1 Ts 2:19 - Chuj San Sebastian Bible

¹⁹ At 'a yic 'oj jawc Cajlil Jesucristo, ax cajc 'a yojltac. Eyu'uj, tzca'n 'och yipc qui c'ojl on̈, to 'oj qui cha spac on̈. Eyu'uj, ax qui chan qui tzaljc'ojlal on̈. Eyu'uj, 'oj qui cha spac qui munljel on̈, sec 'ay quel'ch on̈.

Chuj San Mateo Bible

¹⁹ Ayic ol javoc Cajal Jesucristo, axo co c'och chi' d'a yichan̈, scac'och yipoc co c'ool to eyuuj ol co cha spac. Eyuuj ol co cha co tzalajc'olal. Eyuuj ol co cha spac co munlajel, yic ay quelc'ochi.

1 Ts 2:19 ပူးပေါင်းရင်းမြစ်များ

Pr 12:4

A 'ix 'ix caw wach'n̈j tas tzb'o'o, 'icha wal junc corona yaj 'ix 'a win yichmil, caw tzalj win yet' 'ix. Ax 'ix 'ix tu sb'eyb'al jun, 'icha to 'aych syab'il win yichmil 'ix chi yu'uj, masnto tzc'och yab'n win syal 'a yol sb'acl yuj 'ix.

Pr 16:13

A eb' rey, caw nib'b'il eb' tzpaxtin 'a caw yel yuj eb', caw tzalj eb' rey chi yet' eb'.

Pr 17:6

A eb' 'ichmtac winac, tzalj eb' yuj eb' yixchiquin, yujto smay eb' yaj eb'; 'ixta pax eb' 'unnab'il, tzalj eb' yuj smam, yujto smay eb' yaji.

Pr 4:9

Yuj jelnal cha, ax yalx wach' paxti 'ayach, 'icha to 'oj 'ajxoc q'ue junc corona caw wach' yilx 'a a jolm yu'uj.

Is 62:3

Ax tic lajn ex 'icha junc corona caw wach' yilxi, 'ixta eyaj 'a yol sc'ab' Jehová qui Diosal.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mr 8:38

A wal eb' 'anma 'a jun tiempoal tic, man̈oc 'a Dios tzya'ch eb' snab'en, caw maysch'olnil eb'. A eb' tzq'uixw wuj 'a sat eb' yit 'anma'il, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb' yic 'oj in jaw yet' spoder in Mam, yet' eb' ángel yic xo yaji, xchi.

Jn 21:22

Yuj cha, 'ix yaln pax Jesús 'a 'ixtic: —Toxn̈ej tzyal in c'ojol, pitznto ax in japxi, may aln ec 'a 'a. Cojnto tzach 'och wal tza'n wu'uj, xchi 'a Pedro cha.

1 Co 15:23

'Ay stiempoal 'ix pitzw pax Cristo. An̈jtona', 'ay stiempoal 'oj qui pitzwec pax jun xo. A Cristo cha, b'ab'l pitzwnac. Ax 'a yic 'oj jawc jun 'ejm xo, atta 'oj pitzwc pax smasnil eb' yico'.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

2 Co 1:14

Yuj cha, tzwa'ch yipc in c'ojol, to 'oj wach' nachjc 'el eyu'uj, chajtlto a yic 'oj jawc Cajlil Jesús, 'oj stac' e tzalj cuj on̈, 'icha tzon̈ 'aj qui tzalj eyuj on̈.

A Scarta San Pablo D'a Eb' Aj Filipos 2:16

Yujto tzeyal-l spaxti Dios 'a scal eb', atn tzaln yuj qui q'uinlec 'ay 'a jun 'ejmn̈ej. Yuj cha, a yic 'oj jawc Cristo, caw 'oj jawc in tzaljc'ojlal eyu'uj, yujto wojtac, man̈ nab'an̈ejoc xwac' 'ip in munlj 'a e cal.

A Scarta San Pablo D'a Eb' Aj Filipos 4:1

Ex wu'tac, ex wanab', chamc'ojlb'ilx wu'uj. Caw tzin nib'j tz'at ex wila', yujto eyu'uj, 'ay in tzaljc'ojlal. Eyu'uj, ax in chan spac wico'. Yuj cha, ex chamc'ojlb'il wu'uj, caw te'n tzeyutj e b'a eya'n 'och e c'ojl 'a Cajlilec.

1 Ts 2:20

Eyu'uj, caw 'ay quel'ch on̈, atn 'a sat Cajlilec. Caw 'ay qui tzaljc'ojlal pax eyuj on̈.

1 Ts 3:13

A 'a yic 'oj jawc pax Cajlil Jesucristo, qui masnil an̈ yic on̈c xo, junn̈j 'oj cajc yet'oc. Tzqui nib'j on̈, a tzwach' 'a'n te'nb'oc e nab'en, sec an̈ja caw wach' e b'eyb'al, may jac e mul 'a yojltac qui Mam Dios 'a jun tiempoal cha.

1 Ts 4:15

A jun tzo'n̈ wan caln 'at 'ayx tic on̈, atn scuynb'il Cajlilec. A 'a yic 'oj jawoc, an̈ec pitzn on̈c to ta', ma'oj qui b'ab'ljec 'a eb' creyente chamnc xo, yujto junn̈j 'oj cajc qui 'at yet' eb'.

1 Ts 5:23

A Dios 'a'm junc'ojlal. Tzqui nib'j on̈, a tzex wach' 'i'n 'och yico'oc si'mb'il. Tzqui nib'j pax on̈, a tz'a'n cuenta e pixan, e nab'en, yet' pax e niwnal, sec may jac e mul ax sjaw Cajlil Jesucristo.

2 Ts 1:4

Yuj cha, tz'ec' cal e wach'l 'a scal eb' creyente 'a junjn yiglesia Dios. Yujto til wal tas tz'ajx 'och 'a eyib'an̈, caw niwn syal wan eyab'n ta', palta caw te'n tzeyutj eya'n 'och e c'ojl 'a Dios. Wan eya'n techjoc smasnil.

2 Ts 1:7

Wan eyab'n syal quet' on̈. Palta at 'oj jawc pax Cajlil Jesús, ax ya'n Dios sniwnal qui c'ojlec. 'Oj cot Cajlilec yet' eb' yángel 'a satcha'an̈, atn eb' caw niwn spoder. A yic 'oj 'emloc eb', 'aych eb' 'a scal jun c'ac' tzn̈ilchji.

2 Ts 2:1

A ticnec ex wu'tac, ex wanab', 'oj calb't eyab' on̈, chajtl 'oj 'aj sjaw Cajlil Jesucristo, ax on̈ smolb'tzanc yet'oc. Tzon̈ tew 'at 'ayx on̈,

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

Santiago 5:7

Palta ax xo wu'tac, wanab', 'a'c niwnc'ojlal e tan̈wni, masnto 'oj jawc Cajlilec. 'Iltec eb' munljum, tztan̈wj eb' yel-l smunljel, atn jun sat caw 'ay tz'och yuj eb'. Tz'ec' jun b'ab'l n̈ab', masnto tzlajw 'ec' n̈ab'lq'uinal, palta tzyac' eb' niwnc'ojlal 'a smunljel cha.

Santiago 5:8

'Icha tzyutj sb'a eb' munljum cha, 'ixta tzeyutj e b'a eya'n niwnc'ojlal e tan̈wni sjaw Cajlilec. Te'n tzeyutj pax e b'a, yujto jab'xoj 'oj jawoc.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

A Schab'il Carta San Pedro 1:16

Caljnacx can 'ayx on̈, chajtlto caw 'ay spoder Cajlil Jesucristo, to yowlal 'oj jawc pax 'a scha'ejmal. Palta a jun tzo'n̈ cha, man̈ comn paxti'oc. Man̈ munoc xqui na 'a qui jolm on̈. Yujto a Cajlilec, caw quiljnac yet' qui sat on̈, chajtlto man̈ jantcoc swach'il.

A Schab'il Carta San Pedro 3:4

'Oj yal pax eb' 'ixtic: Ya'jnac can Cristo sti', chajtlto 'oj jawc paxi, palta ¿'in 'ajm 'ay ticnec? Niwnoc cob' stan̈wjnac eb' qui mam quichmec, palta chamnc pax eb'. 'Iltec, 'ichan̈ej yaj smasnil tas yictax sb'o yolyib'n̈q'uinl tic, an̈ja 'ixtan̈ej yaj pax ticnec, palta an̈ja may mach tzjawi, 'oj schic cob' eb'.

1 Jn 2:28

A ticnec ex chamc'ojlb'il wu'uj, yowlal junn̈j cajc yet' Cristo 'a smasnil tiempo, sec wach' ma'oj qui xiwec ax sjawi. Ma'oj qui q'uixwec pax 'a yojltac yic 'oj jawc cha.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.

Apoc 22:12

'Ix yaln Jesucristo 'ixtic: 'Ab'ec, jab'xoj wal 'oj in c'ochxi. 'Oj wi't spac yic junjn mach 'oj wac'a', a tzyala tastc tzb'o jun jun.