1 Jn 2:20 - Chuj San Sebastian Bible

²⁰ Palta a Cristo 'a'jnac Yespíritu Dios 'ayx quet' on̈. Yuj cha, cojquec qui masnil jun cuynb'il caw yel.

Chuj San Mateo Bible

²⁰ A Cristo ac'annacoch Yespíritu Dios d'ayex qued'oc, yuj chi' cojtac jun c'ayb'ub'al yel co masanil.

1 Jn 2:20 ပူးပေါင်းရင်းမြစ်များ

Salmos 16:10

Yujto ma'oj actc can in pixn 'a scal eb' chamnac, ma'oj a cha c'a in niwnal an sic'b'iln 'el oj tic.

Salmos 23:5

Lajn ach 'icha junc mach tz'a'n 'och sq'uin̈. A tas yel xo wach' a tzyac' sc'ux junc swach'c'ojol. Tzch'oxn 'eli to niwn yel'ch jun swach'c'ojl chi 'a 'a. Tzya'n sobra tas tzyac' yuc'. 'Icha jun swach'c'ojl cha, 'ixta tzin otj 'a yojltac eb 'ajc'ojl yajch 'ayin. Til wal a yaxilal tzac' 'a wib'an̈.

Salmos 45:7

A jun tojl nab'enal, caw wach' 'a a sat, ax jun tzo'n̈ tas maysch'olnil, caw yajb'il o'oj. Yuj cha, a Dios, atn a Diosal 'ix ya' jun niwn tzaljc'ojlal 'ayach. Yel xo niwn a tzaljc'ojlal 'ay 'a yib'n̈ eb' ajun et'oc.

Salmos 71:22

An xo tic, 'oj wal wach' paxti 'ayach. A wal a tojlal, 'oj in b'itnoc yet' arpa yet' pax salterio. Ach tic in Diosal ach, Cojxn ach toni.

Salmos 92:10

Palta ach tza'ch wip 'icha no simron wacax, ach 'ix ac' in tzaljc'ojlal.

Pr 28:5

A eb' 'anma maysch'olnil, toc tznachj 'el tas tojl yuj eb', ax pax eb' tzya'ch sb'a yico'oc Jehová, tznachj 'el yuj eb'.

Is 43:3

An Jehová in, e Diosal in, e colmal waji, Cojxn In Ton e Diosal In. An 'ix wa'ch Egipto, Etiopía, yet' chon̈b' Seba e mannb'iloc.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Lv 7:35

A 'a no xajmb'al tz'ajx tz'a 'a yojltac Jehová cha, ata tz'elt yic Aarón yet' eb' yunnal, yictax sc'ul yic si'x can 'och eb' ya'malc 'och sti eb' 'anma chi 'a Dios.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

Mr 1:24

—¿Tas aln ec 'ayn̈ ach Jesús 'aj Nazaret? ¿Tom tzach jaw wul on̈ a satcn 'el on̈? Wojc ach, ach tic, sic'b'ilch 'el yuj Dios, xchi win 'a 'a.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Lc 4:34

—Jesús 'aj Nazaret, 'actj on̈ can on̈. ¿Tas aln ec 'ayn̈ on̈? ¿Tom tzach jaw wul on̈ a satcn 'el on̈? Wojtac mach ach, ach tic sic'b'ilch 'el yuj Dios, xchi win 'a 'a.

Jn 14:26

A qui Mam Dios 'oj checnc cot Yespíritu 'ayx in jeloc. A 'oj colwjoc eyet'oc. 'Oj ex scuy 'a smasnil tas. 'Oj yac' e na cot jantcn̈ej tas waljnacx 'ayex.

Jn 16:13

At 'a yic 'oj jawc Yespíritu Dios caw yel, at 'oj 'a'nc nachjc 'el smasnil tas yel eyu'uj, yujto man̈ munoc 'oj yal 'a yol yico'. Jantcn̈ej tas 'oj alxc 'a 'a, an̈j 'oj yala'. 'Oj yal pax 'ayex, yuj tastc tot 'oj jawoc.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 3:14

A Jesús cha, yicn̈ej Dios yaji, caw tojl sb'eyb'al. Palta ax tic, ma'ix e chaj 'el 'a libre. Ax jun win ma'm cham 'anma xe c'an 'elt sjeloc.

1 Co 2:15

Palta an̈ec 'ayx 'och Yespíritu Dios 'ayn̈ec, tztac' qui b'eyc'ojlanec smasnil tas, toto wach' 'a sat Dios, mto ma'ay. Palta may junc 'anma tztac' tzon̈ b'eyc'ojlani.

A Ch'an̈ Carta D'a Eb' Hebreo 1:9

Tza chamc'ojlej tas tojol, ax maysch'olnil, caw yajb'il 'el o'oj. Yuj cha, ach si'n 'elt Dios, atn jun a Diosal. 'Ix yac' jun a tzaljc'ojlal to 'ec'b'al 'a yib'n̈ yic eb' et yajlil, xchi 'a Ch'an̈ U'un̈.

A Ch'an̈ Carta D'a Eb' Hebreo 8:11

Man̈x yowlalc 'ayt junc mach 'oj alnc 'a junc xo yit chon̈ab', mto 'a junc yican, sec tzin yojquej 'eli. Yujto c'uxn 'oj in yojcoc 'el xon eb' ta'. wach'xam eb' 'unin, wach'xam eb' caw 'ichm 'anma xo, c'uxn 'oj in yojcoc 'el eb'.

1 Jn 2:27

A Jesucristo 'a'jnac Yespíritu 'ayn̈ junjn on̈ec. Yuj cha, man̈ yowlalc chuct junc 'anma tzon̈ cuynec, yujto a Yespíritu tzon̈ cuynec 'a smasnil tas. A jun tzo'n̈ cuynb'il tzyac' 'ayn̈ec, caw yel, may junc 'es 'aych 'a scal. Yuj cha, yowlal junn̈j tzon̈ 'ajc yet' Cristo, yujto 'ixta yaj yaln Yespíritu 'ayn̈ec.

1 Jn 4:13

A 'a'jnac Yespíritu 'ayn̈ec, yuj cha, cojquec, to junn̈j cajc yet'oc, junn̈j yaj pax quet' junjn on̈ec.

San Judas 1:5

A jun 'oj walb't 'ayx tic, eyojc xoni. Palta tzin nib'j tze na cot jac wet'oc. A eb' wit israelal 'a pecti', colchjnac 'elt eb' smasnil 'a Egipto yuj Cajlilec. Palta xlajw cha, satcn 'el nan̈l eb' ma'ix ya'ch sc'ojl 'a 'a.

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic:

Apoc 4:8

A chan̈wn̈ eb' cha, waque sc'axl junjn eb'. Ax sniwnal eb', nab'a yol sat sb'a. Sc'ual yac'wlil yaln eb' 'ixtic: A Cajlilec, atn qui Diosalec, caw Cojxni, smasnil tas tzta'n̈j yu'uj. 'Ayc'n̈ej tax 'a yic pecti', 'ayc' ticnec, atn jun 'oj jawoc, xchi eb'.