1 Cr 9:31 - Chuj San Sebastian Bible

³¹ Ax jun levita tzcuch Matatías, sb'ab'l 'unnal Salum, yin̈tl Coré, 'aych 'a yib'n̈ sb'on jun tzo'n̈ 'ixm niwc pan tz'ajx ofrendail.

Chuj San Mateo Bible

³¹ Axo jun vin̈ levita scuchan Matatías, b'ab'el yuninal vin̈aj Salum, yin̈tilal vin̈aj Coré, a vin̈ sb'oan ixim pan tz'ac'ji ofrendail.

1 Cr 9:31 ပူးပေါင်းရင်းမြစ်များ

Gn 19:3

Palta ax Lot, 'ix tew 'och 'a eb', c'ojnc'ojnil 'ix 'at eb' 'a yatut Lot cha. 'Ix sb'on tas wach' tzc'ux eb', xya'n pax b'o span eb' may yich; caw wach' 'ix 'aj eb' swa'i.

1 Cr 23:29

atn 'ixm pan tz'em tzolan, 'ixm harina tz'ajx ofrendail, 'ixm c'oxx pan may yich, jun tzo'n̈ xo ofrenda tzb'o 'a yol xalten, 'ixm harina caln yaj yet' aceite, tzya'n cuenta pax eb' smasnil jun tzo'n̈ 'echtab'.

1 Cr 9:17

A eb' tan̈wm puerta: atn Salum, Acub, Talmón, Ahimán, yet' jun tzo'n̈ xo yican eb'. A Salum cha, a yajl yaj 'a yib'n̈ eb'.

1 Cr 9:19

A Salum, yunnal Coré, yixchicn Ebiasaf, yin̈tl Coré, yet' jun tzo'n̈ xo yican eb', atn eb' coreita, a eb' 'aych 'a yib'n̈ stan̈wni spuertail yatut Dios, 'icha yutjnac eb' smam yichm eb' stan̈wni spuertail scajnub' Jehová 'a pecti'.

1 Cr 9:22

A sb'isl eb' tztan̈wni puerta sic'b'il 'eli, 'ay 212 eb' 'a smasnil, tz'ib'b'il can eb', a tzyal yin̈tl junjn macn̈ 'aj cajan. A rey David yet' Samuel atn schecb' Dios, a eb' x'a'n 'och eb' 'a yopiso to niwn yel'ch tic.

1 Cr 9:26

Palta 'ay chan̈wn̈ eb' levita niwn yel'ch yopiso, a eb' 'aych 'a yib'n̈ stan̈wni jun tzo'n̈ cuarto yet' a 'aj tzmolx q'uen tumn to yic yatut Dios yaji.

Lv 2:5

Toto a junc ofrenda cha, mayb'il 'a yol xalten, b'ob'il cab' 'a 'ixm harina caw wach', calb'il cab' yet' aceite, palta may cab' yich.

Lv 2:7

Toto tz'an̈b'il junc ofrenda chi 'a yol chen, b'ob'il cab' yet' 'ixm harina caw wach', calb'il cab' pax yet' aceite.

Lv 6:14

A jun tzo'n̈ checnb'il tzalx tic, atn tas tz'aj yajx ofrenda tz'ijx 'el 'a 'ixm sat trigo mto 'ixm cebada. A eb' ya'mal 'och sti eb' cha, a eb' tz'i'n 'och 'a wojltac an Jehová in, 'a 'aj 'ayc' yet'l xajmb'al.

Lv 6:21

A 'a yojl junc xalten tzb'o jun ofrenda cha, wach' tz'aj sc'anb' 'a scal aceite, tzlajw cha, tzb'uychtax 'a yic tz'ajx ofrendail. Caw wach' sjab' jun tzo'n̈ chi tzwab' an Jehová in.