1 Ts 4:8 - Chuj San Sebastian Bible

⁸ Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

Chuj San Mateo Bible

⁸ Tato ay eb' schichonoch sc'ool d'a juntzan̈ checnab'il tic, man̈oc d'a junoc anima schichonoch sc'ool eb', palta aton d'a Dios ix ac'anoch Yespíritu Santo d'ayon̈.

1 Ts 4:8 ပူးပေါင်းရင်းမြစ်များ

Nehemías 9:30

Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

Ex 16:8

'Ix yaln pax Moisés chi 'ixtic: —A 'a yic yemc'ul tic, 'oj yac' Jehová e chi chib'ej, ax 'a sq'uin̈b'il q'uic'an, ax ex ya'n wa'oc. Yujto 'ix yab' eyaln tu paxti 'a 'a, tzcot pax eyowl 'ayn̈ on̈, palta wal yel a 'a Jehová tzcot eyowal, xchi Moisés cha.

Pr 1:7

A eb' tznib'j jeln tz'aji, 'ay cab' yel'ch Jehová 'a sat eb'; a eb' may snab'en, caw matz nib'j eb' yab' jun tzo'n̈ jelnal yet' cuynb'il.

Pr 23:9

Man̈ eyal junc paxti wach' 'a eb' may snab'en, yujto ton̈j 'oj ex sb'uch eb' yuj e paxti cha.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Lc 10:16

'Ix yaln pax 'a eb' scuywum 'ixtic: —A mach tzchan 'ab'noc 'ayex, tzyal 'el'chi, 'a 'ayn tzchaj eb' yab'i'. Ax eb' tzex patquiln can 'eli, tzyal 'el'chi, an tzin spatquilj can 'el eb'. A eb' tzin patquiln can 'el cha, tzyal 'el'chi, a Dios checjnacn coti, a tzpatquilj can pax 'el eb', xchi Jesús 'a eb'.

Jn 12:48

A eb' may wel'ch 'a sat, eb' matz yiclni in paxti', toxn 'ayc' xon jun 'oj 'a'nc 'och syailal eb', atn in paxti tzwalcn tic. Yuj in paxti tic, 'oj 'ajxc 'och syailal eb' 'a slajb' c'ual.

A Tas Sc'ulejnac Eb' Schecab' Jesús Hechos 13:41

Ex b'uchwjum, 'iltec. Sat cab' e c'ojl eyilni, ax e chami. Yujto 'ayx 'ec' 'a in nab'en tas 'oj in b'o 'a e cal 'a jun tiempoal tic, palta ma'oj e cha eyab'i' yic 'oj alxoc 'ayex, xchi Dios 'a Ch'an̈ U'un̈, xchi Pablo 'a eb'.

Ro 5:5

Palta ma'oj 'el qui q'uixwelec, yic tzca'nec 'och Dios yipc qui c'ojol, yujto tz'acn tzyutj ya'n 'och schamc'ojlal 'ayn̈ec yuj Yespíritu xyac' 'ayn̈ec.

1 Co 2:10

Palta a Dios tz'a'n cojcoquec 'el jun tic yuj Yespíritu. Yujto a Yespíritu tic, tzyojquej 'el smasnil tas. 'Ay jun tzo'n̈ tas yic Dios yaji, matz nachj 'el yuj eb' 'anma', palta ax Yespíritu yojtac.

1 Co 7:40

Palta tzin na 'an tic, tecn yel xo 'ay stzaljc'ojlal 'ix, toto man̈xtzac yij 'ix junc xo winac. Tzin na'a a Yespíritu Dios 'aych wet'oc, yic tzwaln jun tic.

2 Co 1:22

A 'a'jnacx 'och jun seyo 'ayn̈ec, atn Yespíritu ya'jnac 'a qui pixn junjn on̈ec. A Yespíritu tic tzch'oxn 'ayn̈ec, to caw yel 'oj qui chac jantcn̈ej jun tzo'n̈ tas 'aj ya'jnac sti 'ayn̈ec.

Gl 4:6

A Dios, ya'jnac cot Yespíritu Yunnal 'a qui pixn junjn on̈ec, sec chequel, to yunnaln̈ec xo. Ax Yespíritu cha, a yic tz'awji: Mamin, Mamin, xchi.

A Sb'ab'el Carta San Pedro 1:12

Palta x'ajx nachjc 'el yuj eb', to a jun tzo'n̈ yaljnac can eb' cha, man̈ yico'oc eb', palta to quiquec. Al ticnec, 'ix wach' alx 'el 'ayex, tas yaj qui colnb'ilec tic. A eb' tzaln 'el wach' 'ab'x yic colnb'il, a eb' 'ix aln 'ayex. A Yespíritu Dios checb'il cot 'a satcha'an̈, a x'och yet' eb', yic xyaln 'el eb'. An̈jtona eb' ángel, tznib'j pax eb' tznachj 'el jun tzo'n̈ tic yu'uj.

A Schab'il Carta San Pedro 1:21

Yujto a eb' cha, may junc mun snajnac eb' 'a sjolom, stz'ib'n can eb'. Palta atn Dios si'jnac 'el eb'. Ax Yespíritu 'a'jnac nachjc 'el yuj eb', chajtl yutjnac eb' yaln can 'el spaxti cha, stz'ib'n can eb'.

1 Jn 3:24

Toto tzqui yicljec jun tzo'n̈ schecnb'il, to 'ixta', junn̈j cajc yet'oc, junn̈j yaj pax quet' junjn on̈ec. Cojquec to 'aych 'ayn̈ec, yujto ya'jnac Yespíritu 'ayn̈ junjn on̈ec.

San Judas 1:8

Palta ax eb' 'aych 'a qui calc ticnec, ton̈j tzcob' sna eb', to niwn yel'ch eb'. Yuj cha, caw tzya't eb' sniwnal 'a scal maysch'olnil, may jac yel'ch spoder Cajlilec 'a sat eb'. Ton̈j tzb'uchwj pax eb' 'a jun tzo'n̈ xo caw niwn yel'ch 'a satcha'an̈.

A Ch'an̈ B'ab'el Libro Samuel 10:19

Palta ax ticnec, 'ix e patquilj can 'el qui Diosalec, atn jun on̈ 'i'n 'elt 'a scal yailal, yet' 'a scal cusc'ojlal, yic xe c'ann jun qui reyl tzyac' yajlil 'a quib'n̈ec. Yuj cha, a ticnec 'ochn̈ec 'a yojltac Jehová, junjn 'in̈tal yet' junjn macn̈il tzex 'aj 'eyochi, xchi.

A Ch'an̈ B'ab'el Libro Samuel 8:7

'Ix ta'w Jehová 'a win 'ixtic: Chaj ab' tas tzyal eb' 'anma tic, yujto man̈oc ach tzach spatquilj can 'el eb', palta to a 'in, sec man̈xtzac wac' yajlil 'a yib'n̈ eb'.