A Ch'an̈ Schab'il Libro Yic Yab'ixal Eb' Rey 10:11 - Chuj San Sebastian Bible

¹¹ Xlajw cha, 'ix swach' miln cham Jehú jaywn̈ xo eb' yin̈tl Acab 'a Jezreel cha, eb' niwn yel'chi, eb' to caw swach'c'ojl sb'a yet'oc, yet' eb' 'aych ya'malc 'och sti eb' 'a sdioal yu'uj, man̈x 'a junc eb' xcan 'a spitznal.

Chuj San Mateo Bible

¹¹ A vin̈aj Jehú chi', ix smilcham juntzan̈ sc'ab' yoc vin̈aj Acab chi' vin̈ d'a Jezreel, aton eb' nivac vinac yaji yed' eb' yamigo vin̈aj Acab chi' yed' eb' yac'nacoch vin̈ sacerdoteal. Man̈xo junoc eb' ix cani.

A Ch'an̈ Schab'il Libro Yic Yab'ixal Eb' Rey 10:11 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 14:10

Yuj cha, 'oj wa' cot yailal 'a eb'n̈ yet' eb' en̈til. 'Oj in satl smasnil eb' winc 'a scal eb' et israelal, wach'xam moso man̈ yico'oc sb'a, wach'xam mun yic sb'a. Caw 'oj in satl eb' smasnil, 'icha wal tz'aj smesx 'el stza no cajb'en noc' 'a yet'ul, masnto tzlajw 'el smasnil.

A Ch'an̈ B'ab'el Libro Yic Yab'ixal Eb' Rey 15:29

Cojn wal yic x'och win 'a yopiso cha, 'ix syamn 'och win smiln smasnil eb' yin̈tl Jeroboam, c'uxn xcham eb' smasnil, man̈x 'a xon wal junc yin̈tl xcani, masnto xlajw 'el eb' 'icha yaj yaln can Jehová 'a jun schecb' tzcuch Ahías cajn 'a Silo.

A Ch'an̈ B'ab'el Libro Yic Yab'ixal Eb' Rey 16:11

Cojn wal xq'ue'ch win Zimri chi reyal, 'ix syamn 'och win smiln cham eb' yunnal Baasa yet' eb' yican. C'uxn xcham eb' smasnil, man̈x 'a xon junc winc chi xcani, mto junc swach'c'ojl tztac' spacn sb'a 'a 'a.

A Ch'an̈ B'ab'el Libro Yic Yab'ixal Eb' Rey 18:19

A ticnec, checb't yi'mal cot smasnil eb' quit israelal, yet' eb' 450 schecb' Baal, yet' pax chan̈e ciente eb' schecb' Asera, atn eb' tz'ajx wa yuj 'ix Jezabel. Al 'a eb' to ata tzin chaj in b'a yet' eb' 'a lum jolm witz Carmelo, xchi Elías 'a Acab cha.

A Ch'an̈ B'ab'el Libro Yic Yab'ixal Eb' Rey 18:40

Yuj cha, xyaln Elías 'ixtic: —Yamc ewin schecb' Baal, may cab' junc eb' tz'atcn 'eloc, xchi. 'Ix yamchj eb' yuj eb' 'anma cha, ax Elías 'ix 'a'n 'ijxoc 'at eb' 'a sti a niwn a Cisón, axta xmilx cham eb'.

A Ch'an̈ B'ab'el Libro Yic Yab'ixal Eb' Rey 21:22

'Icha wal wutjnac in satn 'el yin̈tl win Jeroboam, win yunnal Nabat yet' pax eb' yin̈tl win Baasa, yunnal Ahías, 'ixta wal 'oj wutc in satn 'el en̈til, yujto 'ix a tzuntzj cot yowl in c'ojl yuj tas xa b'o'o. 'Ix a jucb'tzej eb' etchon̈b' 'a maysch'olnil, xchi Dios.

A Ch'an̈ B'ab'el Libro Yic Yab'ixal Eb' Rey 21:29

—¿Tzam ela tas tzyutj win Acab yi'n 'ejm sb'a 'ayin? Yujto xyij 'ejm sb'a win 'ayin, ma'oj wa' cot yailal 'a yib'n̈ winac yic pitzn to. At 'a yic 'aych junc yunnal chi reyl sjeloc, ata 'oj jawc cusc'ojlal wuj 'a yib'n̈ smasnil eb' yin̈til, xchi Jehová 'a Elías.

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

A Ch'an̈ Schab'il Libro Yic Yab'ixal Eb' Rey 10:12

Xlajw cha, 'ix 'at Jehú 'a chon̈b' Samaria. A yic 'aych 'a yol b'e, 'ix c'och 'a jun n̈a 'aj tzjoxx no calnelu yuj eb' 'ilm calnelu.

A Ch'an̈ Schab'il Libro Yic Yab'ixal Eb' Rey 23:20

'Ix ya'n pax win milxoc cham smasnil jun tzo'n̈ eb' ya'mal 'och sti eb' 'anma 'a scomn diosal 'a yib'n̈ jun tzo'n̈ yet'l xajmb'al cha. 'Ix ya'n win n̈usxoc sb'acl eb' chamnc 'anma 'a yib'n̈ jun tzo'n̈ cha. Xlajw cha, 'ix paxt 'a Jerusalén.

A Ch'an̈ Schab'il Libro Yic Yab'ixal Eb' Rey 9:7

Ach 'oj a satl smasnil eb' yin̈tl ajlil Acab. 'Ixtnta 'oj wutc wa'n spac schamlil eb' in checab', yet' eb' yalmal 'el in paxti; yujto 'elnc schic'l eb' yuj 'ix Jezabel.

A Ch'an̈ Schab'il Libro Yic Yab'ixal Eb' Rey 9:9

'Ixtc 'oj wutc yin̈tl Acab 'icha wutjnac yin̈tl Jeroboam yunnal Nabat, 'icha pax wutjnac yic Baasa yunnal Ahías.

2 Cr 22:7

Palta tox 'ix sna Dios, to a yic 'oj 'at Ocozías 'at yil Joram, ax schami. At wal sc'och cha, 'ix 'elt yet' Joram, yic tzwul schanoc eb' Jehú, yunnal Nimsi. Palta tox 'ix si'l Jehová Jehú, yic tzsatn 'el smasnil eb' yin̈tl Acab.

2 Cr 22:8

A yic wan smiln cham Jehú eb' yin̈tl Acab, 'ix 'ilchj eb' yajl yaj 'a Judá, yet' eb' yunnal eb' yican Ocozías, atn eb' ajun yet'oc, 'ix smiln pax cham Jehú eb'.

Job 18:19

Man̈x 'a yin̈tl 'oj can 'a scal eb' yit chon̈ab', man̈x 'a junc yin̈tl chi 'oj can sjelc 'a yatut cha.

Salmos 109:13

Sat cab' 'el yin̈tl 'a jun 'ejmn̈ej, man̈x 'a cab' b'a'n̈ tzalb'tan̈x sb'i.

Salmos 125:5

Palta ax eb' tz'atcn 'a scal tu b'eyb'al, 'at cab' can eb' yet' eb' maysch'olnil sb'eyb'al chi 'a scal yailal. ¡'Ay cab' junc'ojlal 'a qui calc an̈ israel on̈c tic!

Pr 13:20

Toto jun tzon̈ 'e'c yet' eb' wach' snab'en, caw 'oj qui jelnb'iec; ax toto a yet' eb' tu snab'en tzon̈ 'eq'uec, 'oj qui satc 'eli.

Os 1:4

'Ix yaln Jehová 'ayn 'ixtic: Jezreel tzac' sb'ic win 'unn tic, yujto yic wal jaye c'u, ax wa'n 'och yailal 'a yib'n̈ eb' yin̈tl win rey Jehú, yujto til wal 'anma smil cham 'a chon̈b' Jezreel, an̈jtona', 'oj wac' lajwc chon̈b' Israel.

Josué 10:30

'Ix 'ajx jun chon̈b' chi yet' sreyl 'a yol sc'ab' eb' soldado israel yuj Jehová. Man̈x 'a junc mach pitzn xcan 'a jun chon̈b' cha. 'Icha wal 'ajnc win sreyl Jericó yuj eb', 'ixta 'ix yutj eb' win sreyl Libna cha.

Josué 11:8

Ax Jehová x'a'n 'och eb' 'a yol sc'ab' eb' israel, yuj cha, xlaj cham eb' yuj eb'. 'Ix 'och tza'n eb' israel chi yuj eb', masnto 'a niwquil chon̈b' Sidón, yet' 'a Misrefot-maim, 'a stojlal 'aj tzq'uel c'u, masnto 'a lum ya'lical Mizpa. Man̈x xon junc xcan ta', c'uxn xcham eb' 'anma chi smasnil.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.

Apoc 20:10

Ax win diablo, win 'ix 'ixtn paxti eb' cha, 'oj julx can 'at 'a scal jun niwquil c'ac' tzn̈ilchji, caln yaj yet' azufre, 'icha pama', atn 'aj julb'il can 'at jun noc' sb'i, yet' jun cob' yaljnac 'och sb'a schecb'oc Dios. Sc'ual yac'wlil 'oj yab' eb' syal ta 'a smasnil tiempo.