1 Ti 5:21 - Chuj San Sebastian Bible

²¹ A 'a sat Dios, yet' 'a sat Cajlil Jesucristo, yet' 'a sat eb' ángel sic'b'il can 'el yu'uj, tzcham wal waln 'at 'ayach, caw tza yiclj jun tzo'n̈ checnb'il tic. Wach' cab' junc a wach'c'ojol, mto junc 'ajc'ojl yajch 'ayach, palta caw jun lajnn̈ej tzotj a nab'en 'a eb'.

Chuj San Mateo Bible

²¹ Scham val valanb'at d'ayach d'a yichan̈ Dios, d'a yichan̈ Cajal Jesucristo yed' d'a yichan̈ eb' ángel sic'b'ilcanel yuuj to tza c'anab'ajej val juntzan̈ checnab'il tic d'a stojolal, mocab'a sq'uexan̈il tzutej a b'oan yaj eb'.

1 Ti 5:21 ပူးပေါင်းရင်းမြစ်များ

Salmos 107:43

A eb' jeln snab'en, smolcn cab' eb' jun tzo'n̈ tic 'a snab'en, sec 'oj yojcoc 'el eb' to caw niwn schamc'ojlal Jehová 'a eb'.

Salmos 119:34

'Ac' in nab'en, sec wach' tzwutj in b'eylb'an jun cuynb'il tic; 'oj in yiclc 'a smasnil in c'ojol.

Pr 18:5

Man̈ wach'oc toto a eb' 'ay smul, a eb' tz'ajx niwnc'ojlal yuj eb' juez, ax eb' may smul, matz chax 'ab'xc tas tzyal eb'.

Lv 14:42

Tzlajw cha, chucx q'uen q'uen tz'ochx can sjelc q'uen tzlipx 'elt cha, chucx pax lum lum tz'ochx can spixloc, sec tzmacchj can pax 'el yich te n̈a cha.

Lv 19:15

Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

Malaquías 2:9

Yuj cha, ex wij can 'ejmi, man̈x 'a yel'ch ex wutj 'a sat smasnil 'anma', yujto matz eyiclj in checnb'il, a yic tze b'onyaj eb' 'anma', 'in man̈ lajnoc tzeyutj e b'onyaj eb', xchi Dios.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Lc 20:21

Yuj cha, xcob' stz'acnc eb' yal 'ixtc 'a 'a: —Mamin, cojc on̈ tojl tzotj alni, tojl a cuywj paxi. May junc mach 'aj tzach xiwi, yujto lajnn̈ej yel'ch junjn mach 'a a sat. Cojc pax on̈, a jun b'eyb'al tznib'j Dios a tzac' cuyxoc 'a yel.

Lc 9:26

Toto 'ay mach tzq'uixw wu'uj, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb', yic 'oj in jawi ax woch reyal. 'Oj in jaw yet' spoder in Mam, yet' pax eb' yángel yic yaji.

2 Co 5:16

Yuj cha, an̈ xo tic on̈, man̈xtzac qui b'eyc'ojlej junc mach, yuj tas yilx on̈. A 'a yic yalan̈, wach'xam qui b'eyc'ojlejnac Cristo, yuj tas yilx on̈, palta man̈xtzac qui na yuj 'ixta ticnec on̈.

Dt 1:7

A ticnec, meltzjan̈c can 'at 'a lum slum eb' amorreo 'ay 'a lum jolmctac witz, yet' 'a jun tzo'n̈ xo lugar 'ay 'a sla'nil eb' cha. Tzex 'ec' 'a lum span̈nil sti a Jordán, 'a lum jolmctac witz, 'a lum pan̈ctac, 'a lum Négueb, yet' lum 'ay 'a sti a mar 'a yol yic eb' cananeo, yet' pax lum Líbano, masnto tzc'och lum 'a sti a niwquil a Éufrates.

Dt 33:9

A eb' cha, yel xo ach schamc'ojlej eb' 'a yib'n̈ smam snun, 'a yib'n̈ yu'tac, yet' 'a yib'n̈ yunnal. A eb' tic, caw yel syiclj eb' a paxti', yet' a trato.

1 Ts 5:27

A 'a sat Cajlilec, tzcham waln 'at 'ayex, to tzeyawtj jun in carta tic 'a scal eb' creyente smasnil ta'.

1 Ti 6:13

Yuj Dios, pitzn on̈ qui masnil 'a yolyib'n̈q'uinl tic, yet' te te', yet' no noc'. A Jesucristo, caw wach' xyutj ya'n testigoal sb'a 'a Poncio Pilato. A 'a sat Dios yet' 'a sat Jesucristo, tzcham wal waln 'at 'ayach.

2 Ti 2:14

Caw tzlaj ec sna cot eb' jun tzo'n̈ tzwalb't 'aych tic. A 'a sat Cajlil, tzcham wal aln 'a eb', to matz tac' scomn ten sb'a eb' yuj jun tzo'n̈ comn paxti'. Niwnoc tzyixtj sb'a eb', may jac yopiso. Ax eb' tzmaclni tas tzyal eb', ton̈j tzjuw 'el eb' yu'uj.

2 Ti 4:1

A yic 'oj jawc pax Cajlil Jesucristo 'a scha'ejmal, ax swach' 'och reyal, ax sb'eyc'ojlan smasnil 'anma chamnc xo, yet' eb' pitznto. Yuj cha, a 'a sat Dios yet' 'a sat Cajlil Jesucristo, tzcham wal waln 'at 'ayach.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

A Schab'il Carta San Pedro 2:4

Qui nac cot tas 'ajnc eb' ángel 'ochnc smul 'a Dios. Toxn ma'ix yac' niwnc'ojlal 'a eb'. Ton̈j xya'cn 'at eb' 'a infierno. Jalb'il can eb' ta yet' q'uen cadena. Preso yajcn eb' 'a q'uic'q'uinl ticnec, masnto 'oj b'eyc'ojlaxc eb'.

San Judas 1:6

An̈jtona', tze nan cot tas yaj jun tzo'n̈ eb' ángel, atn eb' yijnac 'el sb'a 'a yopiso, yactn can eb' yet'ul. Jalxnac can 'och q'uen cadena 'a eb' 'a jun 'ejmn̈ej. A ticnec, preso yaj eb' 'a q'uic'q'uinl yuj Dios. 'Ixta yajcn eb', masnto 'oj jawc jun c'u caw niwn yel'chi, atta 'oj b'eyc'ojlaxc eb'.

Apoc 14:10

a eb' cha, yowlal 'oj jawc jun niwn yailal 'a yib'n̈ eb' yuj Dios. 'Icha junc yal uva tzjaw sti', caw ow, may jac a 'ay't 'a scal, 'ixta wal yowl sc'ojl Dios 'oj yac' 'a eb'. Caw wal ow si'mb'il. 'Oj yab' eb' syal 'a scal c'ac' yet' azufre 'a yojltac eb' yángel Dios, yet' 'a yojltac jun tzcuch Calnelu.