1 Ti 5:14 - Chuj San Sebastian Bible

¹⁴ Yuj cha, tzin nib'ej a eb' cob'stac 'ix chamnc yichmil, wach' tzya'ch eb' yichmil jun 'ejm xo. 'Unewoc cab' eb', munlj cab' eb' 'a yol yatut. Toto 'ixta tzyutj sb'a eb', ax eb' 'ajc'ojl yajch 'ayon̈, matz tac' sb'uchwj eb' 'ayn̈ yuj eb' 'ix.

Chuj San Mateo Bible

¹⁴ Yuj chi', tzin nib'ej to a eb' ix unintac ix to scham yetb'eyum, más vach' syac'xioch yetb'eyum eb' ix. Aljocab' yune' eb' ix. Munlajocab' eb' ix d'a yol spat, yic a eb' ayoch ajc'olal d'ayon̈, maxtzac yal sb'uchvaj eb' d'ayon̈ yuj eb' ix.

1 Ti 5:14 ပူးပေါင်းရင်းမြစ်များ

Gn 18:6

Xlajw cha, x'och Abraham mu'c 'a yol smantiado, 'ix yaln 'a 'ix Sara 'ixtic: —¡C'olep! 'ij cot 'oxe'oc 'echtab'il 'ixm harina caw wach', tza b'on jaye'oc 'ixm wal ton̈j tzb'olx 'a stzac'ac', xchi.

Gn 18:9

Ax yic xlajw swa eb' cha, 'ix sc'anb'n eb' 'ixtc 'a Abraham: —¿'Ajtil 'ay 'ix estzil Sara? xchi eb' 'a 'a. —'Aych 'ix 'a yol qui mantiado tic on̈, xchi winac.

A Ch'an̈ Schab'l Libro Samuel 12:14

Palta yuj jun xa b'o tic, yuj cha, tu tas tzyal eb' 'anma 'ajc'ojl yajch 'a Jehová, atn yuj jun cha, ax scham win onnal tot x'alj cha, xchi Natán.

Pr 14:1

A 'ix 'ix jeln snab'en, caw tzb'o 'ix yol yatut, ax 'ix may snab'en, ton̈j tzwach' 'a'j lajwc 'ejm yol yatut cha.

Jeremías 29:6

'A'c 'och eyistzil, 'alj cab' eyunnal yet'oc, 'och cab' pax yistzil eb' eyunnal cha, 'alj cab' pax yunnal eb'. Q'uib' cab' e b'isl ta', man̈ 'emtoc cab' e b'isul.

Dn 6:4

Ax jun tzo'n̈ xo eb' yit gobernadoral cha, 'ix sayc' wal eb' tas tz'aj yemt 'a yopiso. Palta a Daniel cha, caw wal yiclum, wach' snab'en, pitz'n 'och sc'ojl 'a yopiso. Yuj cha, may jac smul x'ilch yuj eb' tz'a'n 'och 'a yib'n̈ cha, yic tzya'n queja eb'.

Ro 14:13

Yuj cha, man̈xtzac stac' laj qui b'eyc'ojlanc qui b'a. Yel xo wach' a junx tic tzqui b'o'ec, to caw wach' tzcutjec qui b'eyb'al yil eb' quit creyenteal, sec wach' may junc eb' 'oj 'ixtxoc cujec, may junc eb' 'oj somchjc 'el snab'en 'a screyenteal.

2 Co 11:12

Palta an̈j 'ijnocn̈ej 'oj wutc in b'a, 'ichan̈ej 'ec' wutjnac in b'a xon 'a e cal. Sec wach' a eb' tzsayc' tas tzyutj sb'an̈n sb'a, 'oj can eb' 'a yaln̈ wu'uj, yujto tzcob' yal eb', to lajn yopiso eb' quet' on̈.

1 Ti 2:8

Yuj cha, tzin nib'ej, tzleslwi eb' winc 'a junjn lugar. A eb' tzyij chan̈ sc'ab' sleslwi cha, yowlal caw wach' sb'eyb'al eb' 'a sat Dios. May cab' schichnc'ojlal eb'. Man̈ 'a'moc owl eb'.

1 Ti 4:3

'Oj cob' yal eb' 'ixtic: Caw 'ay yowlal, toto tz'och quistzil. 'Ay pax jun tzo'n̈ tas tzc'uxx to 'ay yowlal qui c'uxni, 'oj schic cob' eb'. Palta a Dios tzb'on smasnil jun tzo'n̈ cha, sec a tzqui c'uxc an̈ creyente on̈c tic, tzca'nec yuj diosal 'a Dios yu'uj, yujto cojquec xo jun cuynb'il caw yel.

1 Ti 5:11

Ax eb' cob'stac 'ix chamnc yichmil, man̈ a chach eb' scuentaoc iglesia. Yujto 'ay eb' cojn 'a tas tznib'ej, ata tzya'ch eb' snab'en, tzyactn can eb' Cristo. Cojxn junc xo yichmil eb' 'aj tzya'ch snab'en.

1 Ti 6:1

An̈jtona', tzwalb't 'aych yuj eb' creyente 'aych mosoal. Niwn cab' yel'ch spatron̈ eb' 'a sat, sec wach' ma'oj b'uchxoc Dios yuj sb'eyb'al eb'. Yet' jun tzo'n̈ cuynb'il 'aj tzca'ch qui nab'en, ma'oj b'uchxoc pax yuj eb'.

Tito 2:5

Yujto a eb' cob'stac 'ix, yowlal tzyac' cuenta sb'a eb'. Yowlal caw tojl tzyutj eb' sb'eyb'al. C'asn cab' tzyutj sb'a eb' ya'n cuenta yol yatut. Caw wach' tzyutj eb' snab'en 'a eb' yit 'anma'il. Tzyiclni pax eb' tas tzyal yichmil. Toto 'ixta tzyutj sb'a eb', ax spaxti Dios, ma'oj b'uchxoc yuj eb'.

Tito 2:8

Tojln̈ej tzotj a cuywj 'a eb', sec wach' matz tac' yaln eb', to maysch'olnil jun chi tzac' scuy eb'. Toto 'ixta', toxn̈ej 'ay eb' tzchichni, palta 'oj q'uixwc 'el eb', yujto may junc tas tztac' yaln eb' 'a qui patquil.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.