1 Cr 6:62 - Chuj San Sebastian Bible

⁶² Ax pax 'a eb' yin̈tl Gersón, a tzyal jantc sb'isl eb', ata 'ix 'ajx 'oxlajn̈e chon̈b' 'a yol yic eb' yin̈tl Isacar, Aser, yet' Neftalí, yet' pax 'a yol yic Manasés, atn eb' lum 'ay 'a yol yic Basán.

Chuj San Mateo Bible

⁶² Axo pax d'a eb' vin̈ yin̈tilal vin̈aj Gersón, icha jay macan̈ yaj eb', 13 chon̈ab' ix ac'chaj d'a eb'. A juntzan̈ chon̈ab' chi' ay d'a yol smacb'en eb' yin̈tilal Isacar, eb' yic Aser, eb' yic Neftalí yed' d'a yic eb' Manasés ay d'a stojolal b'aj sjavi c'u, aton d'a Basán.

1 Cr 6:62 ပူးပေါင်းရင်းမြစ်များ

1 Cr 6:48

A jun tzo'n̈ xo yican eb', atn jun tzo'n̈ xo eb' yin̈tl Leví, a eb' cha, 'ix can eb' yilmalc smasnil 'opiso 'a yatut Dios yictax 'ayc' eb' 'a lum cusltac lu'um.

1 Cr 6:61

Ax 'a jun tzo'n̈ xo eb' yin̈tl Coat, ata 'ix 'ajx lajn̈e chon̈b' 'a suerteal 'a eb'. Ata x'elt lum 'a yol yic spacl xo eb' yin̈tl Manasés.

1 Cr 6:63

Ax pax 'a eb' yin̈tl Merari, a tzyal jantc sb'isl eb', ata 'ix 'ajx lajchwe chon̈b' 'a suerteal 'a eb', 'a yol yic eb' yin̈tl Rubén, Gad yet' Zabulón.

Ex 2:22

'Ix 'alj jun yune 'ix; Gersón xyac' Moisés sb'ioc, yujto 'ix yal 'ixtic: Chuc chon̈b'al wajl 'a jun lugar tic, xchi.

Josué 21:6

X'ajx pax yic jun tzo'n̈ xo eb' yin̈tl Leví, eb' cotnc yin̈tl 'a win Gersón, 'oxlajn̈e schon̈b' eb' x'ajxi. Ata x'elt 'a yic eb' yin̈tl Isacar, 'a eb' yic Aser, 'a eb' yic Neftalí, yet' 'a spacl xo eb' yin̈tl Manasés 'ayc' 'a lum Basán.

Josué 21:7

Xlajw cha, x'ajx pax yic jun tzo'n̈ xo eb' yin̈tl Leví, eb' cotnc yin̈tl 'a win Merari, lajchwe schon̈b' eb' x'ajxi. Ata x'elt 'a yic eb' yin̈tl Rubén, 'a eb' yic Gad, yet' 'a eb' yic Zabulón.