1 Cr 4:10 - Chuj San Sebastian Bible

¹⁰ 'Ix leslwi win 'a qui Diosalec an̈ israel on̈c tic, 'ix yalni: Tzin tew 'aych Mamin, to tzac' a yaxilal 'a wib'an̈. Tzin nib'j to niwquil in lu'um, tzin nib'j tzach 'och pax wet'oc, yic tzin a coln 'el 'a yailal, sec wach' matz in 'ixtxi, xchi 'a slesal. Ax Dios 'ix 'a'n tas 'ix sc'an cha.

Chuj San Mateo Bible

¹⁰ A vin̈aj Jabes chi', ix och vin̈ ejmelal d'a sDiosal Israel, ix yalan vin̈ d'ay: Tzin c'an d'ayach Mamin to tzac' a vach'c'olal d'a vib'an̈, yic nivan tz'aj in macb'en, to tzach och ved'oc tzin a colanel d'a chucal, yic vach' max vab' syail, xchi vin̈ d'a slesal chi'. Ix yac'an Dios masanil tas ix sc'an vin̈ chi'.

1 Cr 4:10 ပူးပေါင်းရင်းမြစ်များ

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Gn 12:8

Xlajwn̈ej cha, 'ix cotxi, axta 'ix japx 'a eb' lum jolmctac witz 'a snan̈l chon̈b' Bet-el yet' chon̈b' Hai. Ata x'aj cajan. A chon̈b' Bet-el cha, ata 'ay 'a stojlal 'aj tz'em c'u. Ata 'ix sb'o junx yet'l xajmb'al, 'a 'aj tzyal sb'a 'a Jehová.

Gn 28:20

Atn 'a jun lugar chi 'aj 'ix ya'cn Jacob sti', 'ix yaln can 'ixtic: Toto tz'och Dios wet'oc, tzin stan̈wni 'a 'aj tzin 'at tic, tzya'n tas 'oj in c'uxu', tzya'n pax in pichul,

Gn 28:21

toto wach' in c'ojol, ax in meltzj pax cot 'a yatut in mam, to 'ixta', a Jehová tz'och in Diosaloc.

Gn 32:26

Xyaln 'ixtc 'a Jacob: —'Actj in 'eli, yujto wan sacb'i, xchi. Xyaln win Jacob 'a 'a: —Matz ach wactj 'eli, toto matz alcn junc wach' paxti 'a wib'an̈, xchi.

Gn 32:27

—¿Tas a b'i? xchi jun winc cha. —Jacob in b'i, xchi.

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Gn 33:20

Sb'on pax jun yet'l xajmb'al ta', xya'n sb'ic El-Elohe-Israel.

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

1 Cr 16:8

Calc yuj diosal 'a Jehová. Qui b'inoquec sb'i. Calc 'el yab'xil 'a smasnil eb' chon̈b' yuj tastc b'ob'il yu'uj.

1 Cr 4:11

A Quelub, yu'tac Súa, a 'ay yunnal Mehir, ax Mehir, a 'ay yunnal Estón.

1 Cr 4:9

A Jabes cha, 'ixtc 'ix 'ajx sb'ic yuj snun yujto 'ix yal 'ix 'ixtic: Yet' wal yailal x'aj yalj jun wune tic, xchi 'ix. Caw niwn yel'ch Jabes cha 'a yib'n̈ eb' yu'tac.

Job 12:4

Ex in wach'c'ojol, wach'xam an tic may in mul, may pax in paltail; wach'xam xyab' pax Dios waln in b'a 'a yic yaln̈ cha, palta ax ticnec, ton̈j tzin e tzetzej.

Salmos 119:173

Lista cab' yaj a c'ab' in a colni, yujto tzin nib'j jun tzo'n̈ a checnb'il tic.

Salmos 121:7

'Oj on̈ scolc 'a yol sc'ab' maysch'olnil, ax on̈ scolnec 'a yol sc'ab' chamel.

Salmos 145:19

A eb' yiclum 'ayach, tzac' tas tznib'j eb'. A yic tzc'ann eb' a colwal, yajn̈j cha, tzach colwj 'a eb'.

Salmos 21:4

'Ix sc'an najtxb'oc sq'uinl 'ayach, 'ix a'n jun q'uinl 'ay 'a jun 'ejmn̈ej 'a 'a.

Salmos 51:12

'Ac' in colnb'il, 'ac' jawc in tzaljc'ojlal jun 'ejm xo; 'ac' in b'eylb'oc yiclumal 'a smasnil in c'ojol.

Salmos 51:8

'Ac' tzaljoc in c'ojol, 'ac' jawc in tzaljc'ojlal jun 'ejm xo, wach'xam tox in a b'eyc'ojlej si'mb'il.

Salmos 55:16

Palta an xo tic, cojn 'a Jehová Dios tzwal in b'a, a tzin colni.

Salmos 65:2

Smasnil 'anma tzjaw 'ayach, yujto tzab'n̈j slesl eb'.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

Pr 10:22

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.

Pr 30:8

Man̈ in a chaj 'och 'a'm 'esal, yet' 'a 'ixtj 'anma'. Man̈ in a'ch ricoal, man̈ in a'ch pax meb'a'il. Cojn tas 'ay tz'och wuj 'a junjn c'u, a chi tzac' 'ayin.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 41:17

A eb' 'anma to meb'a', eb' may tas 'ay 'a 'a, tzsayc' eb' cob' a a', palta matz 'ilchj a yuj eb'. Caw tacn̈tzaynac tz'aj yac' eb' yuj tacn̈ti'al. An xo Jehová in tic, 'oj in colwjn̈ej 'a eb', ma'oj wactc can eb'.

Jeremías 33:3

C'anb'j 'ayin, 'oj wal jun tzo'n̈ tas caw niwn yel'ch 'ayach, to satjub'tac yalxi, atn jun tzo'n̈ to mant ojcoc.

Mt 26:75

Yuj cha, 'ix snan cot Pedro tas yaljnac Jesús 'a 'a, yic yaln 'ixtic: Yic mantzac 'oc' no 'ajtzo', 'ox 'ejm 'oj e'l 'a eb'an̈, chajtlto man̈ in ojcoc, xchi Jesús 'a 'a. Yuj cha, yajn̈ej 'ix 'elt Pedro cha, syamn 'och wal yoc' si'mb'il.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Lc 19:42

'Ix yaln 'ixtic: A wal 'a jun c'u tic ex 'aj chon̈ab', octom wal xnachj 'el eyu'uj, chajtl tzeyutj e chan sjunc'ojlal Dios. Palta a ticnec, man̈xtzac stac' snachj 'el eyu'uj, yujto c'ub'b'ilx 'el 'ayex.

Jn 10:28

An tzwac' sq'uinl eb' 'a jun 'ejmn̈ej. Yuj cha, man̈x b'a'n̈ 'oj satl eb'. May junc mach 'oj stac' yi'n 'ec' eb' 'a yol in c'ab'.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

A Tas Sc'ulejnac Eb' Schecab' Jesús Hechos 3:26

A yic xya'n Dios pitzwc pax Yunnal, a 'ayn̈ec 'ix sb'ab'l checj coti, sec tzon̈ colchjec, tzcactnec can qui maysch'olnil junjn on̈ec, xchi Pedro 'a eb' yit israelal cha.

Ro 12:9

Caw yelc'ojlal tzlaj qui chamc'ojloquec qui b'a. Tzann̈j tas maysch'olnil, qui yajc can 'eli. Ax tastc wach', ca'c 'och qui nab'en 'a 'a.

Ro 16:19

Palta ax xo, smasnil 'anma 'ojtnac, chajtlto yiclum ex 'a Dios. Yuj cha, caw 'ay in tzalc'ojlal eyu'uj. Tzin nib'ej caw jeln tzeyutj e b'on jun tzo'n̈ tas wach', ax jun tzo'n̈ maysch'olnil, man̈ e comn b'o'oc.

1 Co 1:2

to yic xo Dios quetec, an̈ tzqui tz'ib'j 'at jun qui carta tic 'ayx on̈, atn ex yiglesia xo Dios 'a Corinto. Yic ex xo Dios, yujto junn̈j tzex 'aj yet' Cristo Jesús. A Dios 'awtjnacx 'och yico'oc, yet' jantcn̈ej eb' tzyal sb'a 'a Cajlil Jesucristo 'a junjn chon̈ab'. A Jesucristo a Cajlilec yet' eb'.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

Ef 3:20

A ticnec, calc wach' paxti 'a Dios, yujto a tz'a'n spoder 'ayn̈ec. Tzann̈j tas tzqui c'anc 'a 'a, wach'xam junc ton̈j nant tzqui na'a, tzta'n̈j yu'uj, yujto yel xo wal 'ay spoder sb'on smasnil tas.

Ef 4:30

Caw man̈ eyac' cus Yespíritu Dios 'aych 'ayx junjn ex. Yujto a x'ajx 'och 'a qui pixn junjn on̈ec, 'icha tz'aj yajx 'och junc seyo 'a junc tas. Yu'uj, cojquec to yic on̈c xo Dios, masnto 'oj jawc junc c'u yic 'oj qui wach' chac qui colnb'ilec.

2 Ti 4:18

A 'oj in coln can 'el 'a yol sc'ab' smasnil maysch'olnil. 'Oj in swach' moloc, sec wach' 'oj in c'och 'a yol sc'ab' 'a satcha'an̈. Niwn cab' yel'ch Jesucristo 'a smasnil tiempo. 'Ixta cab' tz'aji.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

A Ch'an̈ B'ab'el Libro Samuel 1:17

—Paxn̈ 'a junc'ojlal ach 'ix, a cab' qui Diosalec an̈ israel on̈c tic 'oj yac' tas xa c'an 'a 'a, xchi win Elí cha.

A Ch'an̈ B'ab'el Libro Samuel 1:20

'Ixta x'aj scuchn chan̈ 'ix yune'. Ax yic xc'och stiempoal, 'ix 'alj jun swinc 'unn 'ix, xya'n sb'ic Samuel. Xyaln 'ix 'ixtic: A win 'unn tic to c'anb'il win wuj 'a Jehová, xchi 'ix.

A Ch'an̈ B'ab'el Libro Samuel 1:26

Xyaln 'ix Ana chi 'ixtic: —Mamin 'ichm winac, 'ac' wal niwnc'ojlal 'ayin, wal yel an ton tic wulnc in 'ec' 'a a tz'ey 'a jun 'el, yic in leslwi 'a Jehová.

A Ch'an̈ B'ab'el Libro Samuel 1:27

Yuj ton win 'unn tic in leslwi cha, ax Jehová 'ix 'el 'a sc'ojl ya'n tas 'ix in c'an 'a 'a.