1 Jn 3:12 - Chuj San Sebastian Bible

¹² Yuj cha, matz tac' lajn tzcutjec qui b'a 'icha yutjnac sb'a win Caín. A win cha, yic win diablo winac. Yuj cha, smiln cham win jun yu'tac. 'Ixta yutjnac sb'a winac, yujto tojl snab'en jun yu'tac cha. Ax winac, man̈ tojloc snab'en.

Chuj San Mateo Bible

¹² Yuj chi' max yal-laj cutan co b'a icha yutejnac sb'a vin̈aj Caín. A vin̈ chi', a vin̈ diablo ay yic vin̈, yuj chi' smilnaccham vin̈ yuc'tac vin̈. Icha chi' yutejnac sb'a vin̈, yujto man̈ tojoloc sb'eyb'al vin̈, axo vin̈ yuc'tac vin̈ chi', tojol sb'eyb'al vin̈.

1 Jn 3:12 ပူးပေါင်းရင်းမြစ်များ

Gn 4:25

Ax win Adán, x'alj junx yunnal win yet' 'ix Eva, Set xyac' 'ix scuch win 'unn cha. Xyaln 'ix 'ixtic: A Dios x'a'n junx wune tic, sjelc win Abel mac'b'il cham yuj Caín, xchi 'ix.

A Ch'an̈ Schab'l Libro Samuel 13:22

An̈jtona Absalón may tas xyal 'a Amnón, wach'xam caw tzchichn sc'ojl Absalón chi 'a winac, yujto xyac' pural win yixtn 'ix yanb' win cha.

Salmos 37:12

A eb' tzb'on maysch'olnil, tzna eb' tas tzyutj yixtn eb' 'anma to wach' snab'en, tzjuch'ch'i ye eb' yiln can 'at yet' schichnc'ojlal.

Salmos 38:20

A tas wach' tzwutj 'a eb', tu tzyutj eb' spacn 'ayin; tzlaj 'och eb' 'ajc'ojlal 'ayin, yujto wach' tzwutj in b'eyb'al.

Pr 27:4

A c'a'lc'ojlal yel xo wal tu', niwn tas tzjuw 'el yu'uj. Ax pax chichnc'ojlal, toc 'ay mach tztac' scoln sb'a 'a 'a.

Pr 29:10

A eb' milm 'anma', tzpatquilx can 'el eb' wach' snab'en yuj eb', tznib'j eb' smil cham eb' wach' cha.

Pr 29:27

A eb' 'anma wach' snab'en, matz nib'j eb' yil eb' maysch'olnil snab'en; an̈jtona eb' maysch'olnil snab'en cha, matz nib'j eb' yil eb' wach' snab'en cha.

Mt 13:19

A jun tzo'n̈ 'in̈t stz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, chajtl tz'aj eb' yoch 'a yol sc'ab', palta matz nachj 'el yuj eb'. Ax win diablo tzc'och 'a eb', tzyi'n 'el win spaxti Dios 'a snab'en eb'.

Mt 13:38

Ax jun lum cha, tzyal 'el'chi atn yolyib'n̈q'uinl tic. A jun tzo'n̈ wach' 'in̈t cha, atn eb' 'anma 'ayx 'och 'a yol sc'ab' Dios. Ax jun tzo'n̈ 'ac trigo cha, atn eb' yic win diablo.

Mt 23:35

Yuj cha, a 'a eyib'n̈ 'oj jawc schaml smasnil eb' tojl snab'en 'ix milx cham 'a yolyib'n̈q'uinl tic, yictax xcham win Abel, jun tojl snab'en, masnto xc'och stiempoal xcham win Zacarías, win yunnal Berequías. Atn Zacarías chi chamnc yuj eb' e mam eyichm 'a snan̈l yatut Dios yet' jun yet'l xajmb'al.

Mt 27:23

—¿Tas wal junc maysch'olnil sb'o xeyila? xchi winac. Palta yel xo wal xq'ue b'uynjoc eb' yaln 'ixtic: —'Och cab' win 'a spenc culus, xchi eb'.

Mt 5:37

Palta a yic tzex paxtini, n', xe chin̈ej, mto ma'ay, xe chi. Matz tac' e locn sb'i junc tas, yujto a 'a win diablo tzcot jun tzo'n̈ cha.

Lc 11:51

Til wal eb' schecb' Dios milxnac chamoc, yictax smilx cham Abel masnto c'ochnc stiempoal scham Zacarías, atn win milxnac cham 'a snan̈l jun yet'l xajmb'al yet' scajnub' Dios. Palta an tzwal 'ayex, jantcn̈ej eb' milb'il cham cha, 'oj ya'ch Dios 'a eyib'an̈.

Jn 10:32

Palta xyaln pax 'ixtc 'a eb': —Til wal tas wach' xin b'o yuj spoder in Mam 'a e cal. ¿'Aja junc chi 'i'n tzin e nib'n in e jul chamoc? xchi 'a eb'.

Jn 8:40

A jun tzo'n̈ tas yel yaljnac Dios 'ayin, an̈j tzwal 'ayex. Palta 'in tze nib'j tzin e mil chamoc. Ax Abraham cha, may jun 'ejmoc sb'ojnac 'ixta'.

Jn 8:41

Ax tic, a tas tzb'o jun e mam, an̈j tze b'o yet'oc, xchi Jesús 'a eb'. —Palta an̈ tic on̈, man̈ mitz' 'unnoc caj on̈. Junn̈j qui mam on̈, atn Dios, xchi eb' 'a 'a.

A Tas Sc'ulejnac Eb' Schecab' Jesús Hechos 7:52

A eb' schecb' Dios pecti', c'uxn xlaj yab' eb' syal yuj eb' qui mam quichmec cha. 'Ay jun tzo'n̈ eb' aljnac cani, chajtlto 'oj jawc jun tojl snab'en, 'ix milx cham eb' yuj eb'. Ax yic 'ix jaw jun cha, ax xo xeya'ch 'a yol sc'ab' chamel, xeya'n milxc chamoc.

1 Ts 2:14

Ex wu'tac, ex wanab', caw lajn ex 'aj yet' eb' creyente 'a junjn yiglesia Dios 'a yol yic Judea. A eb' cha, yic xo Cristo Jesús eb' quet'ec. Caw xyab' eb' syal yuj eb' yit israelal. An̈jtona', 'ixta ex. Xeyab' syal yuj eb' eyit chon̈b' jun xo.

A Ch'an̈ Carta D'a Eb' Hebreo 11:4

A Abel, caw ya'jnac 'och Dios 'a sc'ojol. Yuj cha, a jun xajmb'al ya'jnac 'a Dios, caw wach' 'a yib'n̈ yic win Caín. Yuj cha, yaljnac Dios yu'uj, to wach' 'a sat, yujto caw xchaj jun xajmb'al cha. Wach'xam chamnc xo winac, palta 'icha to an̈ja tzat yal 'ayn̈ec, yujto ya'jnac 'och 'a sc'ojol.

A Ch'an̈ Carta D'a Eb' Hebreo 12:24

Ata 'ayc' pax Jesús, atn tz'a'n 'el'choc jun yac' trato Dios. Ax schiq'uil, a tz'i'n 'el qui mul 'ayn̈ec, 'icha to tzicx cot 'a quib'an̈. A schic'l cha, 'icha to a tzc'ann niwnc'ojlal 'a quib'n̈ec. Man̈ 'ichaoc schic'l win Abel, to tzc'an spac yuj schamlil.

A Sb'ab'el Carta San Pedro 4:4

Ax eb' man̈ 'ojtnacoc Dios, tzsat sc'ojl eb' ticnec, yujto man̈xtzac e mol b'oj jun tzo'n̈ caw maysch'olnil chi yet' eb'. Yuj cha, tzb'uchwj eb' 'ayex.

1 Jn 3:8

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.

San Judas 1:11

Caw 'oltac wal eb', yujto lajnn̈ej tzyutj eb' sb'eyb'al 'icha win Caín. Yujn̈ej tumin, tzchon̈n 'at sb'a eb', 'icha yutjnac sb'a win Balaam. 'Icha win Coré, milxnac chamoc, yujto cob' ya'jnac owl yet' Dios, 'ixta 'oj 'aj eb' smilx cham jun xo.

Apoc 17:6

Ax xwilni, caw 'u'm 'an̈ 'ix yuj schic'l eb' yic xo Dios, atn eb' milb'il chamoc, yujto xyac' eb' testigoal sb'a yuj Jesús. Xcaw sat in c'ojl wiln jun cha.