A Ch'an̈ Schab'il Libro Yic Yab'ixal Eb' Rey 1:11 - Chuj San Sebastian Bible

¹¹ Xlajw cha, 'ix schecn pax 'at win rey chi junx scapitan̈ yet' junx 50 soldado. 'Ix 'at yalnc 'a Elías 'ixtic: —Ach schecb' Dios, tolab' tzach pax 'ejm muc'uc, xchi win rey, xchi.

Chuj San Mateo Bible

¹¹ Ix lajvi chi' ix schecanxib'at junxo vin̈ capitán vin̈ rey chi' yed' 50-xo eb' vin̈ soldado, ix b'at yalan eb' vin̈ d'a vin̈aj Elías chi': —Ach schecab' Dios, eman̈cot d'a elan̈chamel yal vin̈ rey, xchi vin̈ capitán chi'.

A Ch'an̈ Schab'il Libro Yic Yab'ixal Eb' Rey 1:11 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 1:10

'Ix ta'w Elías 'ixtic: —Toto schecb' in Dios an tic, cot cab' c'ac' 'a satcha'an̈, ax a tz'a yet' 50 a soldado tic, xchi. Yajn̈ej 'ix cot c'ac' 'a satcha'an̈, 'ix tz'a win capitan̈ yet' eb' 50 soldado cha.

A Ch'an̈ Schab'il Libro Yic Yab'ixal Eb' Rey 1:12

'Ix ta'w Elías 'ixtc 'a 'a: —Toto schecb' in Dios an tic, cot cab' c'ac' 'a satcha'an̈, ax a tz'a yet' 50 a soldado tic, xchi. 'Ix tz'a win capitan̈ yet' eb' 50 soldado cha.

Pr 29:12

Q'uinloc a junc yajal tzchaj yab' 'es paxti', ax eb' 'aych yet' 'a yopiso cha, tz'och eb' 'a'm 'esal smasnil.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 32:7

A eb' 'e'nc 'a yib'an̈, tzyij eb' yip 'a tas cuyb'il yuj 'a stu'al, tznan chan̈ eb' tas tu'. Tz'ixtx eb' meb'a yuj eb', tzyac' eb' 'es 'a eb', tzyixtn paxti eb' junc mach to tznib'j tzb'oyaj sb'a 'a sc'aq'uil.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Nm 16:41

Ax 'a junx c'u, smasnil eb' 'anma', 'ix meltzj 'och eb' 'ajc'ojlal 'a Moisés yet' 'a Aarón, 'ix laj yalnc eb' 'a eb' 'ixtic: —Ax tic, 'in to 'ipn e satn 'el eb' schon̈b' Jehová, xchi eb'.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

A Ch'an̈ B'ab'el Libro Samuel 6:9

Si'mb'il wal tzeyila: Toto tojln̈ej s'at e no yet' te caruaje chi 'a sb'el Bet-semes yic tzpax te 'a slu'um, toto 'ixta', a Jehová a 'ixtc tzon̈ 'utnec yet' jun tzo'n̈ yailal tic. Toto ma'ay, tecn man̈oc tz'a'n 'och yailal tic 'a quib'n̈ec, comn yab'il tzon̈ 'ixtnec ama, xchi eb'.