1 Jn 2:17 - Chuj San Sebastian Bible

¹⁷ A yolyib'n̈q'uinl tic, yet' jantcn̈ej maysch'olnil tznib'j 'och eb' 'anma', wan slajw 'eq'ui. Palta a eb' tzb'on 'icha tznib'j Dios, pitzn eb' 'a jun 'ejmn̈ej.

Chuj San Mateo Bible

¹⁷ A jun yolyib'an̈q'uinal tic yed' juntzan̈ snib'ejoch eb' anima chi' d'ay, eq'uelb'an̈ej yaji. Palta tato sco c'ulej icha sgana Dios, pitzan on̈ d'a juneln̈ej yed'oc.

1 Jn 2:17 ပူးပေါင်းရင်းမြစ်များ

Salmos 102:26

Smasnil jun tzo'n̈ tic, 'oj lajwc 'eq'ui, palta ach xo tic, 'aychn̈ej 'eq'ui. Smasnil jun tzo'n̈ tic, 'oj 'ichmaxc eb' 'icha te pichul. Ach 'oj a satli. 'Icha tzyac' junc mach tzjul-l junc spichul, 'ixta wal 'oj otoc.

Salmos 143:10

Cuyn 'a tas 'icha tza nib'ej, yujto in Diosal ach. Ax Espíritu wach', a cab' tzin quetzn b'ey 'a jun b'e caw wach'.

Salmos 39:6

An̈ 'anman̈ tic, lajn yec' qui q'uinl 'icha wewen. Nab'an̈ej tzquixtj qui b'a qui molb'tzan qui ricoal, ax tz'aji, chucx mach 'oj lajnoc.

Salmos 90:9

A yowl a c'ojol, a tzon̈ satn 'el on̈. A jaye ab'il qui q'uinl tic on̈, lajn wal yec' 'icha tzcutj qui'n quic' jun 'ejmoc.

Pr 10:25

A yic tzjaw yailal 'icha junc chacxuxm 'ic', tzsatcn 'el eb' maysch'olnil sb'eyb'al yu'uj, ax eb' wach' sb'eyb'al, te'nn̈ej yaj eb' 'a jun 'ejmn̈ej.

Mt 21:31

A ticnec, tzin c'anb'j 'ayex, ¿mach junc eb' 'unnab'il chi tzyiclni 'icha tznib'j smam cha? xchi Jesús 'a ewinac. —Atn win b'ab'l 'unn chi tzyiclni 'icha tznib'j smam cha, xchi ewinac. Yuj cha, xyaln pax Jesús 'ixtc 'a ewinac: —Wal yel tzwal 'ayex, toto 'ayx 'oj eyoch 'a yol sc'ab' Dios, a wal eb' tecm 'el tumin, yet' eb' 'ix 'ajmul 'ix, 'oj b'ab'l 'och eb' 'ayex.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Mt 7:21

'Ay eb' tzaln 'ayn 'ixtic: Mamin, Mamin, xchi eb', palta man̈ smasniloc eb' 'oj 'och 'a yol sc'ab' jun 'aj satcha'an̈. Cojn eb' tzb'on 'icha tznib'j in Mam 'ayc' 'a satchan̈ cha, cojn eb' 'oj 'ochoc.

Mr 3:35

Yujto tzann̈j mach tzyiclni 'icha tznib'j Dios, atn wal eb' 'icha wu'tac, 'icha wanab', 'icha in nun, xchi Jesús 'a eb'.

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Jn 6:58

Ticnec, wan waln yuj jun 'icha wal cotnc 'a satcha'an̈. A jun tic, man̈ lajnoc yet' jun maná sc'uxjnac eb' qui mam quichmec 'a pecti'. Niwnoc cob' sc'uxjnac eb', palta 'in chamnc pax eb'. Palta a eb' 'oj wanc jun 'icha wal tic, 'oj scha eb' sq'uinl 'a jun 'ejmn̈ej, xchi Jesús 'a eb'.

Jn 7:17

Toto 'ay mach tzyal sc'ojl tzb'o 'icha tznib'j Dios, 'oj nachjoc 'el yu'uj, to yic Dios jun tzo'n̈ cuynb'il tic, man̈ munoc tzwal 'a yol wico'.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

1 Co 7:31

An̈jtona', yet' eb' tzc'anlb'an jun tzo'n̈ tas 'a yolyib'n̈q'uinl tic, man̈ocn̈ej 'a jun tzo'n̈ chi tzya'ch eb' snab'en. Yujto a jun yolyib'n̈q'uinl tzquilc tic, to wan yeq'ui.

A Scarta San Pablo D'a Eb' Aj Colosas 1:9

Yuj cha, yictax cab'n eyab'xil on̈, ma'ix cactj can xon qui leslwi eyuj on̈. To tzqui c'an 'a Dios eyuj on̈, sec a tz'a'n e jelnal yuj Yespíritu, tzya'n nachjc 'el smasnil yic Dios eyu'uj, sec wach' 'oj eyojcoc 'el si'mb'il, tas tznib'j 'ayex.

A Scarta San Pablo D'a Eb' Aj Colosas 4:12

A jun eyit chon̈b' Epafras tic, 'aych ya'malc servil Cristo wet'oc. Yelc'ojlal caw tzleslwi eyu'uj, sec tzex wach' te'nb'i, sec wach' cojxn wal jun tzo'n̈ tas tznib'j Dios 'aj tze wach' 'a'j 'och e nab'en.

1 Ts 4:3

A jun tzo'n̈ tas 'oj walb't 'ayx tic, tznib'j Dios to tzqui yicljec. Yowlal caw an̈j 'a tzca'c 'och qui nab'en. Caw matz tac' qui b'onec 'ajmulal.

1 Ts 5:18

Caw tzlaj eya'n̈j yuj diosal 'a Dios, yaln̈ej tas tzjaw 'a eyib'an̈. 'Ixta tznib'j Dios tzqui b'o'ec, yujto yic on̈c xo Cristo Jesús.

A Ch'an̈ Carta D'a Eb' Hebreo 10:36

Yowlal niwn tzeyutj e c'ojol, sec 'oj stac' e b'on jantcn̈ej tas tznib'j Dios, ax e chan tas 'aj ya'jnac can sti'.

Santiago 4:14

Palta 'in man̈ cojcoquec tas cajc q'uic'an. A qui q'uinlec 'a yolyib'n̈q'uinl tic, yajn̈ej tz'eq'ui. Lajn 'icha xob' lu'um, junn̈j rato tzlajw q'ue wa'an.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

A Sb'ab'el Carta San Pedro 4:2

Yuj cha, 'ixta cab' tzcutjec qui b'a, sec wach' 'oj qui b'oc 'icha tznib'j Dios, ya' sb'a 'ayn̈ect 'ec' 'a yolyib'n̈q'uinl tic. Man̈x 'oj qui b'oc 'icha tznib'j qui niwnalec tic.