1 Ti 6:17 - Chuj San Sebastian Bible

¹⁷ Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

Chuj San Mateo Bible

¹⁷ Axo eb' creyente b'eyum d'a yolyib'an̈q'uinal tic, tzal juntzan̈ checnab'il tic d'a eb'. Scham val alan d'a eb' to max yal yic'anchaan̈ sb'a eb'. Max yal yac'anoch sb'eyumal eb' chi' yipoc sc'ool, yujto elan̈chamel slajvieli. Tzalanpax d'a eb' to an̈ej Dios pitzan syac'och eb' yipoc sc'ool. Yujto a Dios chi' tz'ac'an masanil tas d'ayon̈ yic tzon̈ tzalaj yed' juntzan̈ chi'.

1 Ti 6:17 ပူးပေါင်းရင်းမြစ်များ

Gn 13:2

A Abram, caw rico, til wal oro 'a 'a, yet' plata, til wal no noc' cajb'il yu'uj.

2 Cr 26:16

A yic xyi'n wal yip 'a yopiso, 'ix yi'n chan̈ sb'a yet' snab'en, 'ixta x'aj yi'n cot 'a yib'an̈, tenmtac xyutj sb'a 'a Jehová sDiosal. X'och 'a yol yatut Jehová yic tzya'n tz'a incienso 'a jun yet'l 'aj tz'a incienso cha.

Salmos 104:28

Ach tzac' tas tzc'ux e no', 'ela ach 'a e no', yuj cha, tzb'ut'j wal e no yet' tas wach'.

Salmos 52:7

'Iltec wal jun 'anma to man̈oc Dios tzya'ch yipc sc'ojol; cojn wal sricoal tzya'ch yipc sc'ojol, cojxn maysch'olnil tzb'o'o, 'oj schic eb'.

Salmos 62:10

A mach tzyac' ganar tumn 'a spatc maysch'olnil mto yuj 'elc'al, caw matz tac' ya'n 'och jun chi yipc sc'ojol. Toto tzq'ue'ch yet' tas 'ay 'a 'a, matz tac' ya'n 'och sricoal chi yipc sc'ojol.

Salmos 62:8

Ex wit chon̈ab', ca'c 'och Dios yipc qui c'ojl 'a smasnil tiempo. Yet' wal smasnil qui c'ojlec, tzon̈ leslwiec 'a 'a, yujto cojn 'a 'aj wach' tzqui colc qui b'a.

Pr 11:28

A eb' tzya'ch sricoal yipc sc'ojol, 'oj 'em eb' 'icha tz'aj yem stacn̈il xil te te 'a yich, palta ax eb' tojl sb'eyb'al, 'oj yic' eb' yip 'icha tz'aj syaxb' sc'ab' te te'.

Pr 23:5

yujto a q'uen tumin, yajn̈ej tzlajw 'ejm q'ue'en, 'icha to tz'och sc'axil, tz'at jen̈njoc 'icha tzyac' no cotc salt'iw.

Pr 27:24

yujto a ricoal yet' 'opiso, lemb'il man̈ najtloc tzyac'a, ax slajw paxi.

Pr 30:9

Toto 'oj yac' sobra tas 'ayin, ax 'oj 'ajoc, 'oj a 'at am satc'ojlal wu'uj, ax walni to man̈ ach wojcoc. Toto may pax tas 'ay 'ayin, ax 'oj 'ajoc, 'elc'ln̈ej am 'oj weq'ui, ax yoch in mul 'aych ach in Diosal, xin chi 'a Dios.

Ec 2:24

A wal tas smoj qui b'onec an̈ 'anman̈ec tic, to tzon̈ wa'ec, tzcu'nec tas tzcuq'uej, tzca'nec tzaljoc qui c'ojl yet' qui munljelec cha. 'Ix nachj 'el wu'uj, to a jun cha a 'a Dios tzcoti.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Jeremías 49:4

Ex chon̈b' to caw wal pit, ¿tas yuj tze b'an̈ e b'a yet' eyip? A jun eyip cha, tox 'ix lajw 'ejmi. A wal e ricoal xe molb'tzej, a 'aych yipc e c'ojol, yuj cha, tzeyaln 'ixtic: ¿Mach wal 'oj stac' ya'n owl quet'ec? xe chi.

Ez 16:56

A yic sb'an̈n sb'a Jerusalén, spatquiln can 'el Sodoma,

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Os 13:6

Palta a yic ya'n sobra tas tzc'ux eb', 'ix sb'an̈n sb'a eb', in 'atcn 'a satc'ojlal yuj eb'. 'Ixta pax ex ax tic.

Mt 12:32

Toto 'ay mach tzin b'uchn an 'Ochnc in 'Anmal tic, 'oj stac' yajx lajwc jun smul cha. Palta a mach tzb'uchwj 'a Yespíritu Dios, may b'a'n̈ 'oj lajwc jun smul cha. Wach'xam ticnec, wach'xam 'a jun tiempoal tot 'oj jawoc.

Mt 19:23

Xlajw cha, xyaln pax Jesús 'ixtc 'a eb' scuywum: —Wal yel tzwal 'ayex, a wal eb' rico, caw teb'il 'oj 'och eb' 'a yol sc'ab' Dios 'aj satcha'an̈.

Mt 25:16

Ax win moso xchan o'e talento cha, 'ix yac' win snegocio yet' q'ue'en; 'ix ya'n ganar win o'e xo.

Mt 27:57

'Ay jun win rico José sb'i, 'aj chon̈b' Arimatea, a jun cha, scuywum pax Jesús. Ax yic wan sq'uic'b'i,

Mt 6:32

Yujto a eb' man̈ 'ojtnacoc Dios, caw tzya'ch eb' snab'en sayn 'ec' jun tzo'n̈ cha. Palta a qui Mam 'ayc' 'a satcha'an̈, a 'ojtnac, to 'ay tz'och jun tzo'n̈ chi cu'uj.

Mr 10:24

Ax eb' scuywum cha, caw 'ix sat sc'ojl eb' yab'n jun tzo'n̈ cha. Palta xyaln pax 'a eb' jun 'ejm xo 'ixtic: —Ex in cuywum, [a eb' tzya'ch sricoal yipc sc'ojol,] toto 'oj 'och eb' 'a yol sc'ab' Dios, caw teb'il 'oj 'och eb'.

Lc 19:2

Ata 'ay jun win rico, Zaqueo sb'i. Sat yaj win 'a eb' tecm 'el tumn 'a jun chon̈b' cha.

Lc 3:11

—Ax to 'ay cha'chb'oc e camix, tzeyac' junc 'a junc mach may yico'; yet' ex 'ay tas tze c'uxu, tzeyac' pax ja'jb'oc 'a eb' may yico', xchi 'a eb'.

A Tas Sc'ulejnac Eb' Schecab' Jesús Hechos 14:17

Palta 'ix colwjn̈ej yet' eb', sch'oxn sb'a 'a eb'. Yuj cha, an̈ja ya'n cot n̈ab' 'a quib'n̈ec. Tzya'n sat smasnil tas tzcawjec. A tz'a'n jantcn̈ej tas tzqui c'uxec. Tzya'n pax qui tzaljc'ojlalec, xchi eb'.

A Tas Sc'ulejnac Eb' Schecab' Jesús Hechos 14:27

A yic xjapx eb' 'a chon̈b' Antioquía, 'ix 'awtx cot eb' creyente 'ayc' ta yuj eb'. 'Ix yaln eb' jantcn̈ej tas 'ix sb'o Dios yet' eb'. 'Ix yaln pax eb', chajtlto a Cajlil 'ix chan ya'ch eb' man̈ israeloc sc'ojl 'a 'a.

A Tas Sc'ulejnac Eb' Schecab' Jesús Hechos 17:25

Man̈ yowlalc 'ay tas tz'ajx yuj eb' 'anma 'a 'a. Yujto atn tz'a'n qui q'uinlec qui masnil. A tz'a'n qui'c quic', tzya'n pax jantcn̈ej tas 'ay 'ayn̈ec.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

Ef 5:5

Cojquec xo, to a eb' tzb'on 'ajmulal, yet' eb' tzb'on tzann̈j junc maysch'olnil yet' sniwnal, yet' eb' tznib'n 'och ricoal, may xon yaln eb' yic yoch 'a yol sc'ab' Cristo, yet' 'a yol sc'ab' Dios. Toto tzqui nib'jec 'och ricoal, a 'a sat Dios, wan ca'nec 'och jun chi qui diosaloc.

Dt 33:15

Wach' cab' tz'aj sb'al eb' lum jolmctac witz, atn lum sicl lum 'ayc' xon 'a yic pecti'.

Dt 8:17

'Ayt ex xe na 'ixtic: A jun tzo'n̈ qui ricoal tic, 'ix ca'c ganar yet' quip, xe chi ta.

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

1 Ti 1:3

Caw tzin nib'j tzach wach' can 'a chon̈b' Éfeso cha, 'icha wutj in tew 'ayach, yic in 'at 'a Macedonia. Yujto tzin nib'ej, tzcham wal aln 'a eb' tzcuywj 'a jun tzo'n̈ chuc cuynb'ilal, to caw yowlal tzyactj eb' yalni.

1 Ti 3:15

Palta lemb'il ma'oj stac' in 'at muc'uc. Yuj cha, tzin tz'ib'n 'at jun in carta tic 'ayach, sec wach' ojtac tas wal tzqui b'eylb'ej an̈ yunnaln̈ xo Dios. Yujto an̈ tic, 'ayn̈ xo 'och stz'acb'oc yiglesia Dios pitzan. 'Ay copiso caln 'el jun cuynb'il caw yel. Cu'uj, caw tz'och yip jun cuynb'il caw yel tic.

1 Ti 4:10

Yuj wal jun tic, caw 'ip tzon̈ munlj 'a yic Dios, tzcab'n pax syal yu'uj. Yujto a Dios pitzan, a tzca'ch yipc qui c'ojol. A Dios, sColmal smasnil 'anma yaji. A wal eb' tzya'ch sc'ojl 'a 'a, 'oj colchjoc eb' yu'uj.

1 Ti 5:21

A 'a sat Dios, yet' 'a sat Cajlil Jesucristo, yet' 'a sat eb' ángel sic'b'il can 'el yu'uj, tzcham wal waln 'at 'ayach, caw tza yiclj jun tzo'n̈ checnb'il tic. Wach' cab' junc a wach'c'ojol, mto junc 'ajc'ojl yajch 'ayach, palta caw jun lajnn̈ej tzotj a nab'en 'a eb'.

1 Ti 6:13

Yuj Dios, pitzn on̈ qui masnil 'a yolyib'n̈q'uinl tic, yet' te te', yet' no noc'. A Jesucristo, caw wach' xyutj ya'n testigoal sb'a 'a Poncio Pilato. A 'a sat Dios yet' 'a sat Jesucristo, tzcham wal waln 'at 'ayach.

1 Ti 6:9

Palta 'ay eb' creyente cojn ricoal tznib'ej. Yuj cha, c'un yajx juwc 'el eb' yuj maysch'olnil. 'Icha to tzcan eb' 'a junc ch'an̈ ya'al, yujto til wal jun tzo'n̈ tas may yopiso tznib'j 'och eb'. Caw 'ay smay tzjuw 'el eb' yu'uj. Yuj jun tzo'n̈ tznib'j 'och eb' cha, tzwach' caw juw 'el snab'en eb' 'a jun 'ejmn̈ej. Yuj cha, 'ichn̈jta 'oj satx can 'ejm eb'.

2 Ti 4:10

Yujto a Demas, in yactj can in ch'ocoj. 'Ix 'at 'a Tesalónica, yujto cojn tas 'ay 'a yolyib'n̈q'uinl tic tznib'j 'ochi. Ax cu'tac Crescente, 'ix 'at 'a Galacia. Yet' cu'tac Tito, 'ix 'at pax 'a Dalmacia.

Tito 2:12

Yuj swach'c'ojlal tic, tznachj 'el cu'uj, to yowlal tzcactj can jantcn̈ej tas man̈ wach'c 'a sat Dios, yet' jantcn̈ej tas maysch'olnil tzqui nib'j 'och 'a yolyib'n̈q'uinl tic. Yowlal caw tzcac' cuenta qui b'a, caw wach' tzcutj qui b'eyb'al. Cojxn 'a Dios tzca'ch qui nab'en.

Tito 3:6

Yuj qui Colmal Jesucristo, 'ix ya'n cot Dios Yespíritu 'ayn̈ 'a smasnil sc'ojol,

A Schab'il Carta San Pedro 1:11

Toto 'ixta', caw yelc'ojlal 'oj qui chaxec 'och 'a yol sc'ab' Cajlil Jesucristo, atn qui Colmalec. Ata 'oj qui canc 'a jun 'ejmn̈ej.