1 Cr 5:20 - Chuj San Sebastian Bible

²⁰ 'Ix 'och Dios yet' eb', yuj cha, 'ix 'ajx ganar eb' agareno yet' eb' 'aych yet' eb'. 'Ix can eb' 'a yol sc'ab' eb', yujto a yic wan ya'n eb' owl cha, 'ix sc'an eb' scolwal Dios. 'Ix colwj Dios yet' eb', yujto 'ix ya'ch eb' sc'ojl 'a 'a.

Chuj San Mateo Bible

²⁰ Ix yac'och Dios eb' yipoc sc'ool, ix sc'anan scolval Dios chi' eb'. Ix spacan tas ix sc'an eb', yuj chi' ix ac'jioch eb' agareno yed' eb' ayoch yed' eb' d'a yol sc'ab' eb' israel chi'.

1 Cr 5:20 ပူးပေါင်းရင်းမြစ်များ

Gn 25:21

A 'ix Rebeca cha, may yune 'ix, ax Isaac xleslwi 'a Jehová yic tzya'n Dios yunnal eb'. Ata xyab' Jehová slesal, yuj cha, scuchn chan̈ 'ix Rebeca chi yune b'i'an.

Gn 49:19

Ach xo ach tic Gad, 'oj c'och ewin 'ajc'ojl 'ayach, yic tzya'n eb' owl et'oc, palta 'oj 'at eb' 'elc 'ayach.

A Ch'an̈ B'ab'el Libro Yic Yab'ixal Eb' Rey 22:32

Ax yic xyiln sb'a eb' scapitan̈il eb' soldado chi 'a win Josafat, a snan ewinac to a win sreyl eb' israel cha, yuj cha, 'ix yoyn sb'a ewin 'a winac yic tzya'n eb' owl chi yet'oc. 'Ix ya'n 'el win Josafat yaw.

1 Cr 5:21

Xlajw cha, 'ix yi'n 'at eb' jantcn̈ej no scajb'en noc' eb' 'ajc'ojl yajch 'a eb' cha, 'ay 50 mil no cameyo, 250 mil no calnelu, chab' mil no b'uru, yet' pax jun ciente mil eb' 'anma 'ix yij 'at eb' 'icha presoal.

1 Cr 5:22

Til wal eb' 'ajc'ojl chi 'ix chami, yujto a jun owl cha, a Dios 'ay yico'. 'Ixta x'aj scan cajn eb' 'a jun tzo'n̈ slugar cha, masnto 'ix 'ijx 'at eb' 'a 'icha presoal.

2 Cr 13:18

Yuj cha, caw 'emmquilal xoj xyutj sb'a eb' israel 'a yic jun tiempoal cha. A eb' yic Judá caw xyac' ganar eb' 'a yib'n̈ eb' cha, yujto xya'ch eb' sc'ojl wal 'a Jehová, atn sDiosal eb' yet' eb' smam yicham.

2 Cr 18:31

Ax eb' scapitan̈il jun tzo'n̈ caruaje cha, a yic xyiln eb' Josafat, a snan eb' to a sreyl Israel, yuj cha, 'ix yoyn 'och sb'a eb' 'a spatquil, yic tzya'n eb' owl yet' snani. Yuj cha, caw 'ix 'el yaw Josafat sc'ann colwal, 'ix colwj Jehová yet'oc. A Dios chi 'ix 'i'n 'el eb' capitan̈ chi 'a 'a.

2 Cr 20:12

Ach qui Diosal on̈, 'el cab' 'a a c'ojl a'n 'och yailal 'a yib'n̈ eb'. Yujto an̈ tic on̈, may wal quip yic tzqui te'wtzan qui b'a 'a sat eb' soldado caw niwn sb'isl cha, atn eb' tznib'j tzyac' owl quet' on̈. Man̈ cojcoc tas 'oj cutc qui b'a on̈, yuj cha, a wal 'aych tzca'ch qui nab'en, xchi win rey 'a Dios.

2 Cr 26:7

A Dios 'ix colwj yet'oc, yic 'ix ya'n owl yet' eb' filisteo yet' eb' árabe cajn 'a Gur-baal, yet' eb' amonita.

2 Cr 33:13

Ax yic xleslwi cha, 'ix yab'n Dios slesal, 'ix ya'n meltzjc pax 'a Jerusalén yet' 'a yopiso. Yuj cha, xyojcan 'el Manasés to a Jehová Dios toni.

Esdras 8:23

Yuj wal cha, on̈ 'och 'a c'ajb'c'ojlal, xqui c'ann 'a Dios to tzon̈ stan̈wj 'a yol b'e, 'ix yab'n pax qui lesl chi 'on̈.

Salmos 37:39

A Jehová a tzcolwj yet' eb' 'anma tojl snab'en; a yic tzjaw yailal 'a yib'n̈ eb', a 'a tzcol sb'a eb'.

Salmos 37:40

A 'oj colnc 'el eb', 'oj colxoc can 'el eb' yuj 'a yol sc'ab' eb' maysch'olnil, yujto a 'aych yipc sc'ojl eb'.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Salmos 9:10

A eb' tox ach 'ojcan 'eli, 'aych 'och yipc sc'ojl eb', may b'a'n̈ tzactj can eb' tzc'ann a colwal.

Ex 17:11

Ax 'ix 'aji, a yic tzyi'n chan̈ Moisés sc'ab' 'a cha'an̈, caw tzyac' ganar eb' israel chi eb' amalecita cha. A yic tzyi'n 'ejm Moisés sc'ab', ax eb' amalecita chi tz'a'n pax ganar eb' israel cha.

Pr 29:25

Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.

Jeremías 39:18

An tzwala, yujto in a'ch yipc a c'ojol, yuj cha, 'oj ach in col-l 'a yol sc'ab' eb', sec ma'oj ach smil cham eb', xchi Dios, xa chi 'a winac, xchi 'ayin.

Dn 6:23

Yuj cha, caw stzalj chan̈ win rey chi si'mb'il, xya'n win 'ijxoc q'uet Daniel chi 'a yol yet'l e no león cha. Ax yic xq'uel yuj eb', 'ix yiln eb' caw may jac tas lajwnac 'a 'a, yujto xya'ch sDiosal yipc sc'ojol.

Nahúm 1:7

Caw wach' snab'en Jehová, colnb'il yaj 'a yic 'ay junc yailal. A eb' tzya'ch sc'ojl 'a 'a, caw tzcolx eb' yu'uj.

Ef 1:12

An̈ tic on̈, qui b'ab'l 'a'jnac 'och Cristo yipc qui c'ojl on̈. Yuj cha, x'el 'a sc'ojl Dios to cuj on̈, tzalx wach' paxti 'a 'a, chajtlto caw niwn swach'il.

Josué 10:14

May juncxo c'u 'aj 'ix uj 'icha jun tic, may 'aj ujnac 'a yic pecti', may pax 'aj 'ix uj jun 'ejmocx 'a spatquil xo, yic xyab'n Dios tas xyal junc 'anma', yujto a xcolwj yet' eb' israel 'a owal.

Josué 23:10

A junc on̈ec tic, tztac' s'at 'elc junc mil eb' cu'uj, yujto a Jehová a tz'a'n owl cujec, 'icha wal yaj ya'n can sti'.

A Ch'an̈ B'ab'el Libro Samuel 19:15

Palta 'ix schecb't Saúl chi eb' soldado chi jun 'ejm xo yic tz'at saync 'ec' eb' David cha, xyaln 'a eb' 'ixtic: —Wach'xam t'ocn 'ec' win 'a sat sch'at, cojnto tzeyij 'elta, tzeyi'n cot 'ayin yic tzin miln chamoc, xchi.

A Ch'an̈ B'ab'el Libro Samuel 7:12

Xlajw cha, 'ix yi'n cot Samuel jun q'uen niwquil q'ue'en, 'ix ya'n can 'ejm 'a snan̈l Mizpa yet' Sen. 'Ix ya'n can scuch Eben-ezer, xyaln 'ixtic: 'Ix colwjn̈ej Jehová quet'ec masnto 'a jun c'u tic, xchi.