1 Jn 3:17 - Chuj San Sebastian Bible

¹⁷ Q'uinloc 'ay tas 'ay 'ayn̈ec, ax tzquilnec junc quit creyenteal to caw 'ay tas sc'a'l tz'och yu'uj. Toto matz 'o'ch qui c'ojlec 'a 'a, may jac qui chamc'ojlalec 'a Dios tzyal cha.

Chuj San Mateo Bible

¹⁷ Q'uinaloc ay tas ay d'ayon̈, axo squilan junoc quetcreyenteal te meb'a', tato malaj jab'oc tas scac' d'ay, man̈ xajanoc co Mam Dios cuuj syal chi'.

1 Jn 3:17 ပူးပေါင်းရင်းမြစ်များ

Pr 12:10

A eb' wach' snab'en, tzya'ilj eb' scajb'en noc', ax eb' tu snab'en, caw tzyixtj eb' e no'.

Pr 14:31

Toto tzquixtjec eb' meb'a', caw tzqui patquiljec can 'el Dios, atn jun mach b'ojnac eb'. Palta toto tz'o'ch qui c'ojlec 'a eb', wan qui ch'oxnec 'eli to 'ay yel'ch Dios 'a qui satec.

Pr 19:17

A mach 'ela 'a eb' meb'a', 'icha to a 'a Jehová wan ya'n junc chi majnil, ax Jehová, a 'oj 'a'noc spac jun swach' nab'enal cha.

Pr 21:13

A mach matz chaj yab' tas tzc'an eb' meb'a', ax yic 'oj yalnc sb'a 'a Dios, ma'oj scha Dios yab' tas 'oj sc'an cha.

Pr 28:9

Toto 'ay junc mach matz nib'j yab' sley Dios, an̈jtona ma'oj yab' pax Dios slesal.

Lc 3:11

—Ax to 'ay cha'chb'oc e camix, tzeyac' junc 'a junc mach may yico'; yet' ex 'ay tas tze c'uxu, tzeyac' pax ja'jb'oc 'a eb' may yico', xchi 'a eb'.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

A Ch'an̈ Carta D'a Eb' Hebreo 13:16

Man̈ ca'c satc qui c'ojl qui b'on jun tzo'n̈ wach'il, tzon̈ colwjec pax 'a eb' quit 'anma'il. Yujto a jun tzo'n̈ tic, qui xajmb'al yaj 'a sat Dios, caw tzalj yet'oc.

Santiago 2:15

Q'uinloc 'ay junc quit creyentealec, caw may spichul, may jac tas tzc'uxu.

Santiago 2:16

Q'uinloc tzcalc 'ixtc 'a 'a: 'Ixic, may a pena. Q'uixnjan̈, b'ut'jan̈, q'uinloc xqui chic 'a 'a. Palta toto may jac tas tzca'c 'a 'a, 'a tas 'ay sc'a'l tz'och yu'uj, ¿tom 'ay yel'chi?

1 Jn 4:20

Toto tzcalec, to 'ay qui chamc'ojlalec 'a Dios, palta tzon̈ chichnec 'och 'a junc quit creyenteal, toto 'ixta', ton̈j tzca'c 'es. A eb' quit creyenteal, cojc yilx eb'. Yuj cha, toto matz qui chamc'ojlejc eb', ¿tast wal 'oj cutquec qui chamc'ojlanec Dios, yujto man̈ cojcoquec yilxi?

1 Jn 5:1

An̈ec tzca'c 'och 'a qui c'ojol, to a Jesús atn Cristo, an̈ec ton yunnaln̈ec xo Dios. Q'uinloc 'ay junc mamb'il tzqui chamc'ojlej, to 'ixta', wan qui chamc'ojlan pax eb' yunnal.