1 Jn 2:7 - Chuj San Sebastian Bible

⁷ Ex wu'tac, ex wanab', a jun checnb'il 'oj walb't 'ayx tic, man̈toc at 'ijnoc 'oj eyab' tic. Yujto a jun checnb'il tic, alb'ilx 'ayex yictax eyoch yico'oc Dios. Eyab'jnacx jun checnb'il tic pecti', chajtlto yowlal tzqui chamc'ojlejec qui b'a.

Chuj San Mateo Bible

⁷ Ex xajanab'il vuuj, a jun checnab'il svalb'at tic d'ayex, mantoc ato ticnaic ol eyab'i. Yujto a jun checnab'il tic, atax ix ex och yuninaloc Dios ix alji d'ayex. Eyab'nacxo jun checnab'il tic d'a peca' to yovalil sco xajanej co b'a.

1 Jn 2:7 ပူးပေါင်းရင်းမြစ်များ

Lv 19:18

An Jehová in, an tzwala. Man̈ e pac e b'a 'a eb' eyit 'anma'il. A eyico', to tze chamc'ojlej eb', 'icha wal tzeyutj eya'iln e b'a.

Lv 19:34

'Ay cab' yel'ch eb' 'ayex, tze chamc'ojlej eb', 'icha tzeyutj e chamc'ojlan e b'a. Yujto ax tic, 'e'nc ex cajn 'a scal eb' chuc chon̈b'al 'a Egipto.

Mt 5:43

'Ay 'aj xcab'c tas alb'il can pecti', 'a 'aj tzyal 'ixtic: Tze chamc'ojlej eb' wach' tzyutj sb'a 'ayex. Ax eb' 'ajc'ojl yajch 'ayex, tzex chichn 'och 'a eb', xchi.

Jn 13:34

'Ay junx 'ac' checnb'il 'oj walcn 'ayx ticnec: To tzlaj e chamc'ojloc e b'a junjn ex. 'Icha tzex wutj ex in chamc'ojlani, 'ixta tzlaj eyutc e chamc'ojlan e b'a jun xo.

A Tas Sc'ulejnac Eb' Schecab' Jesús Hechos 17:19

Ax eb' jeln cha, xyij 'at eb' Pablo 'a jun yune tzaln tzcuch Areópago, 'a 'aj tzyac' xon eb' sc'umjb'a. Xlajw sc'och eb' ta', 'ix sc'anb'n eb' 'a 'ixtic: —A jun 'ac' cuynb'il tzal-l tic, ¿tzam stac' cab'n smasnil?

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

A Ch'an̈ Carta D'a Eb' Hebreo 6:9

Palta ex chamc'ojlb'il cuj on̈, wach'xam xcalb't jun tzo'n̈ tic 'ayx on̈, tzca'ch yipc qui c'ojl on̈, to wan e chan swach'c'ojlal Dios. Yuj cha, cojc on̈, to 'ayx e colnb'il.

1 Jn 2:24

Yuj cha, a jun cuynb'il xcab'ec, yictax on̈ 'ochc yico'oc Dios, yowlal an̈j tzca'c 'och 'a qui c'ojl 'a smasnil tiempo. Toto 'ixta tzcutjec ca'n 'och 'a qui c'ojol, to 'ixta', junn̈j cajc yet' qui Mam Dios, junn̈j cajc pax yet' Yunnal.

1 Jn 3:11

A jun checnb'il 'oj walb't 'ayx tic, yictax eyoch yico'oc Dios, eyamn 'och eyab'n yalx 'ixtic: Yowlal tzqui chamc'ojlejec qui b'a, xchi jun checnb'il tic.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.

1 Jn 3:21

Ex wu'tac, ex wanb' chamc'ojlb'il wu'uj, toto cojquec, to wach' qui b'eyb'alec 'a sat Dios, matz on̈ xiwc qui leslwi 'a 'a.

1 Jn 3:23

Atn schecnb'il tic, to tzca'c 'och qui c'ojl 'a Yunnal, atn Jesucristo, tzlaj qui chamc'ojlanc pax qui b'a, 'icha yutjnac yaln can 'ayn̈ec.

1 Jn 4:1

Ex chamc'ojlb'il wu'uj, toto 'ay eb' tzalni to yic Dios jun tzo'n̈ tas tz'ec' yal eb', man̈ e comn chac eyab' mu'c 'a eb'. Yowlal tze b'ab'l 'a'j prowal eb', toto yel a Dios 'aych yet' eb'. Yujto til wal eb' 'a'm 'es 'ay 'a yolyib'n̈q'uinl tic. Tzcob' yalch sb'a eb' schecb'oc Dios.

1 Jn 4:11

Ex wu'tac, ex wanb' chamc'ojlb'il wu'uj, 'ixta on̈ yutjec Dios on̈ schamc'ojlani. Yuj cha, yowlal tzqui chamc'ojlejec qui b'a jun xo.

1 Jn 4:21

A aljnac can jun schecnb'il tic 'ayn̈ec, 'a 'aj tzyal 'ixtic: A eb' tzchamc'ojlan Dios, yowlal tzchamc'ojlej pax sb'a eb' yet' eb' yit creyenteal, xchi.

1 Jn 4:7

Ex wu'tac, ex wanb' chamc'ojlb'il wu'uj, caw qui chamc'ojloquec qui b'a, yujto a jun chamc'ojlal, a 'a Dios tzcoti. Toto tzqui chamc'ojlejec qui b'a, to 'ixta', yunnaln̈ec Dios, 'ojcab'ilx cujec.