1 Cr 9:1 - Chuj San Sebastian Bible

¹ 'Ixtn tic 'ajnc stz'ib'x can smasnil eb' israel 'a ch'an̈ slibroal yic yab'xil eb' sreyl chon̈b' Israel. Palta a pax eb' 'anma 'ay 'a Judá, 'ix 'ijx 'at eb' 'icha presoal 'a Babilonia, yuj smaysch'olnilal eb'.

Chuj San Mateo Bible

¹ Icha tic ix aj stz'ib'chajcan masanil eb' israel d'a stzolal tas yaj yin̈tilal eb' b'aj aycan yab'ixal eb' sreyal Israel. A eb' anima ay d'a Judá, ic'chajnacb'at eb' d'a Babilonia yuj schucal.

1 Cr 9:1 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 14:19

A jun tzo'n̈ xo yab'xil win Jeroboam, 'icha yuj jun tzo'n̈ tas xlaj sb'o', yet' 'aj xlaj yac' owal, yet' yuj tas xyutj ya'n reyal, ata tz'ib'b'il can smasnil 'a ch'an̈ libro yic yab'xil eb' sreyl Israel.

A Ch'an̈ Schab'il Libro Yic Yab'ixal Eb' Rey 24:14

'Ix ya'n win 'ijxoc 'at smasnil eb' cajn 'a Jerusalén, eb' 'aych yajlil, eb' soldado to caw wal jelan, eb' josmte' yet' eb' tenm q'ue'en. Lajn̈e mil eb' x'ijx 'at 'icha presoal yu'uj. Cojxn̈ej eb' meb'a xcan 'a jun nacion̈ cha.

A Ch'an̈ Schab'il Libro Yic Yab'ixal Eb' Rey 24:15

'Ix ya'n pax win 'ijxoc 'at win rey Joaquín yet' snun, yet' eb' yistzil, yet' eb' 'aych 'a yopiso yet'oc, yet' pax eb' niwn yel'ch 'a jun nacion̈ cha. 'Ix 'ijx 'at eb' 'a Babilonia cha.

A Ch'an̈ Schab'il Libro Yic Yab'ixal Eb' Rey 24:16

Uque mil eb' soldado jeln ya'n owal, jun mil eb' tenm q'ue'en, yet' eb' josmte', 'ix 'ijx 'at eb' 'icha presoal.

1 Cr 8:40

Ax eb' yunnal Ulam, soldadon̈ej eb', caw te'n eb', yojc eb' sjulwj yet' jul-lab'. Til wal yunnal yet' yixchiquin. 'Ay 150 eb' 'a smasnil. Smasnil jun tzo'n̈ eb' tic, yin̈tln̈ej Benjamín eb'.

2 Cr 33:11

Yuj wal cha, xya'n cot Jehová eb' syajlil eb' soldado yic sreyl Asiria, 'ix yamchj Manasés yuj eb', xya'n 'och eb' q'uen gancho 'a sn̈i', sjaln eb' yet' cadena to nab'a bronce, xyi'n 'at eb' 'a chon̈b' Babilonia.

Esdras 2:1

Atn sb'isl eb' 'aj Judá 'ijxnac 'at 'icha presoal 'a Babilonia yuj rey Nabucodonosor. A yic 'ix lajw stiempoal yajc' eb' 'a jun lugar cha, 'ix meltzj eb' 'a Jerusalén, yet' 'a jun tzo'n̈ xo lugar 'a yol yic Judá. Junjn eb', xlaj c'ochx can eb' 'a 'aj 'aycn schon̈ab'. Ax eb' xjucb'tzan eb': Atn Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum yet' Baana.

Esdras 2:59

Eb' yin̈tl Delaías, yet' eb' yic Tobías, yet' eb' yic Necoda 'ay 652 eb' 'a smasnil. A eb' cha, ma'ix stac' sch'oxn 'el sb'a eb' toto israel eb' yuj yin̈til. Atn eb' xcot 'a Tel-mela, 'a Tel-harsa, 'a Querub, 'a Addán, yet' 'a Imer.

Nehemías 11:1

A eb' yajl 'a jun nacion̈ tic, 'ix can cajn eb' 'a Jerusalén; ax jaywn̈ xo eb' chon̈ab', xya'ch eb' suerte, sec wach' a junc n̈al 'a junjn lajn̈e n̈ail, tz'at cajn 'a Jerusalén, atn jun chon̈b' yic Dios yaji. Ax junx b'aln̈e n̈ail, tzcancn 'a jun tzo'n̈ xo chon̈b' 'a b'esan.

Nehemías 7:5

Xlajw cha, xya'n Dios in na', to tzwac' syam sb'a eb' niwc winac, eb' 'aych yajlil yet' eb' chon̈ab', yic tz'ib'x eb' 'a yol libro, a tzyal yin̈tl smam yichm eb'. 'Ix 'ilchj pax ch'an̈ libro 'aj tz'ib'b'il can sb'i smam yichm eb' 'a yaln̈taxi. Ata tz'ib'b'il can eb' tic:

Is 3:2

'Oj yi'l pax Jehová eb' yajl yaj 'a eb' soldado, yet' eb' soldado caw jeln 'a owal, eb' juez, eb' schecb' Dios, eb' 'a'm nab'en yet' eb' yichm wincal chon̈ab',

Jeremías 13:19

A jun tzo'n̈ chon̈b' 'a Neguev, tox 'ix 'och oyn eb' 'ajc'ojl 'a eb', man̈x 'a mach 'oj stac' sjacn 'och sb'a ta'. Smasnil eb' 'aj Judá, 'oj 'ijxc 'at eb' 'icha presoal.

Jeremías 39:9

Ax 'a slajub', a Nabuzaradán scomandanteil eb' stan̈mal win sreyl Babilonia, a 'ix 'i'n 'at smasnil eb' 'anma 'aj chon̈b' chi 'icha presoal, atn eb' xcant can 'a yol chon̈b' cha, yet' pax eb' xya'ch sb'a yet' eb' 'aj Babilonia.

Dn 1:2

A Dios a 'ix 'a'n 'ajxc ganar win rey Joacim yet' schon̈b' yuj win rey Nabucodonosor cha. 'Ix ya'n pax 'ajxc 'och jun tzo'n̈ syamc'ab'il yatut Dios 'a yol sc'ab' win rey cha. Ax yic 'ix japx win 'a Babilonia, 'ix ya'n 'och win jun tzo'n̈ yamc'ab' chi 'a yol yatut sdiosal. 'Ix yi'n cot win jun tzo'n̈ eb' 'aj Judá chi 'icha presoal.