A Ch'an̈ Schab'il Libro Yic Yab'ixal Eb' Rey 1:17 - Chuj San Sebastian Bible

¹⁷ Ax x'aji, 'ix cham win rey, 'icha 'ix yutj yaln Elías yuj Jehová. Yujto may xon junc yunnal, yuj cha, a jun yu'tac tzcuch Joram, a 'ix 'ochcn reyl sjeloc, atn 'a yic schab'l xo ab'il yoch Joram yunnal Josafat reyl 'a Judá.

Chuj San Mateo Bible

¹⁷ Icha chi' ix aji, ix cham vin̈ rey chi', icha tas ix schec Jehová yal vin̈aj Elías chi'. Yujto malaj junoc yuninal vin̈aj Ocozías chi', yuj chi' a jun vin̈ yuc'tac vin̈ scuchan Joram, a vin̈ ix ochcan reyal sq'uexuloc, aton yic schab'ilxo ab'il yoch junxo vin̈aj Joram yuninal vin̈aj Josafat reyal d'a Judá.

A Ch'an̈ Schab'il Libro Yic Yab'ixal Eb' Rey 1:17 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 17:16

A 'ixm harina cha, may x'aj 'ixm slajwi, 'ixta pax jun aceite cha, ma'ix lajwi. 'Ix 'el'ch 'icha wal xyutj Jehová yaln 'a Elías.

A Ch'an̈ B'ab'el Libro Yic Yab'ixal Eb' Rey 22:38

'Ix sb'icn ewin scaruaje win rey chi 'a jun a pama b'ob'il 'a Samaria cha, atn 'a 'aj tz'achn eb' 'ix 'ajmul 'ix. Ax e no tz'i', a e no xle'n schic'l win cha, 'ix 'el'ch 'icha wal xyutj Jehová yalni.

A Ch'an̈ B'ab'el Libro Yic Yab'ixal Eb' Rey 22:42

'Ayx 35 ab'il xo sq'uinl winac, yic yoch win reyl cha. 25 ab'il 'ix yac' win reyl 'a Jerusalén. Azuba sb'i 'ix snun winac, yisl jun win tzcuch Silhi.

A Ch'an̈ B'ab'el Libro Yic Yab'ixal Eb' Rey 22:51

A win Ocozías 'elnc yich yoch reyl 'a yib'n̈ chon̈b' Israel 'a yic yuclajn̈il ab'il yoch win Josafat reyl 'a Judá. Ata 'ix can cajn win 'a chon̈b' Samaria, chab' wal ab'il 'ix yac' win reyal.

A Ch'an̈ Schab'il Libro Yic Yab'ixal Eb' Rey 1:18

A jab'x yab'xil win rey Ocozías yet' smasnil tas 'ix 'el sb'oni, ata tz'ib'b'il 'a ch'an̈ libro 'a 'aj tz'ib'b'il yab'xil eb' sreyl chon̈b' Israel.

A Ch'an̈ Schab'il Libro Yic Yab'ixal Eb' Rey 10:17

A yic 'ix 'och 'a yol chon̈b' Samaria, 'ix smiln cham Jehú smasnil eb' yin̈tl Acab, atn eb' 'ix can to 'a spitznal. 'Ix satl eb' smasnil, 'icha yutjnac Elías yaln can yuj Jehová.

A Ch'an̈ Schab'il Libro Yic Yab'ixal Eb' Rey 3:1

A yic swajxclajn̈il ab'il xo yoch Josafat reyl 'a Judá, 'ix chan 'el Joram yunnal Acab ya'n reyl 'a chon̈b' Israel, lajchwe ab'il 'ix yac' reyl 'a Samaria.

A Ch'an̈ Schab'il Libro Yic Yab'ixal Eb' Rey 9:36

Xlajw cha, 'ix meltzj eb' wul yal 'a Jehú, yuj cha, 'ix yaln Jehú 'ixtic: —Toxn yaljnac can Elías win schecb' Dios 'aj Tisbe, chajtlto a no tz'i 'oj chinc 'ejm sniwnal Jezabel 'a yol yic Jezreel.

2 Cr 17:1

Ax Josafat, yunnal Asa cha, a x'ochcn reyl sjeloc, caw te'n 'ix yutj scoln sb'a 'a chon̈b' Israel.

Dt 34:5

Yuj cha, a win Moisés schecb' Dios, ata chamnc can win 'a yol yic lum Moab, 'icha wal yutjnac Jehová yaln 'a winac.