1 Ts 2:17 - Chuj San Sebastian Bible

¹⁷ Ex wu'tac, ex wanab', 'ayx stiempoal ex can e ch'ocj cuj on̈. Wach'xam matz quilc qui b'a, palta caw tzex qui na cot on̈. Caw tzqui nib'j 'at ex quil on̈.

Chuj San Mateo Bible

¹⁷ Ex vuc'tac ex vanab', toxon̈ej ix on̈ el lemnaj elelal d'a e cal. Vach'chom man̈xalaj b'aj squil-laj co b'a, palta te naan ex cuuj. Sco nib'ej b'at ex quilxi.

1 Ts 2:17 ပူးပေါင်းရင်းမြစ်များ

Gn 31:30

Ocxo jun, toxn tza nib'j paxt xon a b'a 'a yatut a mam, yuj cha, ach coti. Palta ¿tas yuj xel'j cot jun tzo'n̈ in diosal? xchi winac.

Gn 45:28

Xlajw cha, xyaln win Israel chi 'ixtic: Colb'il cab' xwab'i chajtlto pitznto ni wunnal José, 'oj 'at wil ni wunnal cha, yic mantzac in chami, xchi winac.

Gn 48:11

Xlajw cha, xyaln Israel 'ixtc 'a José: —Caw man̈xtzac in na'a toto 'oj ach wilx to 'ochi, palta a Dios 'ix 'a'n wilch can eb' onnal tic, xchi.

A Ch'an̈ Schab'l Libro Samuel 13:39

Ax yic x'ec' scusc'ojlal cha, 'ix snib'n pax yil sb'a yet' Absalón jun 'ejm xo.

A Ch'an̈ Schab'il Libro Yic Yab'ixal Eb' Rey 5:26

Palta 'ix 'och tecn Eliseo 'a 'a, 'ix yaln 'ixtic: —A yic 'ix 'emt jun winc chi 'a yol scaruaje, 'ix wul ach schanoc, ¿'icha to 'ayn 'ec' et' ta'? Man̈ smojc 'ixta tzcutj qui chan tumin, pichul, olivo, uva, calnelu, mam wacax, ewin checab', yet' eb' 'ix checab'.

Salmos 63:1

Ach in Diosal, tzin nib'j tzwal in b'a 'aych 'a caw sq'uin̈b'ilto. Caw tzach in nib'j 'icha tzyac' lum tacn̈ lu'um yic tznib'n lum n̈ab'.

Lc 12:58

Q'uinloc 'ay junc mach tzex yi'n 'at 'a win juez. Yic wan e 'at yet' a yol b'e, caw tzeya'lj eyaln e b'a 'a 'a, sec toq'ue ma'oj e c'och 'a yojltac win juez yu'uj. Toto matz e b'oyaj e b'a, toto 'ixta', a win juez chi 'oj eya'n 'och 'a yol sc'ab' eb' policía, ax eb' 'oj eya'n 'och 'a preso.

Lc 22:15

Xlajw cha, xyaln Jesús 'ixtc 'a eb': —Toxn tzin nib'j xon wa in b'a eyet' 'a jun q'uin̈ tic yic mantzac in chami.

A Tas Sc'ulejnac Eb' Schecab' Jesús Hechos 17:10

Ax 'a sq'uic'b'alil, 'ix checx 'at Pablo yet' Silas yuj eb' creyente 'a chon̈b' Berea. Yic xc'och eb' ta', 'ix 'och eb' 'a yol scapiya eb' yit israelal.

Ro 1:13

Ex wu'tac, ex wanab', tzin nib'j tzeyojquej 'eli, to niwn 'ejm xo in nib'jnac 'at in b'a 'ayex, palta mantzac stac' in 'ati. Tzin nib'j tzin c'och eyet' ta', sec wach' 'oj in munlj 'a e cal ta', 'icha in munlj 'a scal eb' 'a jun tzo'n̈ xo chon̈ab'.

1 Co 5:3

An xo tic, wach'xam man̈ in 'ayc 'ec' eyet' ta', palta 'icha wal to caw 'ayn 'ec' eyet'oc. Yuj cha, tox xin b'eyc'ojlej jun win tzb'on maysch'olnil cha, yujto 'icha wal to 'ayn 'ec' eyet' ta'.

A Scarta San Pablo D'a Eb' Aj Colosas 2:5

Wach'xam man̈ in 'ayc 'ec' eyet' ta', palta 'icha to caw 'ayn 'ec' eyet'oc. Yuj cha, caw tzin tzalji, yic tzwab'ni to junn̈j tzeyutj e b'a ta', te'n tzeyutj eya'n 'och e c'ojl 'a Cristo.

1 Ts 3:6

Al ticnec, 'ix xit' Timoteo tic 'ayex. 'Ix yal eyu'uj, to an̈ja 'aych e c'ojl 'a Cristo, an̈ja 'ay e chamc'ojlal ta'. 'Ix yalni, to smasnil tiempo tzon̈ e na cot on̈, tzon̈ e chamc'ojlan cot on̈. 'Ix yaln paxi, to caw tze nib'j tzon̈ eyil on̈. An̈jtona', 'ixta 'on̈ pax on̈, caw tzqui nib'j tzex quil on̈.