'ixal Eb' Rey 21:29

—¿Tzam ela tas tzyutj win Acab yi'n 'ejm sb'a 'ayin? Yujto xyij 'ejm sb'a win 'ayin, ma'oj wa' cot yailal 'a yib'n̈ winac yic pitzn to. At 'a yic 'aych junc yunnal chi reyl sjeloc, ata 'oj jawc cusc'ojlal wuj 'a yib'n̈ smasnil eb' yin̈til, xchi Jehová 'a Elías.

A Ch'an̈ Schab'il Libro Yic Yab'ixal Eb' Rey 10:35

A Jehú 28 ab'il 'ix yac' reyl 'a yib'n̈ eb' yit israelal 'a chon̈b' Samaria. Ax yic xcham winac, ata 'ix mucxi, ax jun yunnal tzcuch Joacaz, a 'ix 'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 13:1

A yic 'oxeschawinc ab'il xo yoch Joás, yunnal Ocozías reyl 'a Judá, 'ix schan 'el Joacaz yunnal Jehú ya'n reyl 'a chon̈b' Israel; uclajn̈e ab'il 'ix yac' reyl 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 13:10

A yic 37 ab'il xo yoch Joás reyl 'a Judá, 'ix 'och jun yunnal Joacaz reyl 'a chon̈b' Israel Joás pax sb'i, waclajn̈e ab'il 'ix yac' reyl 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 14:23

A yic olajn̈e xo ab'il yoch Amasías reyl 'a Judá, atn win yunnal Joás, a 'a jun tiempoal cha, 'ix schan 'el yich junx win Jeroboam ya'n reyl 'a chon̈b' Israel, atn win yunnal junx win Joás. 41 ab'il 'ix yac' reyl 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 14:29

A yic 'ix cham Jeroboam, ata 'ix mucx 'a 'aj mucn eb' smam yicham, atn 'aj mucn eb' ya'jnac reyl 'a chon̈b' Israel. Xlajw cha, ax jun yunnal tzuch Zacarías, a 'ix 'ochcn reyl sjeloc.

Os 1:4

'Ix yaln Jehová 'ayn 'ixtic: Jezreel tzac' sb'ic win 'unn tic, yujto yic wal jaye c'u, ax wa'n 'och yailal 'a yib'n̈ eb' yin̈tl win rey Jehú, yujto til wal 'anma smil cham 'a chon̈b' Jezreel, an̈jtona', 'oj wac' lajwc chon̈b' Israel.

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.