1 Cr 4:41 - Chuj San Sebastian Bible

⁴¹ Palta a 'a yol stiempoal Ezequías sreyl Judá, ata xjaw jun tzo'n̈ eb' tox 'ix b'inax sb'i tic. 'Ix satx 'el eb' 'anma cajn ta yuj eb', yet' scamplamento eb', yet' pax yatut eb', jun 'ejmn̈ej 'ix sat 'ejm smasnil, masnto ticnec. A eb' xcajn can slum eb' cha, yujto caw 'ay te c'ultc caw yax 'aj wach' swa scajb'en noc' eb'.

Chuj San Mateo Bible

⁴¹ A d'a stiempoal vin̈aj Ezequías sreyal Judá, ata' ix javi juntzan̈ eb' toxo ix b'inaj sb'i tic. A eb' satjinaquel eb' anima cajan ta' yed' scampamento eb' yed' spat eb'. Juneln̈ej ix satel eb' smasanil. Axo eb' ix cajnajcan d'a slum eb' chi', yujto te ay svael noc' smolb'etzal noc' eb'.

1 Cr 4:41 ပူးပေါင်းရင်းမြစ်များ

1 Cr 4:33

yet' smasnil yaldeail jun tzo'n̈ chon̈b' cha, masnto 'a Baalat. Atn 'a jun tzo'n̈ lugar chi 'aj cajn eb'. Atn slistail sb'i yin̈tl eb' tic.

1 Cr 5:22

Til wal eb' 'ajc'ojl chi 'ix chami, yujto a jun owl cha, a Dios 'ay yico'. 'Ixta x'aj scan cajn eb' 'a jun tzo'n̈ slugar cha, masnto 'ix 'ijx 'at eb' 'a 'icha presoal.

2 Cr 14:15

An̈jtona', 'ix 'och pax eb' 'a 'aj 'ay no cajb'il noc'. Til wal no calnelu, no cameyo 'ix yij eb'. 'Ixta to b'i'an 'ix paxt eb' 'a Jerusalén.

2 Cr 20:1

Xlajwn̈ej yec' jun tiempoal, ax eb' moabita yet' eb' amonita junn̈j 'ix yutj sb'a eb' yet' eb' meunita yic tzya'n eb' owl yet' eb' 'aj Judá.

2 Cr 26:7

A Dios 'ix colwj yet'oc, yic 'ix ya'n owl yet' eb' filisteo yet' eb' árabe cajn 'a Gur-baal, yet' eb' amonita.

Jeremías 49:20

'Ab'c wal tas tox xin na 'an Jehová in tic 'a yib'n̈ chon̈b' Edom, a wal tas xin na 'a yib'n̈ eb' cajn 'a Temán, to 'oj 'ijxoc 'at yunnal eb', ax slan̈chj 'ejm yatut eb' 'a yib'an̈.

A Tas Sc'ulejnac Eb' Schecab' Jesús Hechos 17:26

Atn b'ojnac jun b'ab'l winac, yin̈tl junjn chon̈b'al. Yuj cha, 'ayn̈j 'anma 'a smasnil yolyib'n̈q'uinl tic. An̈j tzalni, 'aja tiempoal tzq'ue wan junjn chon̈b'al. A tz'a'n slugar junjn chon̈b'al eb' 'anma 'aj tzcan cajan.

Jueces 10:12

yuj eb' sidonio, yuj eb' amalecita, yuj pax eb' maonita. Ax yic xeyaln e b'a 'ayin, ex in coln can 'elt 'a yol sc'ab' eb'.