1 Ts 5:12 - Chuj San Sebastian Bible

¹² Ex wu'tac, ex wanab', 'ay eb' tzmunlj 'a e cal yuj Cajlilec, wan ex ya'n cuenta eb', wan swach' 'a'n eb' e nab'enoc. Tzon̈ tew 'at 'ayx on̈, nachj cab' 'el eyu'uj, to 'ay yopiso eb' yuj Dios.

Chuj San Mateo Bible

¹² Tzon̈ tevib'at d'ayex ex vuc'tac yed' ex vanab' yic nivanocab' yelc'och eb' van smunlaj d'a e cal yuj Cajal Jesús d'a e sat, yujto van ex scuchb'an eb', van yecanpax yic Cajal chi' eb' e na'a. Nachajocab'el eyuuj to a Dios ix ac'an yopisio eb' chi'.

1 Ts 5:12 ပူးပေါင်းရင်းမြစ်များ

Lc 10:7

An̈j 'a junc n̈a chi 'aj tzeyac' e posada cha, ata tzex cani. A tas tzc'ux eb', tze c'ux yet' eb', yujto a mach tzmunlji, smoj schan stojol. Matz tac' ton̈j tzex b'eyc' 'a cal n̈a.

Jn 4:38

An tic, ex in checb't munljoc 'a scal eb' 'anma 'icha junc jach'um. Palta man̈oc ex ex b'ab'l munlj 'a scal eb'. Chuc eb' b'ab'l munljnac 'a scal eb' 'icha junc 'awum. Ax xo tic, 'icha to 'oj e jach' smunljel eb' cha, xchi Jesús 'a eb'.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

A Tas Sc'ulejnac Eb' Schecab' Jesús Hechos 20:35

Smasnil tiempo xin ch'ox 'ayex, chajtlto yowlal 'ixta tzcutjec qui b'on qui munljel, sec tztac' tzon̈ colwjec 'a eb' 'ay tas 'ay tz'och yu'uj. Yowlal tzqui nac cot spaxti Cajlil Jesús, yic yaln can 'ixtic: A eb' 'ela', yel xo wal wach' yic eb' 'a yib'n̈ eb' tzchan siylab', xchi. 'Ixta yutjnac yaln can Cajlil, xchi Pablo 'a eb' anciano cha.

Ro 16:12

Tzwa'n pax 'at stzatzl sc'ojl canb' Trifena yet' Trifosa, yujto caw tzmunlj eb' 'a yic Cajlilec. Tzwa'n pax 'at stzatzl sc'ojl canb' Pérsida, chamc'ojlb'il wu'uj, yujto caw niwn xo smunljel 'a Cajlilec.

Ro 16:6

Tzwa'n pax 'at stzatzl sc'ojl María, jun caw xmunlj 'a e cal.

1 Co 12:28

Yuj cha, 'ayn̈ec xyac' Dios copisoec 'a yiglesia. B'ab'el, 'ayn̈ec schecb' Cristo cajec. Schab'il, 'ayn̈ec tz'ajx copisoec caln 'el spaxti Dios. Yoxil, 'ayn̈ec cuywjum on̈ec. An̈jtona' 'ayn̈ec tzqui ch'oxl milagro. 'Ayn̈ec tztac' ca'n b'oxc sc'ojl eb' ya'ay. 'Ayn̈ec tztac' tzon̈ colwji. 'Ayn̈ec tzon̈ 'a'w cuenta. 'Ayn̈ec pax tztac' tzon̈ paxtinec 'a jun tzo'n̈ chucchc ti'al.

1 Co 15:10

Ax ticnec, yujn̈ej swach'c'ojlal Dios, 'ixtc waj ticnec. Palta man̈ nab'an̈ejoc 'ix sch'ox swach'c'ojlal tic 'ayin, yujto 'ec'b'al in munlj 'a yib'n̈ eb' witb'eym chi smasnil. Palta man̈oc in tzin munlj in ch'ocoj. A Dios tzmunlj wet' yuj swach'c'ojlal.

1 Co 16:16

Tzin tew wal 'ayex, to tzeyiclj tas tzyal eb'. Tzeyiclj pax jantcn̈ej eb' lajn tzyutj sb'a 'icha eb', yujto caw tzcolwj eb', tzmunlj eb' 'a Cajlilec.

1 Co 16:18

'Icha xyutj eb' ya'n sniwnal e c'ojl ta', 'ixta tzyutj eb' ya'n pax sniwnal in c'ojl 'a tic. Comnoc 'ay yel'ch eb' 'a e sat. Toto 'ay jun tzo'n̈ xo eb' 'icha eb' tic, 'ay cab' yel'ch pax eb' 'a e sat.

1 Co 3:9

Yuj cha, an̈ tic on̈, quit munljumal qui b'a ca'n servil Dios on̈. Ax xo tic, 'icha jun tzo'n̈ 'awb'ente', 'ixta 'ex 'a Dios. An̈jtona', 'icha junc n̈a wan sb'o yuj Dios, 'ixta 'ex.

2 Co 11:23

Toto ya'mal servil Cristo eb', an xo tic, yel xo wal tzwac' servil 'a yib'n̈ eb'. A yic tzwaln 'at jun tzo'n̈ tic 'ayex, tzwal ton 'icha junc man̈ nab'enal yaji. Yel xo wal niwn in munlj 'a yib'n̈ eb' cha. Caw niwn 'ejm in ma'x 'a yib'n̈ eb', niwn 'ejm in 'och 'a preso, an̈jtona', niwn 'ejm in cob' 'ajxc 'och 'a yol sc'ab' chamel.

2 Co 5:9

Yuj cha, smasnil tiempo wach'n̈j cab' tzcutjec qui b'a, sec 'oj tzaljoc Cajlilec chi quet'ec, wach'xam 'ayn̈ect 'ec' 'a qui niwnal tic, wach'xam ma'ay, ax sjawi.

2 Co 6:1

An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex.

Gl 4:11

Caw tzin xiwi, toq'ue nab'an̈ej 'ec' munljnacn 'a e cal ta'.

A Scarta San Pablo D'a Eb' Aj Filipos 2:16

Yujto tzeyal-l spaxti Dios 'a scal eb', atn tzaln yuj qui q'uinlec 'ay 'a jun 'ejmn̈ej. Yuj cha, a yic 'oj jawc Cristo, caw 'oj jawc in tzaljc'ojlal eyu'uj, yujto wojtac, man̈ nab'an̈ejoc xwac' 'ip in munlj 'a e cal.

A Scarta San Pablo D'a Eb' Aj Filipos 2:19

Tzin nib'j tzin checb't Timoteo tic 'ayx yic jaye c'u, toto 'ixta tznib'j Cajlil Jesús. Yujto tzin nib'j tzwab'i, tas eyaj ta', sec 'oj jawc in tzaljc'ojlal eyuj 'a tic.

A Scarta San Pablo D'a Eb' Aj Colosas 1:29

Yuj wal jun tzo'n̈ tic, caw tzin munlji. Caw tzwac' 'ip wal 'a smasnil in c'ojol, yujto a Cristo tzyac' spoder 'ayin.

1 Ts 2:9

Ex wu'tac, ex wanab', tecn tze na coti, chajtl 'ec' cutjnac qui munlj 'a e cal on̈. Caw xcac' 'ip qui munlj on̈. Yic 'ec' calnc 'el wach' 'ab'x yic Dios 'ayx on̈, sc'ual yac'wlil munljnacn̈ pax yuj qui gasto on̈. 'Ixta 'e'nc on̈ ta 'on̈, yujto qui nib'jnac on̈, may mach tz'ab'n syal ya'n qui gasto ta 'on̈.

1 Ts 4:1

Ex wu'tac, ex wanab', 'in 'ec' caljnacx 'ayx on̈, to wach' tzeyutj e b'eyb'al, sec tzalj Dios eyet'oc. Al ticnec, tzon̈ tew 'at 'ayx 'a sb'i Cajlil Jesús, tzcham wal caln 'at 'ayx on̈, to tze wach' yiclj jun checnb'il tic si'mb'il.

1 Ts 5:14

Ex wu'tac, ex wanab', tzcham wal caln 'at 'ayx on̈, to tze xib'tj chan̈ eb' matz nib'j sb'o smunljel. Tzeya'n pax sniwnal sc'ojl eb' 'ay scusc'ojlal. Tzeyac' ste'nal eb' mant 'a yip 'a screyenteal. Caw niwn tzeyutj e c'ojl 'a eb' smasnil.

1 Ti 5:1

Man̈ a tumc eb' 'ichmtac winac. 'Ac' snab'enoc eb' 'a 'emmquilal, 'icha tzotj aln junc tas 'a a mam. Yet' pax 'a eb' quelmtac winac, wach'n̈j tzotj aln 'a eb', 'icha tzotj aln 'a junc caw o'tac.

1 Ti 5:20

Toto 'ay mach matz yactj can sb'on maysch'olnil, caw tza tench wan eb' 'a sat eb' creyente smasnil, sec 'oj xiw eb' smasnil yoch smul 'a Dios.

2 Ti 2:6

'Ilt eb' tzmunlj 'a lum lu'um, 'ay yaln eb' yic sb'ab'l yamn jun smunljel cha.

Tito 1:3

A ticnec, 'ix jaw stiempoal ya'n 'ojcaxc 'el spaxti'. Yuj cha, a Dios qui Colmal, a x'a'n wal-l spaxti tic.

Tito 1:5

Cannc ach wuj 'a lugar Creta cha, sec tza wach' b'oj jun tzo'n̈ tas 'ayt sb'o'i. Tza si'n pax 'elt eb' tz'och ancianoal 'a eb' creyente 'a junjn chon̈ab'. Tza sic' 'elt eb' 'icha yaj waln can 'ayach.

Tito 2:15

Caw tzal-l wal jun tzo'n̈ tic 'a scal eb' creyente ta'. Tzac' wal snab'enoc eb'. Caw tza tench wan eb' maysch'olnil sb'eyb'al, yujto atn opiso chi ta'. Caw wach' tzotj a b'a, sec may eb' tztac' yaln o'oj, to may opiso.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

A Ch'an̈ Carta D'a Eb' Hebreo 13:7

Tze na cot eb' laj 'e'nc ex scuyu', eb' laj aljnac 'el spaxti Dios 'ayex. Tze na coti, tas 'ajnc eb' yuj swach' b'eyb'al. 'Icha yutjnac eb' ya'n 'och sc'ojl 'a Dios, 'ixta tzeyutj e b'a jun xo.

Apoc 1:20

'Oj wal 'ayach, tas tzyal 'el'ch uque c'anal 'ix el 'a yol in wach' c'ab', yet' uque yet'l cantil nab'a oro 'ix ela. A uque c'anal, atn eb' in checb' yucwn̈il 'a uque iglesia. Ax uque yet'l cantil, tzyal 'el'chi, atn uque iglesia cha, xchi Jesús.

Apoc 2:12

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Pérgamo: A jun 'ay yespada chab' ye, caw jay, a tzaln 'ayx 'ixtic:

Apoc 2:18

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Tiatira: A Yunnal Dios, 'icha snich c'ac', 'ixta yol sat. Ax yoc, lajn yet' q'uen bronce caw tzictzni yilxi. A tzaln 'ayx 'ixtic:

Apoc 2:3

Caw niwn tzeyutj e c'ojol. Til wal yailal xeyab' syal wu'uj, palta ma'ex tzactzji.

Apoc 2:8

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Esmirna: A jun b'ab'l yaji, slajb' paxi, atn jun xchami, palta xpitzw paxi, a tzaln 'ayx 'ixtic:

Apoc 3:1

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Sardis: A jun 'aych ucwn̈ Yespíritu Dios 'a 'a, atn jun yamb'il uque c'anal yu'uj, a tzaln 'ayx 'ixtic: Wojtac, jantcn̈ej tas tze b'o'o. Wojtac, a 'a sat eb' eyit 'anma'il, caw pitzn ex. Palta ax 'a in sat, chamnc ex xo.

Apoc 3:14

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Laodicea: 'Ay jun caw yel. Caw wach' tzyutj ya'n testigoal sb'a, yujto cojxn yel tzyala. An̈j b'ojnac smasnil tas yet' Dios. A tzaln 'ayx 'ixtic:

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic: