1 Cr 6:71 - Chuj San Sebastian Bible

⁷¹ Ax 'a eb' yin̈tl Gersón, a tzyal jantc sb'isl eb', ata 'ix 'ajx chon̈b' Golán 'ay 'a yol yic Basán, yet' chon̈b' Astarot yet' ya'lical junjn chon̈b' 'aj tzwa scajb'en noc' eb'. A chab' chon̈b' cha, ata 'ay 'a yol yic spacl eb' yin̈tl Manasés.

Chuj San Mateo Bible

⁷¹ Axo d'a eb' vin̈ yin̈tilal vin̈aj Gersón, icha syal jay macan̈ yaj eb', ix ac'chaj chon̈ab' Golán d'a yol yic Basán, chon̈ab' Astarot yed' b'aj syal sva noc' smolb'etzal noc' eb'. A chab' chon̈ab' chi' ay d'a yol smacb'en Manasés d'a stojolal b'aj sjavi c'u.

1 Cr 6:71 ပူးပေါင်းရင်းမြစ်များ

1 Cr 6:70

Ax 'a jaywn̈ xo eb' yin̈tl Coat xcani, ata 'ix 'ajx chon̈b' Aner chon̈b' Bileam, yet' ya'lical junjn chon̈b' 'aj tzwa scajb'en noc' eb' 'a yol yic spacl eb' yin̈tl Manasés.

1 Cr 6:72

An̈jtona', 'ix 'ajx pax jun tzo'n̈ xo chon̈b' 'a eb', 'a yol yic eb' yin̈tl Isacar: atn Cedes, Daberat, Ramot yet' Anem, yet' pax ya'lical junjn chon̈b' 'aj tzwa scajb'en noc' eb'.

Dt 1:4

A yic mantzac yal Moisés jun tzo'n̈ tic, 'emnc xo win Sehón sreyl eb' amorreo yuj eb' israel. Ata cajn win 'a chon̈b' Hesbón. 'Ix 'em pax win Og sreyl Basán yuj eb'. Ata cajn win 'a Astarot yet' 'a Edrei.

Dt 4:43

A jun tzo'n̈ chon̈b' cha, atn eb' tic: chon̈b' Beser, 'a span̈nil lum cusltac lum 'a 'aj xcan eb' yin̈tl Rubén; chon̈b' Ramot, 'a yol yic Galaad, 'a lum 'aj xcan eb' yin̈tl Gad; yet' pax chon̈b' Golán, 'a yol yic Basán, 'a lum 'aj xcan spacl eb' yin̈tl Manasés.

Josué 13:31

'Ix yij eb' spacl xo lum Galaad, lum Astarot yet' pax lum Edrei, atn schon̈b' win Og sreyl Basán. A smasnil jun tzo'n̈ lum tic, xyique'ej eb' yin̈tl win Maquir yunnal Manasés, a tzyal jayc'aj eb' 'a smacl cha.

Josué 20:8

Ax 'a junx sc'axpil 'ec' a Jordán, 'a stojlal 'aj tzq'uel c'u 'a Jericó, ata si'l eb' 'oxe xo chon̈b' tic: Béser 'ay 'a lum span̈nil yic cusltac lu'um, 'a yol yic eb' yin̈tl Rubén. Ramot 'a yic Galaad, 'a yol smacb'en eb' yin̈tl Gad. Golán 'a yol yic Basán, 'a yol smacb'en eb' yin̈tl Manasés.

Josué 21:27

Ax 'a eb' yin̈tl Gersón, win yunnal Leví, a 'a eb' x'ajx 'oxlajn̈e chon̈b' yet' swalab' no cajb'en noc' 'a junjn chon̈b' cha. 'A yol smacb'en spacl xo eb' yin̈tl Manasés ata x'elt chab' xo chon̈b' cha: Atn Golán, 'ay 'a yol yic Basán, 'aj tzcol sb'a eb' tzmiln junc 'anma', yet' chon̈b' Beestera. Ax 'a yol smacb'en eb' yin̈tl Isacar, ata x'elt chan̈e xo chon̈ab': Atn Cisón, Daberat, Jarmut yet' En-ganim. 'A 'a yol smacb'en eb' yin̈tl Aser, ata x'elt chan̈e xo chon̈ab': Atn Miseal, Abdón, Helcat yet' Rehob. 'A yol yic Neftalí, ata x'elt 'oxe xo chon̈ab': Atn Cedes 'ay 'a yol yic Galilea, 'aj tzcol sb'a eb' tzmiln junc 'anma'. X'ajx pax Hamot-dor yet' Cartán 'a eb' cha.

Josué 21:6

X'ajx pax yic jun tzo'n̈ xo eb' yin̈tl Leví, eb' cotnc yin̈tl 'a win Gersón, 'oxlajn̈e schon̈b' eb' x'ajxi. Ata x'elt 'a yic eb' yin̈tl Isacar, 'a eb' yic Aser, 'a eb' yic Neftalí, yet' 'a spacl xo eb' yin̈tl Manasés 'ayc' 'a lum Basán.

Josué 9:10

'Ix cab' speclal tas x'aj chawn̈ eb' sreyl eb' amorreo yu'uj, eb' cajn 'a sc'axpil 'ec' sti a Jordán, atn win Sihón sreyl Hesbón yet' win Og sreyl Basán, cajn 'a chon̈b' Astarot.