A Ch'an̈ Schab'il Libro Yic Yab'ixal Eb' Rey 10:1 - Chuj San Sebastian Bible

¹ 'Ay 70 eb' yunnal Acab 'aycn 'a chon̈b' Samaria; 'ix stz'ib'j 'at Jehú jun sb'ab'l carta 'a eb' syajlil chon̈b' cha, yet' pax 'a eb' yichm wincal chon̈ab', yet' pax 'a eb' yilmal eb' yunnal Acab. 'Ix yaln 'at 'a ch'an̈ carta chi 'ixtic:

Chuj San Mateo Bible

¹ A d'a Samaria, ay 70 eb' vin̈ yin̈tilal vin̈aj Acab. Yuj chi' ix stz'ib'ejb'at jun carta vin̈aj Jehú d'a eb' vin̈ yichamtac vinaquil chon̈ab' yed' d'a eb' vin̈ yilumal eb' vin̈ yin̈tilal vin̈aj Acab chi'. Ix yalan vin̈ d'a scarta chi' icha tic:

A Ch'an̈ Schab'il Libro Yic Yab'ixal Eb' Rey 10:1 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 13:32

Yujto caw 'oj 'el'choc tas 'ix yac' Jehová yalcn win 'a jun yet'l xajmb'al 'ay 'a Betel, yet' 'a smasnil jun tzo'n̈ n̈a yic sdiosal eb' 'anma 'ay 'a jolmctac witz 'a yol yic Samaria, xchi.

A Ch'an̈ B'ab'el Libro Yic Yab'ixal Eb' Rey 16:24

Xlajw cha, 'ix smann win jun lum tzaln 'a win Semer sb'i. 136 libra q'uen plata xyac' win stojloc lu'um, ax 'a lum tzaln cha, ata 'ix yac' win b'o jun chon̈ab', ata 'ix yac' reyl junx waque ab'il. 'Ix ya'n sb'ic Samaria, yujto Semer sb'i win 'ay yic lum 'a yic mantzac chon̈x lu'um.

A Ch'an̈ B'ab'el Libro Yic Yab'ixal Eb' Rey 16:28

Ax yic xcham winac, ata xmucx win 'a chon̈b' Samaria. Ax jun yunnal tzcuch Acab, a 'ix 'ochx can reyl sjeloc.

A Ch'an̈ B'ab'el Libro Yic Yab'ixal Eb' Rey 21:29

—¿Tzam ela tas tzyutj win Acab yi'n 'ejm sb'a 'ayin? Yujto xyij 'ejm sb'a win 'ayin, ma'oj wa' cot yailal 'a yib'n̈ winac yic pitzn to. At 'a yic 'aych junc yunnal chi reyl sjeloc, ata 'oj jawc cusc'ojlal wuj 'a yib'n̈ smasnil eb' yin̈til, xchi Jehová 'a Elías.

A Ch'an̈ Schab'il Libro Yic Yab'ixal Eb' Rey 5:3

'Ix yaln 'ix cob's 'unn chi 'a 'ix spatron̈ chi 'ixtic: —Comnoc tz'at win in patron̈ tic 'a jun win schecb' Dios 'ayc' 'a Samaria, toq'ue tzb'o jun lepra 'aych 'a win tic, xchi 'ix.

2 Cr 22:9

'Ix ya'n sayxc 'ec' Ocozías, yujto 'ix sc'ub'j 'el sb'a 'a Samaria, ax x'aji 'ix yamchj yuj eb'. Xyi'n 'at eb' 'a Jehú, axta xmilx chamoc. Palta xmucx yuj eb', yujto sna eb' to yin̈tl Josafat winac, win x'a'n servil Jehová 'a smasnil sc'ojol. Ax 'a scal eb' yin̈tl Ocozías, man̈x 'a junc eb' ste'wtzej sb'a yochcn reyal.

Os 1:4

'Ix yaln Jehová 'ayn 'ixtic: Jezreel tzac' sb'ic win 'unn tic, yujto yic wal jaye c'u, ax wa'n 'och yailal 'a yib'n̈ eb' yin̈tl win rey Jehú, yujto til wal 'anma smil cham 'a chon̈b' Jezreel, an̈jtona', 'oj wac' lajwc chon̈b' Israel.

Nm 11:12

¿Tom mamb'il mto nunb'il waj 'a eb', yuj cha, tzalni to tzin mec' eb' 'icha junc tz'ulc 'unin, tz'at wa'nc can eb' 'a sat lum lum alb'il can oj 'a eb' qui mam quichm on̈?

Dt 16:18

Tzeya'ch eb' juez yet' eb' yajl 'a junjn chon̈b' 'oj yac' Jehová Dios 'a junjn 'in̈tal, sec a eb' tzb'onyaj eb' 'anma 'a stojlal.

Jueces 10:4

A win Jair cha, 'ay lajn̈schawinc yunnal. A eb' yunnal win cha, 'ayn̈j sb'uru junjn eb', yib'n̈ b'uru chi tz'ec' eb'. 'Ay pax junjn schon̈b' eb' 'a yol yic Galaad cha. A lajn̈schawinc chon̈b' cha, an̈ja yalx yuj eb' 'ixtic: A Eb' Lum Schon̈b' Can Jair, xchi.

Jueces 12:14

A win cha, 'ay chawinc yunnal, 30 yixchiquin. 'Ay sb'uru junjn eb', yib'n̈ b'uru chi tz'ec' eb'. Wajxque ab'il 'ix yac' win yajlil.

Jueces 8:30

Til wal yunnal win x'elcni. 'Ay 70 eb' 'a smasnil, yujto niwn eb' 'ix 'ix yijnac winac.