1 Cr 5:8 - Chuj San Sebastian Bible

⁸ yet' Bela, yunnal Azaz yixchicn Sema. A Sema cha, atn yunnal Joel. A Bela cha, ata 'e'nc cajn 'a Aroer. A slu'um, tzc'och to lum 'a Nebo, yet' 'a Baal-meón.

Chuj San Mateo Bible

⁸ vin̈aj Bela yuninal vin̈aj Azaz, yixchiquin vin̈aj Sema, yin̈tilal vin̈aj Joel. A vin̈aj Bela chi' yed' yin̈tilal vin̈, ix cajnaj eb' d'a Aroer, ix c'och smacb'en eb' chi' d'a Nebo yed' d'a Baal-meón.

1 Cr 5:8 ပူးပေါင်းရင်းမြစ်များ

1 Cr 5:4

Eb' yin̈tl Joel 'a stzolil: atn Semaías, Gog, Simei, Micaía, Reaía, Baal yet' Beera. A Beera cha, yajl yaj 'a scal eb' yin̈tl Rubén, atn win 'ijxnac 'at 'a 'icha presoal yuj Tiglat-pileser sreyl chon̈b' Asiria.

Is 15:2

Ax eb' 'anma 'aj Dibón, 'oj q'ue'choc eb' 'o'c 'a jun n̈a 'aj tzyam sb'a 'a lum jolm tzalan. Caw 'oj cus sc'ojl eb' 'aj Moab yuj tas 'oj 'aj satl chon̈b' Nebo yet' Medeba. Smasnil eb' winac, 'oj sjoxl eb' xil sjolom yet' xil sti yuj sch'oxn 'el eb' scusc'ojlal.

Is 17:2

Ax jun tzo'n̈ chon̈b' 'a Aroer, 'oj can eb' 'a cusltacl 'a jun 'ejmn̈ej. 'Oj 'ochcn swalab'oc no cajb'en noc'. 'Oj wa e no noc' chi 'a tzaljc'ojlal ta', man̈x 'a tas 'oj xib'tn eb'.

Ez 25:9

Yuj cha, 'oj in jac jun b'e 'a smon̈jonal Moab, ax slajw 'el jun tzo'n̈ chon̈b' caw nib'jub'tac yilxi, atn chon̈b' Bet-jesimot, Baal-meón yet' Quiriataim.

Nm 32:34

Yuj cha, 'ix sb'on pax chan̈ eb' yin̈tl Gad chon̈b' Dibón, Atarot, Aroer, Atarot-Sofán, Jazer, Jogbeha, Bet-nimra yet' Bet-arán. Sb'on 'och eb' smuroal, sb'on pax eb' scol-l scalnelu cha.

Dt 32:49

'Ixc 'a lum switzl Abarim, tzach q'ue'ch 'a sjolm lum witz tzcuch Nebo, lum 'ay 'a yol yic eb' moabita, 'a yojltac Jericó. Ata tzelcn 'at lum Canaán, lum 'oj wac' yico'oc eb' et chon̈b' tic.

Dt 34:1

'Ix 'at Moisés 'a lum cusltac lum 'a yol yic Moab, 'ix q'ue'ch 'a sjolm lum witz tzcuch Nebo, 'a lum switzl Pisgá, lum 'ay 'a yojltac Jericó. Ata 'ix sch'oxcn 'at Jehová yil Moisés lum slum Galaad, masnto 'aj tzc'och lum yic Dan,

Josué 12:2

A jun rey b'ab'l 'emnc cha, atn win Sihón sreyl eb' amorreo cajn 'a chon̈b' Hesbón. A smacb'en 'aj xyac' yajlil, tz'eln̈j yich 'a chon̈b' Aroer, jun 'ay 'a sti a a tzcuch Arnón, tz'ec' 'a spacl snan̈l lum span̈nil sti a Jaboc, atn a 'aych smon̈jonoc lum slum eb' yin̈tl Amón, (tzyal 'el'chi atn nan̈loc lum yic Galaad).