1 Cr 6:54 - Chuj San Sebastian Bible

⁵⁴ Atn jun tzo'n̈ lugar tic 'aj 'ix can cajn eb' yin̈tl Aarón, yet' 'a 'aj tzc'och smon̈jonal. A eb' yin̈tl Coat 'ix chaj eb' jun b'ab'l macn̈ 'a suerteal, ax pax eb' yin̈tl Aarón, yujto yin̈tl pax Coat eb'.

Chuj San Mateo Bible

^54-60 Aton juntzan̈ chon̈ab' tic yed' smacb'en b'aj ix cajnaj eb' vin̈ yin̈tilal vin̈aj Aarón. Ix och suerte d'a yib'an̈ eb' vin̈. A d'a eb' vin̈ yin̈tilal vin̈aj Coat ix em jun b'ab'el macan̈, yuj chi' a chon̈ab' Hebrón d'a yol yic Judá, a ix can d'a eb' vin̈ yed' sluumal d'a spatictac b'aj sva noc' smolb'etzal noc' eb' vin̈. Palta a juntzan̈ yaldeail yed' sluumal d'a spatictac chi' ac'b'il d'a vin̈aj Caleb yuninal vin̈aj Jefone. A d'a eb' vin̈ yin̈tilal vin̈aj Aarón chi' ix ac'chaj Hebrón, aton jun chon̈ab' chi' b'aj syal scolan sb'a eb' smilancham junoc anima man̈ sc'anoc sc'ool. Ix ac'jipax juntzan̈xo chon̈ab' tic d'a eb': Libna, Jatir, Estemoa, Hilén, Debir, Asán yed' Bet-semes. A juntzan̈ chon̈ab' chi', a d'a yol yic Judá ay. Axo d'a yol yic Benjamín ix ac'chaj juntzan̈xo chon̈ab' tic: Geba, Alemet yed' Anatot. A juntzan̈ chon̈ab' chi', 13 d'a smasanil, ix cann̈ej yed' sluumal d'a spatictac b'aj syal sva noc' smolb'etzal noc' eb'.

1 Cr 6:54 ပူးပေါင်းရင်းမြစ်များ

Gn 25:16

Atn sb'i eb' lajchwan̈ yunnal Ismael tic. A sb'i ewin chi x'och sb'ic slu'um, lum 'aj xcan cajn junjn ewinac. Junjn eb', yajl x'ajcn eb' 'a junjn schon̈b' cha.

Nm 3:27

A eb' yin̈tl Coat, chan̈ macn̈ yaj eb', atn eb' yic Amram, eb' yic Izhar, eb' yic Hebrón yet' eb' yic Uziel.

Nm 31:10

Sn̈usn can tz'a eb' schon̈b' eb' 'anma cha, yet' yaldeail.

Josué 21:10

A eb' yin̈tl Leví x'i'n can jun tzo'n̈ tic, eb' cotnc 'a yin̈tl Coat, win smam 'ichm Aarón; a eb' sb'ab'l chaj yico'.