1 Jn 2:24 - Chuj San Sebastian Bible

²⁴ Yuj cha, a jun cuynb'il xcab'ec, yictax on̈ 'ochc yico'oc Dios, yowlal an̈j tzca'c 'och 'a qui c'ojl 'a smasnil tiempo. Toto 'ixta tzcutjec ca'n 'och 'a qui c'ojol, to 'ixta', junn̈j cajc yet' qui Mam Dios, junn̈j cajc pax yet' Yunnal.

Chuj San Mateo Bible

²⁴ Yuj chi', a jun c'ayb'ub'al ix cab'i atax yic ix on̈ och yicoc Dios, yovalil scac'n̈ejoch d'a co c'ool. Tato icha chi' scutej cac'anoch d'a co c'ool, junxon̈ej ol on̈ aj yed' co Mam Dios, junxon̈ej ol on̈ aj pax yed' Yuninal.

1 Jn 2:24 ပူးပေါင်းရင်းမြစ်များ

Salmos 119:11

Tzin mol a paxti 'a in nab'en, sec matz 'och in mul 'ayach.

Pr 23:23

'A'c 'ip e sayn 'ec' tas yel, jelnal, cuynb'il yet' wach' nab'enal. A jun tzo'n̈ cha, man̈ e patquilc can 'eli.

Lc 9:44

—Cham wal eyab'n si'mb'il tas 'oj wal 'ayex: Man̈ eyac' sat 'a e c'ojol, yujto wach'xam 'Ochnc in 'Anma'il, palta 'oj wajx 'och 'a yol sc'ab' eb' 'ajc'ojol, xchi 'a eb'.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

Jn 15:7

Toto junn̈j tzex 'ajcn wet'oc, toto 'aychn̈ej e nab'en 'a in paxti', c'anc tas tze nib'ej, 'oj 'ajxoc 'ayex.

Jn 6:56

Tzann̈j eb' 'oj chinc in chib'jal tic, ax yu'n pax eb' in chic'l tic, junxn̈ej tz'ajcn eb' wet'oc. An xo tic, 'ayn 'och pax 'a eb'.

Jn 8:25

—¿Machch cob' jun? xchi pax ewin 'a 'a. —Palta 'in waljnacx 'ayx 'a yaln̈taxi, mach in.

A Scarta San Pablo D'a Eb' Aj Filipos 4:15

Ex 'aj Filipos, eyojc xoni, yic in yamn 'och waln 'el wach' 'ab'ix, yic in cot 'a Macedonia, cojn ex colwjnacx 'ayin. Cojn ex eya'jnac 'at in gasto ta'.

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

A Ch'an̈ Carta D'a Eb' Hebreo 2:1

Yuj cha, yowlal caw tzca'c 'och qui nab'en 'a jun tzo'n̈ cuynb'il xlaj cab'ec. Toto ma'ay, 'ay smay jab'jnal 'oj qui wach' juwc 'eli.

A Ch'an̈ Carta D'a Eb' Hebreo 3:14

Yujto yictax b'ab'el, ca'jnaquec 'och yipc qui c'ojol. Toto an̈ja te'n tzcutjec qui b'a ca'n 'och yipc qui c'ojol, masnto 'a slajub', to 'ixta', 'ay calnec quic yet' Cristo.

1 Jn 1:3

A jun quiljnac, cab'jnac spaxtin chi 'on̈, a tzcal 'ayx on̈, sec wach' junxn̈ej tzex 'aj quet' on̈. Yujto wal yel junxn̈ej cajc yet' qui Mam Dios. Junxn̈ej cajc pax yet' Yunnal, atn Jesucristo.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

1 Jn 2:7

Ex wu'tac, ex wanab', a jun checnb'il 'oj walb't 'ayx tic, man̈toc at 'ijnoc 'oj eyab' tic. Yujto a jun checnb'il tic, alb'ilx 'ayex yictax eyoch yico'oc Dios. Eyab'jnacx jun checnb'il tic pecti', chajtlto yowlal tzqui chamc'ojlejec qui b'a.

1 Jn 3:24

Toto tzqui yicljec jun tzo'n̈ schecnb'il, to 'ixta', junn̈j cajc yet'oc, junn̈j yaj pax quet' junjn on̈ec. Cojquec to 'aych 'ayn̈ec, yujto ya'jnac Yespíritu 'ayn̈ junjn on̈ec.

1 Jn 4:13

A 'a'jnac Yespíritu 'ayn̈ec, yuj cha, cojquec, to junn̈j cajc yet'oc, junn̈j yaj pax quet' junjn on̈ec.

1 Jn 4:15

A mach tzaln 'ixtic: A Jesús Yunnal Dios, toto xchi, junn̈j yaj yet' Dios, ax Dios junn̈j yaj pax yet'oc.

1 Jn 4:16

Tzca'c 'och 'a qui c'ojol, to a Dios tzon̈ chamc'ojlanec. Caw cojquec jun tic. A Dios 'ayn̈j schamc'ojlal. Yuj cha, toto 'ay qui chamc'ojlal jun xo, junn̈j cajc yet'oc, junn̈j yaj pax quet'ec.

2 Jn 1:2

'Ay qui chamc'ojlal 'ayx on̈, yujto a jun cuynb'il caw yel tic, 'aych 'a qui c'ojlec 'a jun 'ejmn̈ej.

2 Jn 1:9

Toto 'ay eb' tz'ec' 'a yib'n̈ jun tzo'n̈ cuynb'il yaljnac can Cristo, toto tzyactj can pax eb', to 'ixta', man̈ yico'oc Dios eb'. Palta toto an̈ja 'aych qui nab'enec 'a jun tzo'n̈ cuynb'il cha, toto 'ixta', yic on̈c qui Mam Dios, yic on̈c pax Yunnal.

3 Jn 1:3

A yic xwul yalnc eb' cu'tac 'ayn o'oj, caw xjaw in tzaljc'ojlal 'a tic. Yujto xwul yal eb', to caw 'aych ab' a nab'en 'a jun cuynb'il caw yel. Cojn jun ab' yel tic tza b'eylb'ej.

Apoc 3:11

Jab'xoj 'oj in c'ochxi. Yuj cha, an̈ja wach' tzeyutj e b'eyb'al 'icha ex xoni, sec may mach 'oj stac' yi'nc 'ec' spac eyico'.

Apoc 3:3

Yuj cha, nac cot jun tzo'n̈ cuynb'il 'aj eya'jnac 'och e c'ojl 'a yic yalan̈. Nac e b'a, 'a'c pax 'och e nab'en jun 'ejm xo 'a 'a. Toto matz e b'o e b'eyb'al, 'oj in c'och 'ayex. 'Icha sc'och junc 'elc'um, may mach 'ojtnac, janc' tzc'ochi, 'ixta 'oj in c'och 'ayex.