1 Cr 9:22 - Chuj San Sebastian Bible

²² A sb'isl eb' tztan̈wni puerta sic'b'il 'eli, 'ay 212 eb' 'a smasnil, tz'ib'b'il can eb', a tzyal yin̈tl junjn macn̈ 'aj cajan. A rey David yet' Samuel atn schecb' Dios, a eb' x'a'n 'och eb' 'a yopiso to niwn yel'ch tic.

Chuj San Mateo Bible

²² A sb'isul eb' stan̈van spuertail cajnub' sic'b'ilel chi', 212 eb' tz'ib'ab'ilcani icha tas yin̈tilal junjun macan̈ b'aj cajan eb'. A vin̈aj rey David yed' vin̈aj Samuel schecab' Dios ac'jinaccanoch eb' d'a yopisio nivan yelc'och chi'.

1 Cr 9:22 ပူးပေါင်းရင်းမြစ်များ

1 Cr 28:13

An̈jtona', 'ix ya'n pax slistail tas 'oj 'aj sjaw eb' ya'mal 'och sti eb' 'anma 'a Dios, yet' eb' levita, yic tzyi'n 'elt eb' yopiso yet' smasnil tas 'oj sb'o eb' 'a yatut Jehová cha, yet' slistail smasnil syamc'ab'il yic tz'och 'emmquilal ta'.

1 Cr 28:21

A ticnec, a eb' ya'mal 'och sti eb' 'anma 'a Dios yet' eb' levita, junjn macn̈ eb', caw wal tzya'ch eb' 'a sc'ojl smunlj 'a smasnil munljel tic. An̈jtona', yet' smasnil eb' mun tz'el 'a sc'ojl smunlji, eb' jeln snab'en smunlj 'a tzann̈j munljelal, eb' yajl yaji, yet' pax smasnil eb' chon̈ab', caw 'oj syiclc eb' smasnil a checnb'il, xchi rey David 'a Salomón.

1 Cr 29:29

A yab'xil tas sb'ojnac rey David cha, yictax 'ix 'el yich masnto 'a slajub', ata tz'ib'b'il can 'a eb' ch'an̈ libro tz'ib'b'il can yuj eb' schecb' Dios, atn Samuel, Natán, yet' pax Gad.

1 Cr 9:16

Obadías, yunnal Semaías, yixchicn Galal yin̈tl Jedutún yet' Berequías, yunnal Asa, yixchicn Elcana. Ata 'e'nc cajn eb' 'a yaldeail yic eb' netofatita.

1 Cr 9:23

Atn eb' yet' eb' yunnal, tz'och 'a stzol-l stan̈wni spuertail yatut Jehová, tzyal 'el'chi, atn scajnub'.

1 Cr 9:31

Ax jun levita tzcuch Matatías, sb'ab'l 'unnal Salum, yin̈tl Coré, 'aych 'a yib'n̈ sb'on jun tzo'n̈ 'ixm niwc pan tz'ajx ofrendail.

2 Cr 23:19

An̈jtona', 'ix ya'n pax 'och stan̈mal sti spuertail yatut Jehová, sec wach' man̈ comnoc tz'och eb' 'anma to man̈ wach'c yaji.

2 Cr 31:15

A eb' levita, atn Edén, Miniamín, Jesúa, Semaías, Amarías yet' Secanías, atn eb' 'ix colwj yet' Coré 'a smasnil sc'ojol, yic tzpojx 'ec' ofrenda 'a schon̈b' eb' ya'mal 'och sti eb' 'anma 'a Dios, a tzyal smacquixtacl yaj eb', eb' 'ichm 'anma', yet' eb' 'unin.

2 Cr 31:18

A 'a jun lista cha, tz'ib'b'il eb' cotc 'unin, eb' 'ix 'istzilab'il, eb' 'unnab'il, yet' eb' 'ix 'islab'il, tzyal 'el'chi, smasnil mach 'aych 'a yaln̈ schecnb'il eb', yujto 'a smasnil sc'ojl eb' spojn 'ec' eb' jun tzo'n̈ ofrenda 'ac'b'il 'a Dios cha.

Nehemías 12:44

A 'a yic jun c'ul cha, 'ay jun tzo'n̈ eb' x'ajx 'och yopiso stan̈wni yet'l 'aj tzmolx ofrenda, atn sb'ab'l sat 'awb'en, yet' diesmo, a tzyal jantc tas tzcot 'a junjn lugar 'a yol yic junjn chon̈ab'. A jun tzo'n̈ cha, yic eb' ya'mal 'och sti eb' 'anma 'a Dios, yet' jun tzo'n̈ xo eb' levita, yujto a eb' chon̈ab' caw wal tzalj eb' yet' eb', yujto tz'a'w servil eb' 'a yatut Dios.

A Ch'an̈ B'ab'el Libro Samuel 9:9

(A 'a pecti', toto 'ay junc eb' quit chon̈b' tznib'j sc'anb'c junc tas 'a Dios, 'ixtc tzyutj eb' yalni: Cotn̈ec, 'at quilc win tztac' yiln junc tas, xchi eb'. Ax ticnec schecb' Dios sb'i eb'. A 'a pecti cha, win Tztac' yiln junc tas, 'ixta sb'i jun chi yuj eb'.)