1 Ts 4:17 - Chuj San Sebastian Bible

¹⁷ 'Oj lajwcn̈ej cha, an̈ec pitzn on̈c to ta', junn̈j 'oj 'aj quijxec chan̈ yet' eb'. Ax qui q'ue'chec 'a scal 'asn 'a snan̈l satcha'an̈, ax qui chanec sjaw Cajlilec ta'. 'Ixta to b'i'an, ax qui canc yet' 'a jun 'ejmn̈ej.

Chuj San Mateo Bible

¹⁷ Ol lajvoc chi', a on̈xo pitzan on̈to ta' junn̈ej ol aj quic'jichaan̈ yed' eb'. Axo co b'at chi' d'a scal asun d'a nan̈al chaan̈, yic b'at co cha Cajal Jesús chi'. Ichato chi' ol on̈ aj yed' d'a juneln̈ej.

1 Ts 4:17 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:12

Ax 'oj 'ajoc, a yic 'oj in 'atcni, ax ach yi'n can 'at Yespíritu Jehová 'a 'aj man̈ wojcoc. A yic 'oj in c'och 'a win Acab, ax scot win ach wul yila', ax 'oj 'ajoc, ma'oj elchj yuj winac, ax in smiln can winac. An a checb' in tic, yictax quelm in to in 'och 'emmquilal 'a Jehová.

A Ch'an̈ Schab'il Libro Yic Yab'ixal Eb' Rey 2:11

Ya' sb'a wan sb'ey eb', wan pax spaxtin eb', yajn̈j wal cha, 'ix checlj q'ue wan jun caruaje c'ac' yilxi, toc'b'il yuj chawn̈ chej c'ac' pax yilxi. A x'i'n 'el Elías chi 'a stz'ey Eliseo, 'ix 'ijx 'at win 'a satchan̈ 'a scal jun chacxuxm 'ic'.

A Ch'an̈ Schab'il Libro Yic Yab'ixal Eb' Rey 2:16

'Ix yaln eb' 'ixtic: —'Ilto, 'ay 50 eb' winc caw wal 'ay yip 'a qui cal an̈ a checb' on̈ tic. 'At cab' eb' 'at say win qui cuymal cha, toq'ue 'aj 'ix julx can 'at yuj Yespíritu Jehová 'a junc jolm witz mto 'a junc pan̈n 'a'lic, xchi eb'. Palta 'ix yaln 'a eb' 'ixtic: —May mach tz'ati, xchi.

Salmos 16:11

'Ix ac' wojcoc 'el jun b'e yic q'uinl 'a jun 'ejmn̈ej. Caw niwn tzaljc'ojlal 'oj ac' 'ayin, yic 'oj in c'och 'a ojltac. 'Ay tzaljc'ojlal 'a a tz'ey 'a jun 'ejmn̈ej.

Salmos 17:15

Palta an xo tic, yujto tojl in nab'en, 'oj ach wil yet' in sat; man̈x 'a tas 'oj in na', yic 'oj in pitzw pax chan̈ 'a ojltac.

Salmos 49:15

Palta an xo tic, a Dios 'oj wi'n 'el 'a yol sc'ab' chamel, ax in yi'n 'at yet'oc.

Salmos 73:24

In a cuy 'a wach' b'eyb'al, ax 'a slajub' caw wach' 'oj otc in a chani.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Dn 7:13

'Ix wilnn̈j 'a in waych chi 'a jun 'ac'wl cha. Ax xwilni 'ay jun x'eml 'a scal 'asun, lajn yilx 'icha 'anma'. 'Ix c'och 'a stz'ey jun Mach 'ayc' 'a jun 'ejmn̈ej cha, 'ix nitzx 'o'ch 'a yojltac.

Mt 26:64

—An ton 'icha tzal tic. Tzwal pax 'ayex, to an 'Ochnc in 'Anmal tic, 'oj in eyila', wocn in 'ejm 'a swach' c'ab' Dios, atn jun niwn spoder, 'oj eyil pax weml 'a scal 'asn 'a satcha'an̈, xchi.

Mr 14:62

'Ix yaln Jesús 'ixtic: —An ton tic 'Ochnc in 'Anma'il, 'oj in eyila', wocn in 'ejm 'a swach' c'ab' Dios, atn jun niwn spoder. 'Oj eyil pax weml 'a scal 'asn 'a satcha'an̈, xchi.

Jn 12:26

Toto 'ay mach tznib'j tzin 'a'n servil, yowlal tzb'eylb'ej in b'eyb'al tic. A eb' tzin 'a'n servil cha, 'oj 'aj eb' wet' 'a 'aj 'ayn 'eq'ui. Toto 'ay eb' tzin 'a'n servil, ax in Mam 'oj 'a'nc spac 'a eb', caw niwn yel'ch 'oj 'aj 'a sat.

Jn 14:3

'Oj lajwc in b'on can eyet'l chi ta', ax in japx jun 'ejm xo. Ax wul ex wi'nc wet'oc, sec wach' a 'aj 'ayn 'ec' cha, ata 'oj eyaj wet'oc.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

A Tas Sc'ulejnac Eb' Schecab' Jesús Hechos 1:9

Yic 'ix lajw yaln Jesús jun tzo'n̈ tic, 'ix 'ijx 'at 'a satcha'an̈. Q'ueln q'ue eb' 'a 'a, 'ix sat q'ue 'a scal jun 'asun. Man̈x 'ic yil eb' 'aj xc'ochi.

A Tas Sc'ulejnac Eb' Schecab' Jesús Hechos 8:39

Yic xlajw sq'ue paxt eb' 'a yol a cha, 'ix 'ijx 'at Felipe chi yuj Yespíritu Cajlil. Ax win 'aj Etiopía cha, man̈xtoc xyil win 'aj 'ix c'ochi. Palta 'ix 'atx win 'a yol b'e cha. Tzaljc'ojlal x'atx can winac.

1 Co 15:52

A jun cha, caw ji'lti 'oj jawc tza'n̈joc. Jun mutz'satiln̈ej 'oj 'aj sjawi, yic 'oj 'oc' jun slajb' trompeta. A yic 'oj 'oc' jun trompeta cha, ax spitzw pax eb' creyente chamnc xo, man̈x b'a'n̈ 'oj cham eb'. An̈ xo pitzn on̈c to ta', 'oj jelmjoc pax qui niwnalec tic.

2 Co 5:8

Yuj cha, caw 'aych Dios yipc qui c'ojlec. Caw tzqui nib'j tzcactjec can qui niwnalec tic, sec 'oj stac' qui c'ochc 'a junx catut 'aj 'ayc' Cajlilec cha.

A Scarta San Pablo D'a Eb' Aj Filipos 1:23

Matz nachj 'el wu'uj, 'aja wal junc wach'. Tzin nib'j tzin chami, sec tztac' tzin c'och mu'c 'a 'aj 'ayc' Cristo, yujto yel xo wach' wic 'ixta'.

1 Ts 3:13

A 'a yic 'oj jawc pax Cajlil Jesucristo, qui masnil an̈ yic on̈c xo, junn̈j 'oj cajc yet'oc. Tzqui nib'j on̈, a tzwach' 'a'n te'nb'oc e nab'en, sec an̈ja caw wach' e b'eyb'al, may jac e mul 'a yojltac qui Mam Dios 'a jun tiempoal cha.

1 Ts 4:15

A jun tzo'n̈ wan caln 'at 'ayx tic on̈, atn scuynb'il Cajlilec. A 'a yic 'oj jawoc, an̈ec pitzn on̈c to ta', ma'oj qui b'ab'ljec 'a eb' creyente chamnc xo, yujto junn̈j 'oj cajc qui 'at yet' eb'.

1 Ts 4:18

Yuj cha, junjn ex, tzlaj eya'lac e nab'enoc yet' jun tzon̈ cuynb'il tic.

1 Ts 5:10

A Cristo 'ix cham qui jelquec. Yuj cha, toxn̈ej pitzn on̈ec, toxn̈ej chamnc on̈ xo, ax sjawi, palta junn̈j 'oj cajc yet' qui masnil.

A Schab'il Carta San Pedro 3:13

Palta an̈ec xo tic, wan qui tan̈wniec junx 'ac' satcha'an̈, yet' junx 'ac' yolyib'n̈q'uinal, yujto 'ixta yaj ya'n can Dios sti'. A wal eb' 'oj c'och ta', tojl xoj 'oj 'aj snab'en eb'.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.

Apoc 11:12

'Oj lajwc cha, ax yoch jun paxti 'a satcha'an̈, caw 'ip 'oj yal 'a eb' chawn̈ chi 'ixtic: —Q'uen̈ect 'a satchan̈ tic, xchi. Yuj cha, 'oj q'ue eb' 'a scal jun 'asn 'a satcha'an̈. Ax eb' 'ajc'ojl yajch 'a eb', toxn̈ej 'oj q'ue q'ueln eb'.

Apoc 12:5

Ax yic x'alj yune 'ix cha, winc 'unin. Atn jun chi 'oj 'a'nc Yajlil 'a yib'n̈ smasnil nacion̈ yet' jun sq'uen c'ococh. Xlajwn̈ej wal yalj muc'uc, x'ijx 'at 'a Dios 'a 'aj 'ay sdespacho.