1 Ti 5:17 - Chuj San Sebastian Bible

¹⁷ A eb' anciano wach' tzyutj ya'n cuenta eb' yit creyenteal, yowlal caw 'ay yel'ch eb' 'a sat eb' creyente smasnil, tzyac' eb' yip scuywji, tzyaln 'el eb' spaxti Dios, yowlal yel xo niwn cab' yel'ch eb' 'a sat eb' yit creyenteal.

Chuj San Mateo Bible

¹⁷ A eb' anciano vach' syutej yilan eb' yetcreyenteal, vach' pax syutej eb' yac'an c'ayb'ajoc yed' yalanel slolonel Dios, yovalil te ay yelc'och eb' d'a yichan̈ eb' creyente smasanil.

1 Ti 5:17 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 2:9

Ax yic tox 'ix c'axw 'ec' eb', 'ix yaln Elías 'a Eliseo 'ixtic: —Al 'ayin tas tza nib'j tzwac' 'ayach, ya' sb'a mantzac in 'ijx 'el 'a a tz'ey, xchi Elías. —Tzin tew 'ayach, comnoc cha'ejm tzotj a'n can espíritu yic opiso 'ayin, 'icha to a b'ab'l 'unnal tzin 'ajcn a jeloc, xchi Eliseo cha.

Is 40:2

Wach' tzeyutj paxtinc e b'a 'a eb' 'aj Jerusalén, tzeyaln 'a eb' chajtlto man̈x b'a'n̈ 'oj 'och eb' mosoal, tox 'ix stuplajwc eb' stenmtaquil yet' smaysch'olnilal, tox 'ix schaj eb' syailal 'a 'ayn an Jehová in, xchi Dios.

Jeremías 16:18

'Oj wac' spac 'a eb' yuj smaysch'olnilal, yujto 'ix yixtj 'el eb' in lum tic yet' jun tzo'n̈ scomn diosal to chamnac, caw yajb'entac 'icha sniwnal chamnc 'anma'. A wal tas to matz chaj in c'ojol, a chi sb'o eb', xchi Dios.

Jeremías 17:18

Q'uixw cab' can 'el eb' tzin pechn b'eyc'oc, man̈oc in cab' tzin q'uixw 'eli. Xiw cab' chan̈ eb', man̈oc in cab' tzin xiw cha'an̈. 'Ac' jawc yailal 'a yib'n̈ eb', lajw cab' can 'el eb' 'a jun 'ejmn̈ej, xin chi 'a Dios.

Zacarías 9:12

Ax 'icha preso eyaji, to an 'ayn xo 'och yipc e c'ojol, meltzjan̈c 'a 'aj wach' 'oj eyaji. Tzwal 'ayx ticnec, an 'oj wac' yaxilal 'a eyib'an̈. 'Ec'b'al 'oj wutc in pactzan 'ayx 'a yib'n̈ 'icha xeyab' syail.

Nm 18:31

tztac' sc'uxn eb' yet' yunnal, yaln̈ej 'aj 'ayc' eb'. Atn jun chi tztojlej eb', yic tzmunlj eb' 'a yol Mantiado cha.

Mt 24:25

'Aycto, tzwaln can jun tzo'n̈ tic 'ayex.

Lc 10:7

An̈j 'a junc n̈a chi 'aj tzeyac' e posada cha, ata tzex cani. A tas tzc'ux eb', tze c'ux yet' eb', yujto a mach tzmunlji, smoj schan stojol. Matz tac' ton̈j tzex b'eyc' 'a cal n̈a.

Lc 12:42

Yuj cha, xyaln pax Cajlil 'a eb' 'ixtic: Q'uinloc 'ay junc patron̈ ticnec. A junc smoso yiclum, 'ay pax sjelnal, a 'oj ya'ch yopiso smayltomaoc, sec a 'oj 'ilnc eb' smoso chi smasnil, ax ya'n wa eb' 'a junjn 'ejem.

Jn 4:38

An tic, ex in checb't munljoc 'a scal eb' 'anma 'icha junc jach'um. Palta man̈oc ex ex b'ab'l munlj 'a scal eb'. Chuc eb' b'ab'l munljnac 'a scal eb' 'icha junc 'awum. Ax xo tic, 'icha to 'oj e jach' smunljel eb' cha, xchi Jesús 'a eb'.

A Tas Sc'ulejnac Eb' Schecab' Jesús Hechos 11:30

'Ixta xyutj sb'a eb'. 'Ix ya'n 'at eb' yofrenda 'a eb' anciano 'aj Judea cha. Ax Bernabé yet' Saulo 'ix 'i'n 'at jun ofrenda cha.

A Tas Sc'ulejnac Eb' Schecab' Jesús Hechos 20:35

Smasnil tiempo xin ch'ox 'ayex, chajtlto yowlal 'ixta tzcutjec qui b'on qui munljel, sec tztac' tzon̈ colwjec 'a eb' 'ay tas 'ay tz'och yu'uj. Yowlal tzqui nac cot spaxti Cajlil Jesús, yic yaln can 'ixtic: A eb' 'ela', yel xo wal wach' yic eb' 'a yib'n̈ eb' tzchan siylab', xchi. 'Ixta yutjnac yaln can Cajlil, xchi Pablo 'a eb' anciano cha.

A Tas Sc'ulejnac Eb' Schecab' Jesús Hechos 28:10

Til wal schamc'ojlal eb' 'aj lugar chi 'ayn̈ on̈. Ax yic xjaw stiempoal qui 'atx 'a junx barco, c'uxn xyac' eb' tas 'ay tz'och cuj on̈.

Ro 12:8

A mach tztac' ya'n snab'enoc eb', yowlal caw tzmunlj 'a yopiso cha. A mach tztac' scolwj 'a eb' meb'a', yelc'ojlal cab' tzcolwj 'a eb'. A mach 'ay yopiso ya'n cuenta eb' yit creyenteal, caw tzyac' 'ip ya'n cuenta eb'. An̈jtona', a mach tz'o'ch sc'ojl 'a eb' 'aych 'a syailal, yowlal tzcolwj 'a eb' 'a tzaljc'ojlal.

Ro 15:27

'Ix 'el 'a sc'ojl eb', to xyac' eb' jun ofrenda cha. Caw wach' 'ixta', yujto 'icha to 'ay sb'oc eb' 'a eb' 'aj Jerusalén cha. Yujto a eb' israel cha, a eb' colwjnac 'a eb' man̈ israeloc chi 'a yic espiritual. Yuj cha, a eb' man̈ israeloc cha, 'ay yaln eb' yic scolwj pax yet' yofrenda 'a eb' israel cha.

Ro 16:12

Tzwa'n pax 'at stzatzl sc'ojl canb' Trifena yet' Trifosa, yujto caw tzmunlj eb' 'a yic Cajlilec. Tzwa'n pax 'at stzatzl sc'ojl canb' Pérsida, chamc'ojlb'il wu'uj, yujto caw niwn xo smunljel 'a Cajlilec.

1 Co 15:10

Ax ticnec, yujn̈ej swach'c'ojlal Dios, 'ixtc waj ticnec. Palta man̈ nab'an̈ejoc 'ix sch'ox swach'c'ojlal tic 'ayin, yujto 'ec'b'al in munlj 'a yib'n̈ eb' witb'eym chi smasnil. Palta man̈oc in tzin munlj in ch'ocoj. A Dios tzmunlj wet' yuj swach'c'ojlal.

1 Co 16:16

Tzin tew wal 'ayex, to tzeyiclj tas tzyal eb'. Tzeyiclj pax jantcn̈ej eb' lajn tzyutj sb'a 'icha eb', yujto caw tzcolwj eb', tzmunlj eb' 'a Cajlilec.

1 Co 3:9

Yuj cha, an̈ tic on̈, quit munljumal qui b'a ca'n servil Dios on̈. Ax xo tic, 'icha jun tzo'n̈ 'awb'ente', 'ixta 'ex 'a Dios. An̈jtona', 'icha junc n̈a wan sb'o yuj Dios, 'ixta 'ex.

2 Co 6:1

An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex.

Gl 6:6

A eb' tzon̈ cuynec 'a spaxti Dios, yowlal tzon̈ colwjec ca'n jun tzo'n̈ tas wach' 'a eb'.

Dt 18:8

Tzchan pax tas tzc'ux 'icha yechl tas tz'ajx 'a eb' 'ayc' xon cha, yet' pax smacl tzchaj 'a smam.

A Scarta San Pablo D'a Eb' Aj Filipos 2:16

Yujto tzeyal-l spaxti Dios 'a scal eb', atn tzaln yuj qui q'uinlec 'ay 'a jun 'ejmn̈ej. Yuj cha, a yic 'oj jawc Cristo, caw 'oj jawc in tzaljc'ojlal eyu'uj, yujto wojtac, man̈ nab'an̈ejoc xwac' 'ip in munlj 'a e cal.

A Scarta San Pablo D'a Eb' Aj Filipos 2:29

Caw tzaljc'ojlal tze chaj sc'ochx 'ayx ta', yujto eyu'tac e b'a yet' 'a yol sc'ab' Cajlilec. Jantcn̈ej eb' lajn snab'en yet'oc, 'ay cab' yel'ch eb' 'a e sat.

A Scarta San Pablo D'a Eb' Aj Filipos 4:3

Ach xo wu'tac, yel quit munljumal qui b'a. Yuj cha, tzin tew 'at 'ayach, caw tzach colwj a b'onyaj jac eb' canb' chi ta', yujto a eb' cha, caw te'n yutjnac sb'a eb' smunlj wet'oc, yic 'ec' walnc 'el wach' 'ab'x yic colnb'il. An̈jtona', 'ix munlj pax Clemente wet'oc, yet' jun tzo'n̈ xo eb'. A eb' cha, tz'ib'b'ilx sb'i eb' 'a jun ch'an̈ libro 'aj 'ay qui b'i an̈ec 'ay qui q'uinl 'a jun 'ejmn̈ej.

1 Ti 3:5

A mach man̈ yojcoc tas tzyutj ya'n cuenta sb'a 'a yol yatut, ¿tast wal 'oj yutc ya'n cuenta yiglesia Dios?

1 Ti 4:10

Yuj wal jun tic, caw 'ip tzon̈ munlj 'a yic Dios, tzcab'n pax syal yu'uj. Yujto a Dios pitzan, a tzca'ch yipc qui c'ojol. A Dios, sColmal smasnil 'anma yaji. A wal eb' tzya'ch sc'ojl 'a 'a, 'oj colchjoc eb' yu'uj.

1 Ti 4:14

A yic ya'n 'at eb' anciano sc'ab' 'a a jolom, ata ya'jnac Dios opiso, sec tznachj 'el o'oj, tas tzotj a'n servil 'a 'a. A 'a'jnac nachjc 'el yuj eb', to 'ixta 'oj ach yutoc. Yuj cha, caw man̈ actc can jun opiso cha.

1 Ti 4:16

Caw tzac' cuenta a b'a yuj a b'eyb'al ta'. An̈jtona', tzac' cuenta a b'a yuj jun tzo'n̈ cuynb'il tzac' scuy eb'. Te'n tzotj a b'a 'a smasnil tiempo, sec 'oj a colcn 'el a b'a, yet' eb' tz'ab'n tas tzala, 'oj colchjoc pax 'el eb'.

1 Ti 4:6

Toto 'oj ac' scuy eb' creyente jun tzo'n̈ cuynb'il tic ta', wach' 'oj otc a'n servil Jesucristo. 'Oj wach' 'och a te'nal, yic tza cuyn a b'a 'a jun tzo'n̈ spaxti 'aj tzca'ch qui c'ojol, yet' 'a jun tzo'n̈ xo cuynb'il caw wach' 'aj 'aych qui nab'en.

1 Ti 5:19

Toto 'ay mach tz'a'n queja junc anciano, yowlal 'ay chawn̈oc, mto 'oxwn̈oc testigo. Toto ma'ay, man̈ a cha ab' tas tzyala.

1 Ti 5:3

Tzwaln pax 'at jun tzo'n̈ checnb'il tic yuj eb' 'ix 'ix chamnc xo yichmil. A eb' caw sch'ocoj, yowlal tzon̈ colwjec 'a eb'.

2 Ti 2:6

'Ilt eb' tzmunlj 'a lum lu'um, 'ay yaln eb' yic sb'ab'l yamn jun smunljel cha.

2 Ti 4:2

Caw tzal-l spaxti Dios 'a scal eb' 'anma'. Toxn̈ej tznib'j eb' yab'i', toxn̈ej ma'ay, palta caw tzaln̈ej, caw tza montj eb'. Tza tench wan eb' 'a maysch'olnil, tza'n wal snab'enoc eb'. Caw niwn tzotj a c'ojl 'a eb', tza cuyn pax eb' 'a spaxti Dios.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

A Ch'an̈ Carta D'a Eb' Hebreo 13:24

Tic tzwa't stzatzl sc'ojl junjn eb' schecb' Dios tzex 'iln ta'. Tzwa'n pax 'at stzatzl e c'ojl e masnil ex yic xo Dios wet'oc. Yet' pax eb' 'aj Italia, tic tzya't pax eb' stzatzl e c'ojol.

A Ch'an̈ Carta D'a Eb' Hebreo 13:7

Tze na cot eb' laj 'e'nc ex scuyu', eb' laj aljnac 'el spaxti Dios 'ayex. Tze na coti, tas 'ajnc eb' yuj swach' b'eyb'al. 'Icha yutjnac eb' ya'n 'och sc'ojl 'a Dios, 'ixta tzeyutj e b'a jun xo.