1 Ts 2:7 - Chuj San Sebastian Bible

⁷ Caw 'emmquilal 'ec' cutjnac qui b'a 'ayx on̈. 'Icha junc 'ix, tzya'ilj sq'uib'tzan yune', 'ixta cutjnac qui b'a 'ayx on̈.

Chuj San Mateo Bible

⁷ Syal ton calan d'ayex to yajal on̈, yujto schecab' on̈ Cristo. Palta ina te emnaquil ec' cutejnac co b'a d'ayex. Icha junoc ix ix, sya'ilej sq'uib'tzitan yune', icha chi' cutejnac co b'a d'ayex.

1 Ts 2:7 ပူးပေါင်းရင်းမြစ်များ

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Is 49:23

A ewin rey, a ewin 'oj c'uytzanc eb' one cha, ax eb' 'ix reina a eb' 'ix 'oj cuchnb'eyc'oc eb'. A eb' rey cha, 'oj yic' 'ejm sb'a eb' 'ayach. Ata 'oj nachjoc 'el o'oj, chajtlto an ton Jehová in. A eb' tzin 'a'n 'och 'a sc'ojol, ma'oj can eb' 'a q'uixwc'ojlal, xchi Dios.

Is 66:13

'Icha junc 'ix nunb'il yet' yune', 'ixta 'oj ex wutc ex in montni yic tzwa'n sniwnal e c'ojol, 'ixtnta 'oj eyutc eyi'n sniwnal e c'ojl yuj Jerusalén, xchi Dios.

Nm 11:12

¿Tom mamb'il mto nunb'il waj 'a eb', yuj cha, tzalni to tzin mec' eb' 'icha junc tz'ulc 'unin, tz'at wa'nc can eb' 'a sat lum lum alb'il can oj 'a eb' qui mam quichm on̈?

A Tas Sc'ulejnac Eb' Schecab' Jesús Hechos 13:18

Chawinc ab'il 'e'nc eb' 'a lum cusltac lu'um. Ax Dios, ya'jnac techjoc sb'eyb'al eb' ta'.

1 Co 2:3

A yic wec' ta', may wel'ch 'a sat junc 'anma'. 'Ib'xnacn yuj xiwlal.

1 Co 9:22

Ax yic 'ayn 'ec' 'a scal eb' mant 'a ste'nal 'a screyenteal, lajn tzwutj in b'a yet' eb'. 'Icha to mant 'a in te'nal jun xo, sec 'ay eb' tzmontchj wu'uj. Tzann̈j eb' 'aj tzin 'eq'ui, lajnn̈ej tzwutj in b'a yet' eb' smasnil, sec toq'ue 'ay eb' 'oj colchjoc can 'el wu'uj.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

2 Co 13:4

Yel toni, a yic yajx q'ue 'a spenc culus, 'icha to may spoder, palta yuj spoder Dios pitzn ticnec. An̈jtona an̈ tic on̈, 'icha to may qui poder yet' junx on̈; palta yuj spoder Dios, pitzn on̈ yet' on̈, sec wach' an̈ja ex ca'n servil on̈.

Gl 4:19

Ax xo, 'icha to caw wunnal ex. Caw niwn tzwab' syal eyu'uj, 'icha junc 'ix caw tzyab' syail, yic tz'alj yune'. An̈ja 'ixta 'oj wab' syal eyu'uj, masnto 'oj wach' lajnb'oc e nab'en yet' Cristo.

1 Ts 2:11

Eyojc paxi, 'icha tzyutj junc winc ya'n cuenta yunnal, 'ixta cutjnac ca'n e nab'enoc, ca'n pax sniwnal e c'ojl on̈.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.