1 Jn 5:18 - Chuj San Sebastian Bible

¹⁸ Cojquec, toto yel yunnaln̈ec xo Dios, man̈x 'oj qui b'eylb'oquec maysch'olnil, yujto a Yunnal tzon̈ tan̈wniec. Yuj cha, man̈xtzac stac' on̈ yixtnec win diablo.

Chuj San Mateo Bible

¹⁸ Cojtac tato yel yuninal on̈xo Dios, maxtzac co b'eyb'alej chucal, yujto a Yuninal Dios tzon̈ tan̈vani. Yuj chi' max yal on̈ yixtan vin̈ diablo.

1 Jn 5:18 ပူးပေါင်းရင်းမြစ်များ

Salmos 119:101

'Ix wij 'el in b'a 'a jun tzo'n̈ b'eyb'al maysch'olnil, sec tztac' in yiclni a paxti'.

Salmos 119:3

atn eb' may jac maysch'olnil tzb'o'o, eb' to tzb'ey wal 'a stojlal.

Salmos 17:4

Xwij 'el in b'a 'a sb'eyb'al eb' tzcomn meltzj 'och 'a yit 'anma'il. Tzin yiclj wal 'icha yaj aln cani.

Salmos 18:23

Caw wach'n̈j xwutj in b'eyb'al 'a ojltac, yujto xwij 'el in b'a 'a maysch'olnil.

Salmos 39:1

An tic, tox xwala to tzin tan̈wj in b'a yet' in b'eyb'al, sec wach' matz 'och in mul yuj tas tzwala. 'Oj in tan̈wc in b'a 'a tas tzwala, ya' sb'a 'ayc' eb' 'anma tu sb'eyb'al 'a wojltac.

Pr 4:23

Tza ya'ilj a nab'en 'a yib'n̈ smasnil tas 'ay 'a yolyib'n̈q'uinl tic, yujto a 'a nab'en cha, a tzach 'i'n b'ey 'a swach'il mto 'a stu'al.

Lv 11:37

Q'uinloc tz'em sniwnal junc no chamnc noc' chi 'a yib'n̈ jun c'ajoc 'in̈at, a jun c'aj 'in̈t cha, wach'n̈ej.

Mt 5:37

Palta a yic tzex paxtini, n', xe chin̈ej, mto ma'ay, xe chi. Matz tac' e locn sb'i junc tas, yujto a 'a win diablo tzcot jun tzo'n̈ cha.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Jn 1:13

A yic tz'och eb' yunnalc Dios, 'icha to tzat 'alj eb'. Palta man̈ lajnoc 'icha tz'aj yalj junc 'anma'. Man̈ yujoc tas tznib'j junc 'anma', tz'alj eb'. Man̈ yujoc tas tznib'j junc winac, palta a Dios tz'i'n 'och eb' yunnaloc.

Jn 14:30

Man̈x niwnoc tas 'oj wal 'ayex, yujto wan sjaw win syajlil yolyib'n̈q'uinl tic. A win cha, may yaln win yic 'ayin.

Jn 15:4

Caw cann̈ecn̈ej wet'oc. An xo tic, 'oj in cann̈j pax eyet'oc. 'Icha junc sc'ab' te tz'el 'a snun, man̈xtzac stac' satni, 'ixta 'ex jun xo, toto matz ex can wet'oc.

Jn 15:7

Toto junn̈j tzex 'ajcn wet'oc, toto 'aychn̈ej e nab'en 'a in paxti', c'anc tas tze nib'ej, 'oj 'ajxoc 'ayex.

Jn 15:9

'Icha tzin schamc'ojlej qui Mam Dios, 'ixta tzex wutj ex in chamc'ojlan jun xo. Yuj cha, cann̈ecn̈ej 'a in chamc'ojlal tic.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

Santiago 1:18

On̈ laj yac' 'aljoc 'a scha'ejmal yet' spaxti caw yel, yujto 'ixta x'el 'a sc'ojol. 'Ixta tzon̈ yutjec, sec wach' yel xo wal xajn on̈c yuj 'a yib'n̈ smasnil jun tzo'n̈ xo tas b'ob'il yu'uj.

Santiago 1:27

Palta 'oj wal junx tic. Toto 'ay eb' 'unn chamnc smam snun, yet' eb' 'ix chamnc yichmil 'ay scusc'ojlal, yowlal tz'at quilc eb', tzon̈ colwjec 'a eb'. An̈jtona', yowlal tzquijec 'el qui b'a 'a tzann̈j maysch'olnil 'ay 'a yolyib'n̈q'uinl tic. Toto 'ixta tzcutjec qui b'a, ax qui Mam Dios, tzyila to caw yel 'aych qui c'ojl 'a 'a.

A Sb'ab'el Carta San Pedro 1:23

Yujto 'aljnacn̈ec xo 'a scha'ejmal. Man̈oc 'a qui mam qui nun, on̈ 'aljec paxi, yujto chamlb'an̈j yaj eb'. Palta yujn̈ej spaxti Dios on̈ 'aljec, yujto 'aj q'uinl yaji. A spaxti tic, 'ayc'n̈ej 'a jun 'ejmn̈ej.

1 Jn 2:29

Cojquec xoni to a Jesucristo, caw tojl snab'en. Yuj cha, tznachj pax 'el cujec, toto tojl tzcutjec pax qui nab'en yet'oc, to 'ixta', yunnaln̈ec xo Dios.

1 Jn 3:12

Yuj cha, matz tac' lajn tzcutjec qui b'a 'icha yutjnac sb'a win Caín. A win cha, yic win diablo winac. Yuj cha, smiln cham win jun yu'tac. 'Ixta yutjnac sb'a winac, yujto tojl snab'en jun yu'tac cha. Ax winac, man̈ tojloc snab'en.

1 Jn 3:3

Jantcn̈ej eb' tzya'ch Cristo yipc sc'ojl yuj jun xwal tic, wan swach' tojlb'tzan eb' snab'en, sec caw wach' eb' 'icha Jesucristo.

1 Jn 3:9

Toto yel yunnaln̈ec xo Dios, man̈x 'oj qui b'eylb'oc maysch'olnil, yujto jelb'ilx qui nab'enec yuj Dios, lajn x'aj 'icha yico'. A ticnec, man̈xtzac stac' qui b'eylb'anec maysch'olnil cha, yujto yunnaln̈ec xo.

1 Jn 4:6

Palta an̈ec xo tic, yic on̈c xo Dios. Yuj cha, a eb' yic xo Dios quet'ec, tzya'ch eb' schicn 'a tas tzcalec. Palta ax eb' man̈ yico'oc Dios, matz ya'ch eb' schicn 'a tas tzcalc 'a 'a. 'Ixta tzcutjec cojcan 'eli, mach eb' yel 'aych Yespíritu Dios 'a 'a, mach pax eb' 'aych yespíritu win 'a'm 'es 'a 'a.

1 Jn 5:1

An̈ec tzca'c 'och 'a qui c'ojol, to a Jesús atn Cristo, an̈ec ton yunnaln̈ec xo Dios. Q'uinloc 'ay junc mamb'il tzqui chamc'ojlej, to 'ixta', wan qui chamc'ojlan pax eb' yunnal.

1 Jn 5:15

Cojquec, a tz'ab'n qui lesal. Yuj cha, cojquec paxi to a tz'a'n tas tzqui c'anc 'a 'a.

1 Jn 5:19

Cojquec to yic on̈c xo Dios. Ax eb' yic yolyib'n̈q'uinl tic, c'uxn 'ayc' eb' 'a yol sc'ab' win diablo cha.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

1 Jn 5:21

Ex chamc'ojlb'il wu'uj, caw man̈ eya'ch e nab'en 'a jun tzo'n̈ tzalx 'och diosal. [Ya' cab'i'.]

1 Jn 5:4

A jun tzo'n̈ tas maysch'olnil 'a yolyib'n̈q'uinl tic, cannc xo 'a yaln̈ cuj an̈ yunnaln̈ec xo Dios tic. Yujto tzca'c 'och qui c'ojl 'a Dios. Yujn̈ej cha, tztac' ca'nec ganar scan jun tzo'n̈ chi 'a yaln̈ cujec.

San Judas 1:21

Caw tzeyil wal e b'a, sec ma'oj eyel 'a schamc'ojlal Dios. Qui tan̈wquec sjaw jun c'u, yic 'oj wach' 'o'ch sc'ojl Cajlil Jesucristo 'ayn̈ec, ax ya'n qui q'uinlec 'a jun 'ejmn̈ej.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

Apoc 2:13

[Wojtac, jantcn̈ej tas tze b'o'o.] Wojtac, to 'ayx 'ec' 'a jun chon̈b' 'aj tzyac' Satanás yajlil, palta an̈ja yiclum ex 'ayin. A Antipas, caw yel ya'jnac testigoal sb'a wu'uj. 'Ix milx cham 'a e cal, 'a 'aj 'ayc' Satanás cha, palta an̈ja ma'ix eyactj can eya'n 'och e c'ojl 'ayin.